نائب اخوانى: أمي قالت لي روح للجنزوى وقوله أمي بترفض بيان الحكومة

قال النائب محمد عوض عبد العال نائب مجلس الشعب عن حزب الحرية والعدالة خلال مناقشة الرد على بيان الحكومة إن أمه قالت له روح وقول لكمال الجنزوى أمي بترفض بيان الحكومة متخيلا حوار بينه وبين أمه. وقاطعه الكتاتني رئيس المجلس في منتصف كلمته قائلا” استمتعنا بالحوار وبناء عليه ” .. فرد عليه النائب ” لسه باقي حتة ” وصفق النواب .وذكر النائب قائلا” أنا تخيلت أنى قاعد مع حامى في البيت وبتكلم معاها فبقولها إيه رأيك يا حامى في كلام الدكتور الجنزورى .. قالت لي والله يا بني كلامه كويس وطلع كل كل اللى جواه وانا نفسى اعرف انتم بتحاربوا الحكومة دى لية .. قلتلها يا أمه يعنى عجبك ولدك اللى قاعد جنبك من ساعة متخرج ومش لقى شغل وغيره كتير من اصحابه اللى قاعدين على القهاوى مش الحكومة برضه مسؤله برضه عن تشغيله ولا عجبك الناس اللى وقفه طوابير علشان رغيف العيش وانبوبة البوتجاز دا اذا كانت موجودة.. وياما ناس ماتت في الطوابير دا يا حامى ولا عجبك حال المستشفيات اللى يدخلها يتعب اكتر.. واحيانا يموت من الاهمال ولا الناس الغلابة يا امة اللى بيروحوا التأمين الصحى عشان تتعالج وهناك لا تلقى علاج ولا تلقى فلوس تجيب بها علاج مش الحكومة هى المسئولة عن علاجهم يا أمه.. قالت لي يا ولدى بس الحكومة هتجيب الفلوس وحاجات دى منين.
وأضاف النائب قلت لها يا أمه بلدنا فيها موارد كتير وفلوس كتير ببس منهوبة من زمان يا أمه وعايزه ناس يكون عندها ضمير وكل واحد يأخذ حقه قلت لي يا ابنى ما الحكومة زودت المعاش من 150جنيه ل 200 جنيه هتعمل إيه تانى قلت لها يا أمه اية الزيادة هتعمل اية مع زيادة الاسعار انت عجبك ولدك لما يروح يقف في طابور بتاع السولار علشان يجيب سولار بساعة وساعتين وفى الاخر مايلقيش سولار ويرجع تانى
وأضاف عجبك يا أمه مش الحكومة المسؤلة عن كدة عجبك فلوس الشعب اللى اتهربت برة قبل الثورة وبعد الثورة مين المسئول عن استعادة الفلوس دى يا أمه مش الحكومة برضه والامريكان اللى اتهربوا من قبل ما يتحكم عليهم في قضية معروفة للجميع مين المسئول عن تهريبهم مش الحكومة برده عارفة يا أمه الحكومة دى بيتفكرنى بإيه ... قالت لي ببقية يا ولدىوأضاف النائب ” قلت لها فاكره زمان لما كنا بنلعب استغماية وعيال وشها في الحيط وبيقولوا 10 – 20 – 30 -40 .. خلاويص لسة جابو البوليس لسة، جابو رئيس لسة ، طب عدلوا الدستور لسة، لغوا العيش في الطابور لسة والانابيب لسة بدور لسة، طب حكم على المخلوع لسة، طب عالجوا لنا الجوع لسه .. طب بطلنا المعونة لسة ، طب حبسوا اللى باعونا لسة.
يبقى ضحكوا علينا الحرامية ضحكوا علينا الحرامية ضحكوا علينا الحرامية وانا يامه برفض بيان الحكومة.. قالت لي يا ولدى روح قول ل كمال الجنزوى حامى برده بترفض بيان الحكومة