في مفاجأة سارة لجمهورها، نشرت الفنانة وفاء صادق ولأول مرة صورة لابنها الشاب على حسابها الشخصي بموقع فيسبوك، وكتبت مع الصورة عدداً من الكلمات الرقيقة التى تعلن فيها حبها الشديد له في عيد ميلاده ال 16. وكتبت وفاء تقول: "أول ما فتحت عيني وشوفته جالي إحساس غريب جداً كنت حاسة بيه في قلبي وهو بيحصل وكأن ربنا سحب كل الحب اللي أنا بحبه لأي حاجة أو أي حد واداهوله هو لوحده ..أول ماما اسمعها وفجأة لقيته بيكبر ويكبر وخلاص ماما بقيت يا فوفو أو مامزي..بحبه حب يصل إلى حد الجنون هو ونور طبعاً..النهارده بقى عنده 16 سنة ..16 سنة امتى وفين وإزاي...ده حيطلع بطاقة .. برضه امتى وفين وإزاي ..كل سنة وانت طيب يا طارق يا قمر .. يا طارق باب قلبي من أول ثانية ..عيد ميلاد سعيد يا قلبي ..ربنا ما يحرمني أنا ونور منك".