بالفيديو : السيسي خلال ماراثون رياضي ..القوة الذاتية للمصريين تعمل كتير

أكد رئيس الجمهورية عبد الفتاح السيسي أن الشعب المصري بامكانه بناء مصر بالعمل والكفاح وذلك خلال مشاركته في ماراثون رياضي .
قال السيسي خلال الماراثون :" أرحب بكل المشاركين في هذا الحدث اللي معناه اننا يمكننا ان نجتمع على شئ واحد وهدف واحد.. بناء وتعمير ... وحدة وعدم اختلاف ".
واضاف :" لما يشارك في الحدث ده او على شاكلته شباب من الشعب مع شباب من الجيش والشرطة .. حنبقى وحدة واحدة وحانعرف بعض كويس ونحب بعض كويس ومش حانختلف مع بعض كتير ".
وتابع :" لما أجيب شاب من الجامعة واقوله اقف جنب اخوك من الشرطة والجيش .. انتم مصريين ولازم تحبوا بعض واعرفوا بعض اكثر واندمجوا مع بعض اكثر .. لانكم مش اغراب عن بعض انتم جميعا مصريين "
واردف :" مثلا لو حضرتك رحت مشوار وركبت عربية الموضوع ده حيكلفك 4 جنيه في المسافة اللي حاتروحها حوالي 20 ? 25 كيلو .. لكن انا لو اتمشيت او ركبت وسيلة زي دي .. حاقدر اوفر لمصر 16 جنيه .. لان انت حاتدفع 4 جنيه زي ما قلت والدولة حاتدفع لك 8 وهي القيمة الحقيقية لانجاز مشوارك .. طيب لو فيه 3000 واحد بيعملوا كده .. شوف حاندي مصر قد ايه ".
واختتم السيسي ليس الهدف هنا اننا نعمل نشاط رياضي .. لكن المقصود رمز اكبر وهو الوحدة والتكاتف .. فيه حاجات كتيرة قوي ممكن تجمع المصريين بجانب بعضهم البعض .