من أمن الدولة إلى الانقلابيين نشكركم على حسن تعاونكم ..

"وزير الداخلية هو نفسه (بتاع الانفلات الامني) وهونفسه اللي 6 ابريل اتظاهروا عند بيته بالملابس الداخلية بس المرة دي بقى حلو ، وزير البترول هو نفسه اللي كان في حكومة هشام قنديل (بتاع ازمة السولار والبنزين) بس خلاص انحلت قبل ما يقسم اليمين"، تغريدة ساخرة على تويتر حول حكومة الانقلابيين التي شكلها حازم الببلاوي.
وعبر فيس بوك لم تسلم حكومة الانقلابيين من هجمات المدونين حيث نقرأ جدارية لأحد النشطء يقول فيها" من حبهم فى وزير الدخلية محمد ابراهبم جابو واحد تانى اسمه محمد ابراهيم للاثار وده طبعا عشان الاثار تصرف على الدخلية مية مية تيييت".. فيما يكتب مدون أخر " الشباب اللي كان عنده "30-20"سنة وقت انقلاب عبد الناصر و بدأ التطبيل و ناصر يا حرية و شوية حركات قرعة و هادنوا جلادين عبد الناصر اهو دول بقا وزراء مصر حالياً"..
سياق السخرية من حكومة الإنقلابيين كان أكثر حضورا في التغريدات على تويتر ما يؤشر إلى ثمة إنقلابا الكترونيا مبكرا على مرتزقي البيادة:
لطفي عبد الليف:حكومة الانقلابيين وزير التنمية المحلية ظابط امن دولة ومدير فرع مباحث امن الدولة في محافظة البحيرة ورفض اهل قنا دخوله مبنى المحافظة.
فيلسوف: حكومة الانقلابيين بلا شعب كالسراب لا وجود له ولكن نراه الشعب مع الرئيس الشرعي محمد مرسي وانتم أيها الانقلابيين مكانكم السجن قريبا.
نادر الخطاب:حكومة الانقلاب هل تعلم ان حازم الببلاوي كان رئيس اللجنه الاقتصادية بالحزب الوطني صباح الثورة.
أحمد:تكريما لمجهوداتهم تم ابقاء وزير الداخلية والكهربا والطاقة لأنهم ادوا الدور المطلوب منهم بنجاح لاسقاط مرسي
إبراهيم مصيلحي: لم نسمع اي حقيبة وزارية او اي حاجة للمناضل حمدين .. نهاركم ابيض !!! انزل بالمليشات يا جدع.
فهد بروق:كانوا 6 وزراء من الاخوان قالوا "اخونة الدولة" والان حكومة الانقلاب فيها 12 انقاذ والباقي فلول ايش نسميها "انقذة وفلفلة".
نادر الهادي:ما بني على باطل فهو باطل دولة الطراطير باطل حكومة الانقلاب باطل تعطيل الدستور باطل خطف الرئيس باطل.
ياسر الزعاترة:7 وزراء من حكومة قنديل في حكومة الببلاوي هم:الدفاع والداخلية والسياحة والكهرباء والآثار والإنتاج الحربي والاتصالات. فضيحة للانقلابيين.
فيس بوك ينقلب
وعبر فيس بوك اختزل رامي شعبان كل تعليقات وجداريات النشطاء حيث كتب عن حكومة الانقلابيين قائلا:"هات كام وزير فاشل من كل حكومة اتعملت بعد ثورة 25 واللي الناس كلها اتفقت علي انهم "فشلة" واخلطهم بكام وزير من الفلول وعلي راسهم أيمن ابو حديد الدراع اليمين ل يوسف والي بتاع المبيدات المسرطنة وحط عليهم كام واحد من بتوع جبهة الانقاذ بتوع لا منصب ولا انتخابات تحت حكم العسكر وسيب وزير داخلية مرسي اللي معارضين مرسي قالوا عليه قتال قتلة وسيب وزير كهربة مرسي اللي كتير من المتظاهرين خرجوا بسبب غضبهم من قطع الكهربا وهات منير فخرى عبد النور بتاع السياحة حطه للتجارة والصناعة ومش فاهم ايه العلاقة بين السياحة والتجارة والصناعة حط كل دول في الخلاط يطلعك وزارة الانقلاب بس السيسي حلو وجميل وكيوت".. كما نقرأ ايضا:
أحمد المغير:حكومة الانقلاب ضمت نفس وزراء الأزمات الكهربا والداخلية والبترول ، كان المنطقي لو الازمات دي حقيقية يبقوا دول في السجن دلوقتي لكن طبعا مجهودهم الكبير في "خلق" الأزمات دي كان لازم يتكافؤوا عليه.
حفصة الخليل: حسبنا الله ونعم الوكيل على الظالمين الخونة..اللهم رد د. مرسي الينا ردا جميلا..واعد الحق الى نصابه..عمرنا لن نعرف ان نعيش بديمقراطية واحترام اذا بقى العملاء يتحكمون بمقدرات هذه الامة العظيمة..