موضوع الحلقة : ازمة بعد انتهاء الازمة "البوتاجاز" رشا مجدي: مشاهدينا الكرام مساء الخير واهلا بكم في حلقة جديدة من اتجاهات النهاردة هنتكلم على موصوع الساعة وهو البوتاجاز وهيكون ضيوف الحلقة في الاستوديو المهندس محمود نظيم وكيل اول وزارة البترول والثروة المعدنية ومعانا الدكتور محرم هلال الرئيس التنفيذي للاتحاد المصري لجمعيات المستثمرين اهلا بيكم فاصل راي وزير البترول عن ازمة اسطوانات الغاز فاصل رشا مجدي: ملابسات واعادة تقييم سعر انبوبة البوتاجاز جه ازاي م . محمود نظيم: في ديسمبر اللي فات كان فيه اتجاه لترشيد الدعم وان الاسطوانة تبقى ب8 جنيه على الكارت الذكي و30 جنيه ودي لاتمثل سعر حر اللي قد يصل الى 80 جنيه وبالتالي هوصل الدعم الى مستحقيه رشا مجدي: طب ليه اصحاب المستودعات قطعوا طريق القصر العيني واقتحموا وزارة التموين ووصلوا للدور التاني م . محمود نظيم: انا نفسي مستغرب من الموضوع ومصدوم من رد الفعل دا رشا مجدي: دكتور محرم ترى رد الفعل ايه بعد الاسعار الجديدة للبوتاجاز د.محرم هلال : منظومة البوتاجاز بقالها 20 سنة في فساد ومنظومة فاشلة فهذه المنظومة ادعي انه بقالي 4 سنين بحاول اصلح مع زملائي اني اصلح منه ولم ننجح واللي ساعدنا الدكتور الجنزوري.. ماينفعش سعر انبوبة البوتاجاز يبقى ثابت من 20 سنة فقلنا نعمل منظومة مدروسة دراسة جيدة وعندنا وزير بترول ووزير تموين محترفين وبيدرسوا دراسة علمية وعندهم جراة في اتخاذ القرار رشا مجدي: هل اللي حصل النهاردة من رد الفعل كان مبالغ فيه طالما انا شايفة انه فيه حلول م . محمود نظيم: النهاردة الصبح كان فيه بعض الاشخاص موجودين في محطات التعبئة الكبيرة اللي بتدي القاهرة وكانوا مانعين طلوع العربيات المحملة باسطوانات ولكن زارة الداخلية استطاعات ان تخرج العربيات من المصانع وقدام امتناع بعض متعهدي القطاع الخاص نزلنا في جميع انحاء القاهرة اسطوانات ب8 جنيه وكان رد فعل الناس كويس رشا مجدي: هو الماطن اللي بيروح ياخدها ب8 جنيه بعد 5 جنيه د.محرم هلال : مفيسش حد اشتراها ب5 جنيه رشا مجدي: ب8 جنيه وكان فيه طوابير وبهدلة كانت الناس بتشتريها بسعر يوصل الى 50 و60 الناس بتقول ماهو لما يبقى ب5 كانت بتوصلب بكده امال لما تبقى ب8 هيبيعهالي بكام د.محرم هلال : الجديد ان كل مستودع هيتربط عليه عدد من الناس على بطاقات التموين بحيث هتروحي اي وقت هتلاقي اسطوانتك موجودة ومش اكتر من 8 جنيه ولو واحد اشترى اسطوانة اكتر من 98 جنيه يبقى كارثة وهطالب باستقالة الحكومة رشا مجدي: والمنظومة دي اتطبقت في انه محافظات وهل مطبقة في القاهرة م . محمود نظيم: اولهم القاهرة ومفتشين التموين بيقفوا في المستودعات وبتراقب عملية التوزيع رشا مجدي: والكوبونات دي نجيبها منين م . محمود نظيم: من مكاتب التموين د.محرم هلال : مرحلة التجارب خلصثت وانا شخصيا بلوم على البترول ووزارة البترول ووزير البترول والتموين انهم مطبقوش قرار مجلس الوزرا بتطبق المشروع مرة واحدة هما نزلوا رشا مجدي: نظام الكوبونات دا انا بسمعه من ايام الدكتور علي مصيلحي وفضلنا من 2010 وحصلت اثورة وبدا يتاجل م . محمود نظيم: كان فيه خوف من تطبيق هذا الموضوع لانه اسطوانة البوتاجاز بتخش بيت كل مصري.. ودا موقف يحسب اللحكمة ان الحكومة لما لقت الانبوبة ام 60 جنيه قد تؤثر على اسعار المطاعم والاكل والفنادق والكلام دا الحكومة قالت مش هنفذ الكلام دا دلوقت قالت انه هنكتفي ان الناس دي تشتريها ب8 جنيه د.محرم هلال : وهل يعقل ان المليونير يشتريها ب8 جنيه والسواق بتاعه يشتريها ب8 جنيه م . محمود نظيم: هذه تعتبرها خطوة على الطريق والمنظومة لما تنتظم لازم نستكمل قاعدة بيانات من خلال الكارت الذكي وقد يكون فيه طبقى ماسكة نفسيها متستحملش انها تجيبي انبوبة ب60 جنيه و30 جنيه فقلنا انها تتقدم الى مكتب التموين وتاخد الانبوبة ب8 جنيه رشا مجدي: بس المطعم معندوش مشاكل انه يروح يوقف صبيانه انه يروحوا المستودع د.محرم هلال : انا ببيع لاوتيلات في شرم الشيخ والغردقة بجيب اتنك ب8 الاف جنيه ببيعه ب300 جنيه للطن لفنادق 5 نجوم ودا غير مقبول لانه احنا دولة بنعاني من مشاكل م . محمود نظيم: مصانع الطوب اتوصل لعدد كبير منها الغاز الطبيعي ويمكن احنا سعدنا في حالة تقسيم مصانع الطوب والكحكومة بتؤمن بالحوار المجتمعي قبل ماتاخد قرار.. الابنبوبة ما اتحركتش من سنة 92 رشا مجدي: عايزة اعرف تكلفة الاسطوانة قد ايه م . محمود نظيم: الغاز اللي جوه الاسطوانة تمنه على قطاع البترول تمنه 85 جنيه قد يصل الى 100 جنيه رشا مجدي: طيب احنا انتاجنا من البوتاجاز م . محمود نظيم: في حدود 5800 طن يومي وبنجيب عليهم من 7 الى 8 في الشتا وبننزل حوالي 14 الف طن ومحتاجين ان السوق يشعر ان السلع متوفرة رشا مجدي: ناخد المهندس اسامة كمال معالي الوزير مساء الخير .. سعادة الوزير ياريت توضح للمشاهد لانه فيه حالة قلق في البلد م.اسامة كمال- وزير البترول والثروة المعدنية :المشروع اخاص باعادة تسعير انبوبة البوتاجاز كان بيقضي ان هناك 3 اسعار سعر للبطاقة المدعمة 8 جنيه وخارج البطاقة 30 جنيه والانبوبة التجارية 60 جنيه ومتففق انه هناك بعض الشركات السياحة والاستثمارية اللي يجب انه يكون فيها سعر خاصث ولكن هل هذا التوقيت مناسب في ظل تدهور السياحة ان نزيد سعر البوتاجاز ومحلات الاكل هل هي في حالة تسمح انه يرفع سعر اي حاجة هو بياخدها .. وقلنا انه سعر الانبوبة هتبقى 8 جنيه لكل من معاه كارت او مامعوش كارت ذكي رشا مجدي: مفيش بطاقات ذكية يافندم م.اسامة كمال- وزير البترول والثروة المعدنية :وزارة التنمية الادارية حطت الانبوبة فعلا على الكارت الذكي بتاع التموين ولكن لسه قاعدة البيانات مش مكتملة فاحنا بدانا خطوة على الطريق وبدات الناس تاخدها ب8 جنيه والعبوة المزدوجة بتاعة المحلات ب16 جنيه رشا مجدي: معالي الوزير انت بتطلب مع المواطن انه يتعاون مع الحكومة لتنفيذ المنظومة بس ليه قاعدة البيانات لم تكتمل حتى هذه اللحظة وعندنا السجل المدني م.اسامة كمال- وزير البترول والثروة المعدنية :في ظل الامور مستقرة وكان فيه سيطرة شديدة على اسوق لم يجرؤ احد انه يتكلم في الموضوع وفي ظل الظروف الحرجة نتعشم انه الناس تتجاوب وتسجل نفسها في مكاتب التموين واقرب مكتب التموين ببطاقته الشخصية عشان يطلع له انبوبة البوتاجاز رشا مجدي: شكرا معالي وزيرالبترول والثروة المعدنية.. انا دلوقت فيه ملامح نظام للماطن مع اصحاب المستودعات نقول للمواطن البسيط السسيستم ماشي ازاي م . محمود نظيم: اللي عايز يروح المستودع ياخد اسطوانته هيلاقيها بكل سهولة ب8 جنيه ومش هيقف في طابور واحنا بنعد ان المعروض بيتم عرضه بوفرة بحيث ان كل واحد يروح يلاقي احتياجاته رشا مجدي: اللي معندوش بطاقة ذكية يروح للمستودع واللي معندوش م . محمود نظيم: قلنا تخفيضا للنفقات نستغل البطاقات الذكية ونضيف عليها ووزعناها على المستودعات ولكن فيه بعض الاسر محتاجة انها تجيب الانبوبة بسعر مدعم فقلنا ان الاسر تسجل نفسها وتاخد احتياجاتها واول مرة يعدي شتا ومايحصلش مشكلة رشا مجدي: واللي بيشتروا انبوبة البوتاجاز من برة هل سعر 8 جني هيخلي ينتعش السوق السودا م . محمود نظيم: السادة المحافظين كانوا منظمينها وتوصل لباب البيت بزيادة جنيه او 2 او 3 رشا مجدي: بس محافظة القاهرة مفيش الكلام دا د.محرم هلال : لا فيه يافندم م . محمود نظيم: السادة المحافظين بينظموا هذه الامور وحتة اللامركزية اللي موجودة انه بيفرض رسوم اضافية للمنازل رشا مجدي: فيه شعارطرحته وزارة البترول اليومين دول وعايزة اعرف رايكم " الغاز هو الحل" م . محمود نظيم: احنا في سبيل هذا الشعار انه نصل ل2 مليون منزل غاز طبيعي واحنا بنتحدى نفسنا انه في خلال 18 شهر نوصل بيوت مصر احنا تكلفقة 2 مليون منزل هتكلف 4 مليار جنيه لوزارة البترول لو انا النهاردة وصلت دا معناه انه وفرت 4 مليون اسطوانة في الشهر يعني 50 مليون اسطوانة ولو ضربناها في سعرها الحقيقي هتلاقي رقم فلكي فالنهاردة ممكن في 7 شهور اجيب اكتر من 2 مليار ودورنا اننا نخفف على المواطن رشا مجدي: اسعار الغاز اللي بيوصل للمنازل غلي د.محرم هلال : المفروض ان تزاد اسعار الغاظ الطبيعي ضعفين وتلاتة وتتحط على البطاقة النهاردة الناس اللي عندها غاز لازم اضيف على فاتورة الكهربا حتى يكون فيه نوع من العدالة رشا مجدي: الناس مش مستحملة .. ايه راي حضرتك م . محمود نظيم: شعار الغاز هو الحل مش بس في المنازل ولكن في العربيات واحنا عملنا اتفاقية على عدجد من اراضي المحافظات انه نعمل فيها محطات ولو مواطن قلب غاز هنعملها بدون فلوس وهياخد مايعادل لتر الغاز ب90 قرش وانضف للبيئة فانا شايف انها فرصة ذهبية ان الناس تروح محطات الغاز وتحول عربياتها واللي هيحول عربيته غاز عنده وسيلتين غاز او بنزين فهيبقى الخيارين رشا مجدي: ازمة السولار ايه اخرة الازمة م . محمود نظيم: الازمة بدات تنحسر واحنا بقالنا بنزل 38 الف طن وبنستعد لموسم الحصاد لانه بيستهلك وشفنا احتياجات الاراضي الزراعية للفدان عن طريق وزارة الزراعة وهنربط عدد من الحيازات على محطات هياخد بوسيلة من الوسائل على محطة حسب حيازته د.محرم هلال : في طابا ونويبع العربيات تيجي فاضية وتدخل عندنا من العقبة بتعبي بجنيه وهو بيتباع ب2 دولار وكل يوم التانك بيشيل 500 لتر رشا مجدي: انا اعتقد ان منظومة الدعم في الوقود يجب ان يعاد فيها النظر زي منظومة البوتاجاز م . محمود نظيم: انا بس بطمن المواطن انه النهاردة ان جميع مصانع التعبئة انتظمت وبكرة الوضع هيكون احسن بكتير د.محرم هلال : وبقول قبل مانمشي ان الناس نتتقي الله في مصر وتحط ايديها في ايدين بعض والاعلام يرحمنا شوية يعني الاخبار بتقول انه الاسطوانة زادت بدل 2.5 بقت ب8 جنيه رشا مجدي: اشكركم شكرا جزيلا وان شاء الله الغد سيكون افضل ومشاهدينا الكرام شكرا جزيلا وغداحلقة جديدة من اتجاهات