حماد: حكومة الانقلاب من الفلول وأحزاب معارضة الحزب الوطني

شن الدكتور يسرى حماد - نائب رئيس حزب الوطن – هجوماً حاداً على تشكيل حكومة الإنقلاب العسكرى التي وصفها بأنها من فلول نظام المخلوع وأتباعه وكذلك من أحزاب المعارضة التي كانت معارضة صورية أيام الحزب الوطني .
وقال حماد فى تدوينة على صفحته الشخصية "فيس بوك" :" دعنا من إن وزير الإسكان و وزيرة الاعلام و وزير المالية كانوا من مشاهير الحزب الوطني، و سيبك أيضاً من إن وزير التنمية المحلية كان ظابط امن دولة و كان أحد رجال مبارك المخلصين وكان كل ما مبارك يشيله من حتة يحطه في التانية "
وأضاف: "سيبك من إن وزير الزراعة كان يوسف والي هو اللي معينه رئيس مركز البحوث الزراعية و إن احمد شفيق جابه وزير زراعة في حكومته و سيبك من ان وزير الطيران تصالح مع جهاز الكسب غير المشروع و دفع 4 مليون جنيه علشان ميدخلش السجن".
وتابع حماد:" سيبك من ان وزير الكهربا هو نفسه اللي كان موجود في حكومة هشام قنديل (بتاع قطع الكهربا) ، و سيبك من ان وزيرالداخلية هو نفسه اللي كان في حكومة هشام قنديل(بتاع الانفلات الامني) وهونفسه اللي 6 ابريل اتظاهروا عند بيته بالملابس الداخلية "
وأختتم نائب رئيس حزب الوطن تدوينته بقول: "سيبك من ده كله وقول لي ازاي حكومة تكنوقراط تحط رأسمالي في وزارة الصناعة ورأسمالي في الاستثمار وفي نفس الوقت تحط شيوعي في وزارة القوى العاملة ؟؟!!"