مع تصاعد أزمة التموين اهالى الإسماعيلية : منهم لله اللى فوضوا السفاح

تصاعدت شكاوى مواطنى محافظة الإسماعيلية من أزمة السلع التموينية وارتفاع اسعار السلع الأساسية ولم يتحصل المواطن على نصف ما كان يتحصل عليه قبل تطبيق المنظومة الجديدة. قال سعودى محمد -مدير ادارة بالتعليم الفنى -:الزيت كان ايام مرسى كثير ومتوفر لدرجة ان الناس كانوا بيبعون الفائض منه فى الاسواق واليوم نبحث عنه فى كل مكان لا نجده . وأضاف: السيسى بيربي الشعب واحدة واحدة الاول يرفع سعر التموين كله ثم يشيل نصفه وبعدين يشيله كله خلى كل اللى ايده يذوق ظلمه . وقالت زينب أحمد- عاملة بالوحدة الصحية-: زوجى صدع دماغى من روحى هاتى التموين ولما ذهبت للتموين اتحسرت أعطونى زجاجة زيت واحدة وكيلو ارز لزوجى لان انا مليش تموين ونحن اسرة مكونة من فردين لذا قمت بشراء السكر والشاى على حسابى فكيف يكفى هذا التموين لمدة شهر . وأوضحت أنه مادام سعر التموين ارتفع سوف يرفع التجار الأسعار أكثر فى المتاجر.وقالت أم سيف -ربة منزل- :انا استلفت زجاجتين زيت هذا الشهر وحصتنا فى التموين زجاجتين زيت فاعمل ايه اسد اللى عليا ولا اطبخ بيهم ؟ كما انهم مش هايكفوا الشهر لاننا اسرة مكونه من 4 افراد والاولاد ليس لهم تموين . وأضافت :أنا فرحانه فى اللى انتخبوا السيسى خليهم يشربوا .من جانبها قالت أم عبد الرحمن عبد الله -مدرسة- :حسبى الله ونعم الوكيل كدة مش هايخلوا الناس تشرب شاى ولا تعمل عصير ولا حد يزور حد بشاى ولا سكر