بالفيديو| الصيادون العائدون من ليبيا: "لحسنا تراب مطار القاهرة"

قال أحد الصيادين المخطوفين من "برج مغيزل" بكفر الشيخ، "أنا كنت بحلف هناك بإيمانات المسلمين كلها علشان مش هشتغل الشغلانة دي تاني، وقولنا لليبيين إننا بنروح 5 أيام سفر وبنحلفلهم وهما يقولوا لا، أنت جاي تخرب البلاد والحكومة في مصر بتقول إننا خطفناكم وبنعذبكم".
وأضاف الصياد، في تصريح ل"الوطن"، أن "التوانسة أحسن ناس ولما المركبة بتاعتهم قربت مننا وهما معلقين علم تونس، لقيناهم بيضربوا نار والدم كان نازل جنبي والناس بتموت وقولتله يا فندم ده ما يرضيش ربنا كان بيرد عليا ويقولي جاي تعرف ربنا دلوقتي، وسلموني لسجن أبوسليم وده كان أوحش سجن اتسجنته في حياتي".
وتابع قائلًا: "ربنا بيقولك داري عورتي وهو يقولك أنا ماليش دعوة هتتفتش يعني هتتفتش، والراجل بقي حاسس إنه من قادر يشتغل ولا يعمل حاجة، ولما الجماعة الأقباط اتدبحوا، كلمنا أهلنا وقولنالهم كلموا الخارجية وقولوهم إحنا هنموت هنا"، مضيفًا: "نزلنا من الطيارة لحسنا تراب مطار القاهرة.. مكناش مصدقين هنرجع تاني".