سامح أبوالعرايس: "ياواد ياسوسو" أغنية ماسونية لتهديد السيسي

قال سامح أبوالعرايس، الذي يصف نفسه بالمحلل الاقتصادي علي حسابه الخاص على "الفيس بوك":
"شاهدت أغنية طلعت النهاردة إسمها "يا واد يا سوسو" واضح أن الماسونية بتبعت من خلالها رسالة للسيسي. الشركة المنتجة اسمها Free Music علشان يكون الاسم قريب من Free Masons وهو الإسم الرسمي للماسونية والمغني إسمه " دياب " وخلال الأغنية بيعمل بإيده نفس الحركة اللي بيرمزوا بيها للسيسي كأنها حرف C C لما بيقول يا سوسو، واضح إن "سوسو" بيقصدوا بيها السيسي وبيعاتبوه وبيرمو عليه كلام بأنه غدر بهم وإنقلب عليهم بعدما أوصلوه لمكانته، وهذا يتوافق مع أحد الاحتمالات اللي طرحتها أن السيسي كان ماسونياً وإنقلب عليهم أو ربما إخترقهم وأقنعهم أنه ماسوني، ركزوا كده في كلمات الأغنية: "اللي يعمل فيك جميل حقك تبوسه مش تفكر تجرحه عايز تدوسة لسه بدري عليك قوي لسه يا سوسو .. آه يالي شوفت علينا نفسك حد قالك ان كبرك زودك بالعكس قالك .. ده احنا معملناش لحد اللي اتعمل لك .. انا تعبت معاك قوي وإنت كداب قوي ..أنا اللي غلطان خليتك طلعت كدا اتاريك غدار ومكانش عليك باين .. نسي نفسه زمان كان عامل نفسه غلبان دلوقتي جنان إعقل ياسوسو"
بإختصار الماسونية بتعاتب السيسي إنهم دعموه ووصلوه لمنصب وزير دفاع وبعدين إنقلب عليهم وأسقط تنظيمهم التابع الاخوان وبيضرب عملاءهم في مصر . والله أعلم !!"