وأهو كله كلام.. وكلام ينقال ومحدش سامع وكلام وشوشة وكلام ضايع وكلام أحسن له سكوت وكلام وقته بيفوت وكلام لو قلته هاموت وكلام بيجيب الغلب وكلام خارج م القلب وكلام بينور درب بحلاوته يزيدك قرب وكلام شخللة بالصوت بيرن كأنه غوايش جلجلته تعدي تفوت هاتحس إنك كده عايش وكلام في القلب حزين لو قلته هاقوله لمين وكلام معيوب مطلوب ولو إنه مهوش محبوب وكلام في العين متعلق مع أو دمعة هاينطق وكلام مليان بملامة هايسيب في مكانه علامة وكلام من ناس ضايعين بكلامهم مش فارقين وكلام بتمني أقوله حتي لو مش راح أنوله يمكن منّي يودوله وأهو كله كلام موجود آه يا لساني يا معقود