ليه ياصاحبى : شعر لرامي جمعة

كنت قاعد...... وف أمان الله ......نادانى صاحبى
قالى...شوفت ياعو صاحبك ...قولت ...صاحبى
قالى ...صاحبى
مليون حكايه...جوه عبنى اتجمعت
حتى عينى ...من القساوه ما دمعت
تاه الكلام ...من فوق لسانى
والغرابه ..بين ملامحى اتوزعت
.........
اعذرونى
........
لما تبقى حد خاين ....ايه شعورك؟
ولا لما حد تاني ..... يقوم بدورك
ايه شعورك؟
ولا صاحبك .......فجأة طاح بك
ايه شعورك؟
لما تلقى المر فجأة .. جه وصاحبك
لما تنسى انك انته كنت صاحبك
ايه شعورك؟
افهموني
جوه عقلي ... اتلخفنت كل المعاني
والسؤال.. غريب في سطري .... والجهل جاني
والشعور ... انسان برئ .... وانسان اناني
وبنيه تايهه في الحروف .... وانا فمكاني
شايف حقيقة ... والحقيقة مش عشاني
الحقيقة لحد تاني
.........
انصحوني
.......
طب كبابي الشاي دي كلها
فوق ضفاف النيل يا خلي
ولا ضحكة من القلوب .... بينا تملي
ولا كلمة ... يلا بينا نقوم نصلي
ولا كسرة عيش بملح ...اتقسمت لقمة هنية
ولا رجلينا اللي مشيت ويا بعض .. بدل الكيلو مية
ولا كتفك .. جنب كتفكه.. جبن كتفي... في الظروف
كلها هانت عليك
اسمعوني
الحكاية مش طويلة .... في كلمتين
حد باع العمر كله ... عشان يومين
والنهاية مش غريبة ... النهاية بصوت حزين
لما يسأل فين مكانه او مكاني .... قولو مين؟
واما عقله يفوق ويصحى هيفتكر
ان اختياره كان غشيم
ليه يا صاحبي
ليه يا صاحبي ؟؟؟؟؟