نشطاء «تويتر» يعلقون على دعوة «صباحي» لمناظرة السيسي: طبعا لو رفض مش هتقدر تقول ده خايف مني

تعليق: خلاص ياعم حمدين زمن المناظرات والحريات بتاعتك دي انتهت.. انت لسه عايش في عصر الصورة
وآخر: السيسي لو جدع يقبل مناظرة حمدين ويطلع يقوله بص يا أبني أنا قررت أكون رئيس عندك مانع
علق عدد من نشطاء موقع التواصل الاجتماعي "تويتر" على الدعوة التي أطلقها حمدين صباحي، المرشح المحتمل لرئاسة الجمهورية، للمشير عبد الفتاح السيسي، لمناظرته علنية، وسخر البعض من الدعوة، بينما رآها آخرون خطوة شجاعة من صباحي، وجاءت تعليقات النشطاء كالتالي:
_ "يعني انت عايز المشير يطلع يقف جنبك كده ويتكلم معاك على الهواء.. والله انت بتحلم".
_ "أنا عايزك بقى لو السيسي رفض المناظرة تطلع تقول في الإعلام أنه خاف مني زي ما عملت مع مرشحين سابقين.. بس طبعا مش هتقدر".
_ "خلاص ياعم حمدين زمن المناظرات والحريات بتاعتك دي انتهت.. انت لسه عايش في عصر الصورة؟".
_ "أحلى حاجة في حمدين إنك تحسه برئ أووي يا أخي.. بتدعي السيسي لمناظرة ياعديم الإنسانية".
_ "والله أنا لو من السيسي أطلع ارد على صباحي وأقوله روح أعمل مناظرة مع اللي أدك يابني.. إحنا هنهرج".
_ "بص ياحمدين اعمل اللي انت عايزة بس المرة دي مش هتاخد أصوات الانتخابات أكبر من حجمك.. لأنه صغر أوووي".
_ "السيسي لو جدع يقبل مناظرة حمدين ويطلع يقوله بص يا أبني أنا قررت اكون رئيس عندك مانع؟"