تركي آل الشيخ يفتح النار على مجلس الأهلي: " غاويين بطولة زائفة.. الله يرحمك يا صالح سليم"

قال تركي آل الشيخ: " ما شاء الله لسه فايقين إن في هجوم وإساءة لكم من رئيس الاتحاد العربي، وليه لما قلت في لقاء تلفزيوني إني من كام يوم اني بفكر استقيل من الاتحاد العربي ... فحبيتو كالعاده تاخذو اللقطه
واصل المستشار تركي آل الشيخ رئيس الاتحاد العربي لكرة القدم، مالك نادي بيراميدز، هجومه على مجلس النادي الأهلي، في تدوينة جديدة، عبر حسابه الشخصي على مواقع التواصل الإجتماعي "فيس بوك".
وقال تركي آل الشيخ: " ما شاء الله لسه فايقين إن في هجوم وإساءة لكم من رئيس الاتحاد العربي، وليه لما قلت في لقاء تلفزيوني إني من كام يوم اني بفكر استقيل من الاتحاد العربي ... فحبيتو كالعاده تاخذو اللقطه وتطلعو أبطال قدام الجمهور وتلعبو على نغمة احنا الي مشيناه"
وتابع مالك بيراميدز متسائلًا: " وكمان مش دي البطولة الي لعبت فيها كده مباراة قبل كده وطلعت ؟! وهو أنت شاركت عشاني ولا عشان مصر وعشان الجايزة الي ب 8 ملايين دولار؟.. وبعدين لما عرفتو ان اتحاد الكورة قرر تأجيل الماتش وده حق مشروع لنادي بيراميدز، عملتوا بطولة ومنزلينها في بيانكم وكأنه مخرج ليكم ؟! عشان ميبانش ان اتحاد الكورة اخذ القرار العادل !!"
وواصل المستشار تركي آل الشيخ: "وكمان عاوز اسأل هو ماتشنا معاكم كان من غير جمهور الدور الاول؟ ... يبقى من حقنا الماتش التاني يبقى بدون جمهور، وده الحق الطبيعي لينا ... وأنا بسأل للمره المليون وقدام الجمهور الان فين قرار قبول الاستقالة من الرئاسة الشرفيه؟! ومين الي خايف يواجه ؟ انا اللي طالبت ان الماتش يكون في الكأس، وبنفس التاريخ واتبح صوتي من 10 أيام بكده؟
وواصل: "مين اللي عاوز يأجل ماتش الزمالك ؟ بعدين أنا بستغرب .. أخاف ليه وأنا فايز بهدفين .. وجون من السعيد وجون من أوفر من السعيد ؟.. لاعب منتخب مصر الي اتدفع قيمته 3 مرات واللي بتحارب فيه، واللي رميت بكل الذوق والمبادئ، وروحت تشتكيه على الفيفا، وعلى الأهلي السعودي، اللي منه الأمير المرحوم عبد الله الفيصل الرئيس الفخري، واللي فيه صالة باسمه في النادي!!
وتابع: "أنا فهمت الفيلم اللي كنت بتعمله بس فهمته للآسف متأخر ... إن الهدف احراق صورتي وكسب بطولة زائفة قدام الجمهور ... الله يرحمك ياصالح سليم !!"