«طمأن المصريين».. ملخص تصريحات الرئيس السيسي اليوم

طمأنت تصريحات الرئيس السيسي المصريين اليوم الأحد الموافق له 1 أكتوبر الجاري، حيث قال إنه تحدث مع مجلس القضاء الأعلى صباح اليوم عن سهولة هدم الدول.
وتابع خلال جلسة المشروعات القومية والبنية التحتية ضمن فعاليات مؤتمر حكاية وطن.. بين الرؤية والإنجاز، قائلًا: «أنا كنت بكلم السادة مجلس القضاء الأعلى الصبح وقلتهم تخيلوا ممكن أهد مصر ب2 مليار جنيه».
تصريحات الرئيس السيسي اليوم
واستكمل: «وهما استغربوا جدًا، قلتلهم أدي باكتة و20 جنيه وشريط ترامادول ل100 ألف إنسان ظروفه صعبة، أنزله يعمل حالة.. أهد بلد فيها 100 مليون أو 105 مليون بمليار جنيه، يعني 30 مليون دولار، فيه ناس بتصرفهم في حفلة!».
وقال أيضًا: «يبقى لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعًا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه».
كلمة الرئيس السيسي منذ قليل
وتابع كلمته ضمن تصريحات اليوم الأحد 1 أكتوبر 2023، قائلًا: «إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول.. ماحدش هيهاجمك كتير من بره بشكل مباشر لأن ده تبعاته ضخمة جدًا ومكلفة جدًا».
وقال أيضًا: «مش بس عسكريًا وماليًا حتى من منظور القانون الدولي والنظام العالمي الموجود، الناس نازله تتظاهر وأنا بمليار جنيه أنزلهم 10 أسابيع ورا بعض زي ما نزلوهم».
تصريحات الرئيس السيسي
خطاب السيسي اليوم مباشر
وشهدت تصريحات الرئيس السيسي اليوم، حرصه على توجيه الشكر للدكتور عاصم الجزار وزير الإسكان، والفريق كامل الوزير وزير النقل، على استعراض جهود وزارتيهما خلال التسع سنوات الماضية.
وقال رئيس جمهورية مصر: «عاوز أقول إن كل كلمة قالها الدكتور عاصم والفريق كامل في كل نقطة اتعرضت أو ما اتعرضتش كان محل جهد وإرادة أن البلد دي تتغير من الواقع اللى موجودة فيه لواقع تاني خالص».
آخر قرارات الرئيس السيسي اليوم
وأضاف: «اتصور أن كل وزير كان معني بشغله لكن دولة رئيس الوزراء كان موجود معانا، وأكثر شخصية تحملت ضغوط هائلة لأن الوزير المختص بيجي يعرض حاجته وخلاص، يكمل شغله، ويحضر اجتماع مجلس الوزراء، لكن الدكتور مصطفى كل يوم معانا ومش بجامل حد أبدًا».
واستكمل: «واوعوا تفتكروا الفترة لما كان فيها وزير الإسكان ورئيس الوزراء كانت فترة هينة»، كما وجه الرئيس عبد الفتاح السيسي، الفريق كامل الوزير بضرورة الانتهاء من تطوير ميناء الإسكندرية عام 2025 وليس 2030.
تصريحات الرئيس السيسي