مدحت صالح :"نزلت شارع الهرم لمدة سنتين.. وبغني مغمض عيني لهذا السبب!"

كشف الفنان مدحت صالح كواليس وأسرار عن حياته الفنية في بدايتها وكيف عانى مادياً في هذه الفترة، وذلك خلال لقائه ببرنامج Sold Out المذاع على منصة Watch IT.
بدايات مدحت صالح الفنية
وسرد الفنان مدحت صالح تفاصيل بداياته الفنية، فقال :"جبت سنة 79 عربية سيات أول ما طلعت، وكنت محتاج ضعفين المرتب عشان أدفع قسط العربية وكان أول وآخر قسط في حياتي، ولما اتعذبت بطلت الأقساط".
كما استكمل حديثه: "مكنتش بحب النقطة، بس عمر فتحي -الله يرحمه- أقنعني آخد النقطة، هو كان بياخد وأنا لا، وقالي احنا مش بنضرب الناس على إيدها ولا بنمد إيدينا في جيب حد، ولما قررت آخد النقطة كنت بشتغل عند الست شريفة فاضل في كازينو الليل، وكنت متفق إني مش هاخد كيت، بشتغل في نايت كلوب بس بطريقتي، وفي نفس الوقت مش بناخد مبلغ كبير تقريبًا كان 180 أو 185 جنيه في الليلة ولما طلبت أزود قالتلي مفيش ما أنت اللي عامل في نفسك كده أنت ممكن تبقى أغنى واحد فينا كلنا والناس بتحبك لو خدت الكيت".
أسرار من حياته الشخصية
وتابع كاشفاً سر إغلاق عينيه أثناء الغناء، قائلا ً :"أنا بغني مغمض عيني لأني اتعودت على ده، وأنا بغني سمعت صوت حاجات بتنزل وصوت الفلوس، ومن هنا بدأت الحكاية، والنُقطة مش بياخدها المطرب كاملة، فيه تلت للمكان وتلت للأوركسترا وتلت للفنان، وبعد ما كنت بروح الصافي بتاعي 45 جنيه بقيت بروح 5 و6 آلاف جنيه في اليوم الفلوس بتدفي لما بتبقى بتعب".
كذلك استرسل حديثه عن عمله في شارع الهرم، متابعاً: نزلت شارع الهرم لمدة سنتين بس، غنيت في كازينو شاليمار وعند أمين بيه سامي، حوشت سنتين وبعدين ركبت عربية بيجو 503 ودفعت فلوسها كاش، الفلوس جات آخر 3 شهور في شارع الهرم، الدنيا كانت هتختلف لو كنت من الأول بقبل الكيت، وقبلته عشان عايز أجمع 16 ألف جنيه لإنتاج ألبوم السهرة تحلى، وأول دخل جالي من الألبوم نزلت دفعت مقدم لعربية مرسيدس".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا