لو عايز تعمل حلويات سريعة من غير خبز وعجن.. جرب الوصفات دي

يحتاج العديد من الناس بل غالبية الناس إلى تناول الحلويات، فالجميع يحبون مذاقها وبشكل كبير لا يوصف، وفي هذا الموضوع سنقدم لك عدة وصفات لحلويات من غير خبز وعجن لا تحتاج لوقت أو مجهود، كما أن تكلفتها اقتصادية ومناسبة لأي منزل.

إزاي تعمل حلويات من غير خبز؟
1_ كوكيز زبدة الفول السوداني
المكونات:
نص كوب زبدة فول سوداني
2 كوب سكر
تلت كوب حليب
نص كوب زبدة فول سوداني
معلقة صغيرة مستخلص فانيليا
ربع معلقة صغيرة ملح
3 كوب شوفان
– نص كوب رقائق شوكولاتة للتزيين (اختياري)
الطريقة:
في وعاء متوسط وعلى نار هادية.. اخلط السكر والزبدة والحليب مع التقليب المستمر لحد لما الخليط يدوب
سيبه يغلي لمدة دقيقة وبعدين شيله من على النار وضيف زبدة الفول السوداني والملح والفانيليا
ضيف الشوفان للخليط وقلبه كويس في صينية عليها ورق زبدة
املا مقدار معلقة كبيرة من الخليط وحطها في الصينية وسيبها في درجة حرارة الغرفة نص ساعة
سيح الشوكولاتة في الميكروويف أو على البوتاجاز وزين بيها الكوكيز.
2_ تشيز كيك بوبس
تشيز كيك بوبس
المكونات:
علبة من الحلوى لونها
أبيض أو مربى فراولة
علبة جبنة كريمي
بسكوت مطحون
الطريقة:
سيح الحلوى أو جهز المربى في وعاء
وفي وعاء تاني.. اضرب الجبنة الكريمي بالمضرب الكهربائي
5 دقايق لحد ما قوامها يكون خفيف
اخلط الجبنة مع الحلوى السايحة أو المربى
ووزعها في صينية فيها ورق زبدة
سيب الصينية في الفريزر من ساعتين 3 ساعات لحد ما تتجمد تماما
اغرف من الخليط باستخدام معلقة الآيس كريم واعمله في شكل كرات
اغمس الكرات في البسكويت المطحون
وبعدين اغرس فيها العيدان الخشب
سيب الكرات في التلاجة
3_ تارت الكريمة
تارت الكريمة
المكونات
كوبايتين بسكويت مطحون أو أوريو
6 معالق زبدة سايحة
ربع معلقة صغيرة ملح
نص كيس مارشميلو
2 كوب كريمة خفق
3 معالق كبار سكر بودرة
رقائق الشوكولاتة أو فاكهة مجففة للتزيين
الطريقة:
ادهن صينية تارت بسبراي الزيت أو فرشة في بولة متوسطة.. اخلط البسكويت المطحون "ما عدا معلقتين كبار والزبدة والملح".
ضيف الخليط في صينية التارت واضغط عليه لضمان تماسكه
في وعاء متوسط على النار.. ضيف المارشميلو
وربع كوب من كريمة الخفق على نار هادية لحد ما تسيح
شيل الخليط من على النار وسيبه يبرد في التلاجة
في بولة كبيرة.. اضرب باقي كريمة الخفق مع السكر والفانيليا
ضيف الخليط في كيس الحلواني وزين بيها البسكويت وبعدين زين الوجه ببسوكيت مطحون أو رقائق شوكولاتة