مشاركتها في فيلم "فارس":

كشفت الفنانة ملك أحمد زاهر، عن السبب وراء فقدانها 40 كيلو من وزنها، قائلةً: "أي حاجة في العالم كله جربتها، عشان أنا وزني كان كتير وكنت محتاجة أخس، وأنا مكنتش مبسوطة بده، وكنت حاسة طول الوقت إن شكلي مختلف عن صحابي وإني مش عايزة أخرج ومش عايزة أعمل حاجة".
أضافت ملك، خلال التصريحات الصحفية، "جربت كل حاجة ممكن أي حد يجربها، واللي نفع معايا أكتر إني مجيش على نفسي بزيادة عشان مزهقش، اللي هو آكل كل حاجة وفي نفس الوقت بكميات أقل، أعمل دايت كويس مثلًا ويوم الفري آكل براحتي، ولحد دلوقتي ممكن أفطر دايت وأتعشى دايت وأتغدى براحتي لكن بكميات قليلة، دي الحاجة اللي مشيت عليها، وخسيت 40 كيلو".
مشاركتها في فيلم "فارس":
وروّجت الفنان ملك أحمد زاهر لفيلم "فارس"، ونشرت عدة صور لها من خلال حسابها الشخصي بموقع تبادل الصور والفيديوهات "إنستجرام".
وعلقت ملك زاهر، قائلةً: "فارس بجميع دور العرض في مصر وقريبا جدا في الوطن العربي.. سعيدة وفخورة إني كنت جزء من العمل ده.. حقيقي استمتعت بالعمل مع كل أبطال الفيلم.. مبسوطة وطايرة بكل ردود الأفعال اللي جاتلي لحد دلوقتي بس هستاناكو كلكوا تخشوا الفيلم وتقولولي انطباعكم انتو كمان بحبكوا كلكو".
فيلم "فارس" بطولة أحمد زاهر، وحسين فهمى، وإيمان العاصى، ونهال عنبر، وأحمد صفوت، وملك أحمد زاهر، وعابد عنان، واللبنانية باميلا الكيك، وضيف الشرف صلاح عبد الله، وتدور أحداث الفيلم في إطار اجتماعى أكشن تشويقى، تأليف حسام موسى، وإخراج رؤوف عبد العزيز.
نبذة عن ملك زاهر:
ملك أحمد زاهر،من مواليد 1 يوليو عام 2002، وهى أبنة الفنان أحمد زاهر، بدأت التمثيل وهى طفلة، وكان أول ظهور لها في فيلم كابتن هيما في عام 2008، مع تامر حسني، ومن أشهر أعمالها، فيلم عمر وسلمى 2 في عام 2009، ومسلسل الحارة في عام 2010، ومسلسل القاصرات في عام 2013.
DMCA
PROTECTED