بعد اتصال بأرملته.. مفاجآت مدوية يكشفها أديب عن وفاة الإبراشي

كشف الإعلامي عمرو أديب، تفاصيل اتصال هاتفي جمعه بأرملة وائل الإبراشي دام ساعة فجرت معه مفاجآت مدوية بشأن علاج الإبراشي في بداية إصابته بفيروس كورونا.
وقال "أديب" خلال تقديم برنامجه "الحكاية" المذاع على فضائية "إم بي سي مصر" اليوم الجمعة: "زوجة الإبراشي على لسانها قالت السنة اللي فاتت في الإجازات بتاعة آخر السنة سافرنا اليونان أنا والبنت".
وتابع "قالتلي كنت بتفرج على التلفزيون بالليل قولتله كحتك مش عجباني ووائل وهو بيشتغل راح عمل مسحة قالها أن عنده كورونا، قالتله أنا مستعدة أنزلك عالطول".
واستطرد "قالها لا ده أفضل حاجة حصلت أنكوا مش موجودين وأنا قاعد براحتي ابقي في البيت معزول. تواصلت مع أحد العاملين معهم وقالتله كل يوم حط الأكل لوائل عقبال ما يتحسن وتاني يوم الطيران قفل ومبقاش فيه رجوع".
وأردف "بعد كده سألته مين بيعالجك قالها أنه دكتور حد رشحهوله وسألته على البروتوكول قاله البروتوكول ده لعامة الشعب مش فعالة عندي دواء فعال وتبقى زي الفل".
واستكمل حديثه "سحر سألته هو طيب متخصص في الصدر والجهاز التنفسي قالها لا ده دكتور متخصص في الجهاز الهضمي مين اللي جابهولك قالها احد الصحفيين وهو ده اللي هيقدر تعالج".
وأوضح "في اتصال لقيته مش قادر يتنفس وحالته بتسوء. أصل في كورونا يتعالج صح ياتتحط على طريق اللي يروح ميرجعش وكورونا وائل كانت الأصلي".
وقال "قالتلي أن هذا الطبيب كان قاعد معاه في البيت ومسيطر عليه سيطرة كاملة بعدها قدرت تشوف طريقة وترجع مصر لقيت وائل صحته مش جيدة وكان فيه نوع من التدهور المستمر".
وأضاف "الطبيب قالها أنا مش قادر اعمل حاجة ولازم يروح المستشفى. الطبيب المعالج كان يدخن بجانبه بشراهة ووائل لم يكن مدخنًا وتم نقله إلى المستشفى في حالة متدهورة وكان يعطيه دواء غير مفهوم يطلق عليه الحاجة السحرية".
أسماء أوائل الثانوية الأزهريةارملة وائل الابراشياهم الاخبارعمرو اديبفيروس كوروناوفاة وائل الابراشي