شاهد.. أول رد من طبيب الإبراشي على اتهامات تسببه في وفاته

قال الدكتور شريف عباس، الطبيب المتهم بالتسبب في تدهور حالة وفاة الإعلامي الراحل وائل الإبراشي بسبب علاجه الخطأ في بداية إصابته بفيروس كورونا بناء على تصريحات أرملة الإعلامي الراحل.
وأضاف "عباس" في اتصال هاتفي ببرنامج "يحدث في مصر" المذاع على فضائية "إم بي سي مصر": "اتواصل معايا أحد علشان كان هو كان عنده برد طلبنا تحاليل وقالت انه فيه كورونا إيجابي".
وتابع "بدأنا علاج وبعد يومين طلبنا تحاليل تانية لقيت حالته ساءت وكان في منزله بمفرده لأن زوجته وبنته كانوا بره في اليونان ومكنوش عارفين يرجعوا وقعد خمس أيام لوحده".
واستطرد "كنت متواجد معه في منزله ووفرت له تمريض وطلبت منه يروح مستشفى أفضل ولكن هو كان خايف وقالي أنا هكمل في البيت قال هنجيب كل حاجة وأحضر أنابيب الأكسجين للمنزل".
وأردف "أنا دكتور أمراض معدية ولم أعطه علاجًا خاطئًا وأنا اللي طلبت من النقابة تفتح تحقيق رسمي قبل ما اسمي يظهر في الإعلام وهقول مين اللي كان بيتابعه من الأساتذة في مصر".
وأوضح "قدمت بلاغ رسمي في خالد منتصر على كل الادعاءات غير الحقيقية التي قالها وكل الأشعة والتحاليل سوف توضح أنه لا يوجد أي تطور في حالة الرئة منذ أول يوم إصابة وحتى وفاته".
وأكد "وكل الإشاعات وكل الكلام الموجود عن أدوية سحرية مفيش حاجة سحرية ومفيش ادوية مش معلومة اللي بيكتب بالعربي ده تمريض وليس طبيب للتسهيل عليه".

ارملة وائل الابراشياهم الاخبارشريف عباسطبيب وائل الابراشيفيروس كوروناوائل الابراشيوفاة وائل الابراشي