الموت يفجع الفنانة منة فضالى فى شخص عزيز

كشفت الفنانة منة فضالي عن وفاة خالها من خلال نشرها صورة للراحل عبر صفحتها الرسمية علي موقع التوصل الاجتماعي"فيس بوك" وعلقت قائلة:" خالي في ذمه الله".
جدير بالذكر أن منة هاجمت منتقديها، والمتجاوزين في حقها بعد صورتها بالمايوه والتي نشرتها عبر حسابها الشخصي على تطبيق التواصل الاجتماعي.
وفي مقطع الفيديو الذي كشفت فيه عن الرسائل التي تلقتها، قالت منة فضالي: "أنا بقالي كتير ما طلعتش لايف، وما بحبش أعمل ده إلا في الضرورة، أنتوا عارفين إننا كفنانين بنتعرض لكلام مش لطيف سواء في التعليقات أو المسجات، بيفتكروا إننا مش بنشوف المسجات والكومنتات، لكن أنا بشوف ده لأني بتفاعل مع متابعيني وبرد عليهم وبكلمهم".
وفي مقطع الفيديو ظهرت منة فضالي وهي تتحدث غاضبة، وقالت: "كتير ناس بتعمل صور فأنا لازم أتفاعل مع الناس دي اللي بيعملوا مجهود عظيم علشان يعملوا صورة ولا حاجة حلوة بسيطة، لكن مؤخراً بقى فيه حاجة مش مفهومة، طبعا أنتوا عارفين إن في حاجة اسمها مباحث الإنترنت وطبعا عندنا زميلات أخدوا حقهم بالقانون، وفيه ناس أتعمل فيهم حاجات صعبة وفيه ناس اتحبست كتير جدا".
وتابعت: "أنا ليه بقول الكلام ده، لأن أنا بقالي فترة بتجيلي مسجات أنا بزعل على أهلهم قبل أي شي، بيفضلوا يربوا ويصرفوا على جامعات، علشان يطلعوا كدة,.. بس هما ما بيفكروش إنهم ممكن يتحطوا في نفس الموقف ده، إن حد يغلط في أختهم مامتهم خطيبتهم! إن حد بشكل عام يغلط في عرضهم هيعمل إيه وقتها، مابيفكروش ولا ده بقى التفكير السليم إن أنت تدخل تكتب كومنت سافل!".
بدأت قصة أزمة منة فضالي مع متابعيها بعد أن نشرت الفنانة المصرية صورة عبر حسابها الشخصي على تطبيق إنستقرام ظهرت فيها بإطلالة بحرية مرتدية مايوه باللون الأسود، إلا أنه بمجرد نشر الفنانة المصرية لهذه الصورة انهالت عليها التعليقات التي تضمنت الكثير من الكلمات المسيئة والمتجاوزة، وهو ما أثار غضب الفنانة الشابة ومحبيها ودفعها للرد.
وعلى ما يبدو أن الأمر لم يقف فقط عند مجرد التعليقات الهجومية على الصورة، وإنما أرسل لها عدد من المتابعين مجموعة من الرسائل الخاصة التي أثارت غضبها.
منة فضالي خرجت بعد ذلك في مقطع فيديو عبرت فيه عن استيائها الشديد مما تلقته من رسائل وتعليقات، وهددت المتجاوزين في حقها بفضحهم، ومقاضاتهم، مستشهدة بكثير من النجمات اللاتي لجأن لاتخاذ حقوقهن بالطرق القانونية.
وهددت منة فضالي المتجاوزين قائلة: "أنا من هنا ورايح إي حد هيكتب كومنت أو هيبعت مسجات مش محترمة، هنزلها على البروفايل عندي ومش ستوري لكن بوست، وهبلغ عنه وحاخد حقي بالقانون.. لأي حد الكلام بوجهه، ومعنديش أي مشكلة ماتتابعنيش لأن صفحتي لو قررت في يوم أن أنت تغلط.. سواء راجل أو ست لأن فيه ستات برضه عندهم مرض في نفوسهم".
واختتمت منة فضالي حديثها قائلة: "أنا ليه دخلت دلوقتي لأن الموضوع زاد عن حده، أنا كنت بعمل بلوك لكن مش هعمل بلوك وهفضحهم، وأنا مش حتأذي اللي حيتأذي هو أنتوا خصوصا بقى لو حد متجوز ولا أهله عندي.. أنا حذرت وبراحتكم".
فيديو منة فضالي أكسبها الكثير من التفاعل والتضامن من عدد كبير من متابعيها، واللذين عبروا عن استيائهم مما أعلنت عنه مقدمين لها الدعم بكلماتهم في تعليقات منها: "والله عندك حق الناس بقت قلة الادب عندهم حاجة عادية والاحترام بين الناس بقى عمله نادرة".