لتفتيح و تنظيف البشرة

اول حاجة : بنغسل البشرة عادى بالغسول المناسب لبشرتنا انا بفضل ( جونسون بالحبيبات الزرقا بيشيل الميكب وينضف البشرة وكمان مبينشفهاش _ جارنيه الاصفر بينضف ويفتح وتحسى بانتعاش وكان بشرتك بتتنفس _ ايفا الجديد حلو بس مينفعش للميكب زى مامكتوب عليه عشان بيحرق العين غير جونسون خالص
تانى حاجة : بنمرر قطنة بلبن علشان تنضف بعمق عالبشرة كلها وتشيل رواسب الغسول
تالت حاجة : هنحط مرطب وليكن اولاى سائل التجميل بحس انه بيرطب اوى من الاعماق
رابع حاجة : هنجيب فتلة ونعديها عالبشرة رايح بسسسسسس او جاى بس مش رايح جاى وياريت نغير الفتلة فى كل منطقة يعنى فتلة للخد اليمين وفتلة للخد الشمال وفتلة للجبهة وفتلة للانف وفتلة للدقن وهتشوفو بلاوى بتطلع من الوش بالمرطب
خامس حاجة : هنرش عالبشرة نعناع الفم لازم يكون خالى من الكحول انا بستخدم بتاع ماى واى اسمه سمايل بعتذرلكم عشان الكاميرا بايظة جبت صورة واحد تانى
سادس حاجة : هنكون مجهزين مياة بتغلى عالنار فيها لمونة وملح هنوطى النار شوية ونلبس فوطة على شعرنا ونغمض عيننا ونقعد عالبخار خمس او عشر دقايق لحد مانعرق جامد
سابع حاجة : هنعمل اسكرب للبشرة وهى عرقانة هتشيل كل الدهون والرؤوس السودا والجلد الميت واثار الحبوب لمدة خمس دقايق انا بستخدم مقشر فروتينى جميل جداااااااااااا
تامن حاجة : هنغسل الاسكرب كويس بالمياة الساقعة وهنحط ماسك طمى انا بستخدم سويديش سبا من اوريفلام حلو اوى معايا هنسيبه لحد ماينشف
تاسع حاجة : هنغسل الماسك بالمياة الساقعة ونبص للمراية هتدعووووووووووووووووولى بجد اختلاف رهيب
عاشر حاجة : هنحط بور ريفاينر بيوديرما علشان يقفل المسام ولو عندك ماء ورد طبيعى وبعدين تمررى تلجاية مفيش مشكلة
للاعلان عبر موقعنا برجاء مراسلتنا على الايميل التالي:
elgomaaservices@yahoo.com
انتظروا قريبا على موقع الجمعة قسم الخدمات الالكترونية ( سوق السيارات – سوق العقارات – مطلوب عروسة- تفسير احلام – فتاوى دينية – العاب بنات – العاب طبخ – العاب فلاش – العاب سيارات – العاب باربي )
نقلا عن موقع:كوني يكن