المخرج عصام عبد الحميد يكشف كواليس مشهد المشاجرة في "سوا سوا": خرج عن السيطرة وكنا هنضرب بجد

تحدث المخرج عصام عبد الحميد عن كواليس تصوير مشهد المشاجرة الذي جمع الفنان أحمد مالك ضمن أحداث مسلسل سوا سوا، المعروض حاليًا ضمن السباق الرمضاني على شاشة MBC مصر، والذي لاقى تفاعلًا واسعًا منذ انطلاق أولى حلقاته.
تصريحات المخرج عصام عبد الحميد

وأكد عصام عبد الحميد خلال تصريحات تليفزيونية أن أحمد مالك عاش تفاصيل الشخصية بشكل كامل أثناء تصوير مشهد الخناقة، موضحًا: "خرج عن السيطرة كممثل وكنا خايفين يضربنا إحنا شخصيًا جوا الخناقة، وكان جوا الحالة جدًا".
وأشار إلى أن أجواء التصوير يغلب عليها الترابط والمودة بين فريق العمل، مضيفًا: "في النهاية إحنا لوكيشن روحه لذيذة ومرتبطين ببعض، وبنعرف لما حد يوصل لمرحلة كبيرة من الضغط أول الانفعال بنعرف كلنا نهديه".
ومن جانبه، كان أحمد مالك قد تحدث في وقت سابق عن فلسفته في التعامل مع الأدوار الصعبة، خاصة مشهد المشاجرة، قائلًا: "بفصل الشخصية اللي بعملها عن شخصيتي الحقيقية دي شغلانة، الدكتور بيمارس مهنته وطبعًا الدكاترة شغلتهم أهم بكتير بينقذوا حياة بني آدمين وإحنا بنعمل فن يعني، وبس بقارن مهنة بمهنة، بيدخل يعمل عملية ويروح بيته مش بياخدها معاه، والواحد اللي عنده حرفة في التمثيل بيعرف لما يرجع ل لبسه ويطلع من اللوكيشن خلاص دي شغلانة خلصتها".
وأضاف: "هو بس الواحد يبقى حقيقي وعنده ضمير في شغله ويقدمه بأحسن شكل، وده شغفي في المهنة أني أبقى صادق وحقيقي ويارب الناس تصدق اللي أنا بحاول أقدمه دي أمنيتي".
واختتم حديثه بالتأكيد على اختلاف طبيعة كل مشهد، قائلًا: "كل مشهد ظروفه مختلفة ممكن يكون طالب حالة من السعادة أو الحزن والواحد يكون ملتزم ب ده ويكون مقدر اللي حواليه ميقولش أنا جوا المشهد ومجنون ده غلط".