بسبب تصريحات ريم طارق.. حورية فرغلي تتصدر التريند

تصدر اسم الفنانة حورية فرغلي تريند "جوجل"، بالسعودية، وذلك بعدما كشفت ريم طارق طليقة مطرب المهرجانات حسن شاكوش، عن حقيقة وجود علاقة تجمع بين طليقها والفنانة حورية فرغلي أثناء زواجهما.
تصريحات ريم طارق

وقالت ريم طارق خلال تصريحات تلفزيونية: أنا محاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه.

لماذا رفضت ريم طارق الاعتذار لحورية فرغلي؟

وعندما طُلب منها تقديم اعتذار الفنانة حورية فرغلي، قالت: "حورية فرغلي قالت إني مذكرتش اسمها وإني قولت حرف بس، وهي مش زعلانة وأنا مجبتش سيرتها، ومش هعتذر لإني مقولتش مين الشخصية".

ريم طارق تتهم حسن شاكوش بالخيانة مع فنانة شهيرة

أكدت ريم طارق، أنها اكتشفت خيانة حسن شاكوش لها، وقالت: "كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت، كتبت له: (إنت وصلت يا حبيبي)".

وأضافت: "قعدت 30 يوم في رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك".

حسن شاكوش يدافع عن حورية فرغلي

وخرج شاكوش عن صمته ونشر صورة للفنانة حورية فرغلي من خلال حسابه الشخصي بموقع التواصل الإجتماعي "فيسبوك"، وعلق قائلًا: جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتي لو هيا عكسية الحقيقه دائما عند ربنا وسكوتي وعدم ردي شئ مريحني اكثر من الكلام ولكن في شئ يخص فنانة جميلة كلنا بنحبها وبنحترمها وحقيقي أنا لا اعلم صحة الكلام اللي بيتقال ولكن أنا من خلال صفحاتي الرسمية بحب اقول أن الفنانة حورية فرغلي لا يمسني بيها أي شئ غير إنها زميلة وصديقة عمل ومش فاهم سبب وجود سيرتها في الموضوع إيه من خلال البرامج أنا دلوقتي كلامي للأعلام ارجوكم بلاش تشاركوا الناس كلام غلط كفايه كلام في تفاصيل وحياة شخصية اللي ظاهر للناس يخص الناس أنا دلوقتي بمتنع عن أي كلام في حاجه تخص حياتي الشخصية ارجوا ارجوا احترام رغبتي مع احترامي لكل الصحافة المصرية ولكن الاخبار الغير حقيقية دي بتضعف موقفكم في يوم من الأيام لما الحقيقه تبان كل الاحترام والتقدير ليكي يا فنانه يا كبيرة وبعتذرلك مرة اخري عن أي شئ اتحطيتي فيه".
تعليق حورية فرغلي على ما ورد في حقها
وردت حورية فرغلي، مؤخرًا في مداخلة هاتفية قائلة: "أنا عمري في حياتي ما شوفته خالص عمري ما قابلته ولا عمري شوفته ولا أعرفه ولا عمري في حياتي شوفته.. ولو هي قالت تالت حرف من اسمها (ر) مش حورية بس ما فيه شيرين.. ده أنا أصلًا حتى ما بصاحبش هعرف حد متجوز! أنا مش كده خالص مع احترامي لشاكوش لا أنا بتاعت الكلام ده ما بصاحبش حتى حد متجوز صداقة يعني".

وأضافت: "ما أعرفش حتى شكله أنا ما شوفتوش أنا بس سمعت بنت الجيران وبنت الجيران دي مش مطلعة صورته.. فأنا ماليش علاقة بيه خالص لا من قريب ولا من بعيد.. ولو الموضوع هيبقى كده أنا هرفع قضية تشهير وأعمل مصيبة يعني".