بدأت بسجدة زوجته وأنتهت بفضيحة حورية فرغلي القصة الكاملة لأزمة حسن شاكوش

تصاعدت أزمة مطرب المهرجانات حسن شاكوش، مؤخرا على خلفية التراشق اللفظي بينه وبين طليقته ريم طارق، فيما تابع الجمهور الازمة باستهجان شديد خاصة وأن ريم طارق سبق وأن سجدت لله شكرا خلال حفل زفافها وهو ما عرضها لانتقادات كثيرة كتير مثل "مينفعش أن إنتي تسجدي لشخص أو لأي حد غير ربنا" فيما خرج حسن شاكوش، ودافع عنها وقال "مراتي مسجدتش ليا لكن لله ومحدش عارف اللي بينها وبين ربنا وكان بتدعي بتقول أيه ممكن تكون بتسجد إن ربنا عوضها بحد هي شايفاه إن ده الإنسان اللي كانت عاوزاه وبتحلم بيه".

وبعد ذلك أثيرت أنباء أن حسن شاكوش طردها من البيت والسبب مجهول ولكن كشف أحد المقربين من أسرة حسن أنه نشب خلاف بينهما ذلك بعدما علم بزواجها من آخر قبل زواجها منه دون أن تخبره.



وبعدها ردت زوجته على هذا الخبر بأن حسن كان يعلم أنها كانت متزوجة قبله، ولكنه رفض أن يعلن ذلك على الملأ خوفًا من الفتيات اللاتي وعدهن بالزواج، حسب حديثها، وكتبت بعدها في منشور آخر: "كل السكرين شوت اللي شوفتوه دليل على إن الأستاذ شاكوش وكان عارف إن ريم طارق كانت منفصلة قبل ما تتجوز بيه و كلنا عارفين طبعا لما الواحد يحاول يلخبط الدنيا في بعضها ده لسبب واحد، و هو إن الحقيقة تتطمس، إحنا مش أغبياء، والحقيقة هي خيانتك وسهرك وشربك والزنا اللي عملته وأنت متجوز..، و بتعمل تحالفات مع طليق ريم طارق عشان تغطي على فضايحك، و عيب والله عيب وكل اللي بتعمله دليل عليك بس الدلائل الكبيرة هتبان".

ورد حسن شاكوش على واقعة طرده لزوجته ريم طارق من مسكن الزوجية وكتب في منشور جاء فيه: "القصة ناقصة والبيوت مليئة بالأسرار وريم طارق ما زالت زوجتي ولا يصح أن يتحدث عنها، واللي أقدر أقوله الحمد الله على نعمة السكوت والعقل وقت المشكلة الحمد الله على كل شيء".

وقامت ريم طارق بتحرير محضر ضد حسن تتهمه فيه بطردها من منزل الزوجية منذ أيام، والاستيلاء على المنقولات الزوجية وشبكتها وإيصال أمانة لصالحها بديل مؤخر الصداق. وبعدها ظهرت ريم في برنامج بسمة وهبه وصرحت العديد من التصريحات، وقالت: "كان بيعمل حجات كتير في رمضان محدش يستحملها بس مش هقول هي أيه".


وأضافت: "شاكوش متبرعش بالفلوس بتاعت اللايفات الخاصة بالتيك توك في رمضان زي مقال، وحسن كان يعرف فنانة مشهورة وعندها أزمه صحية حاليًا وتالت حرف الراء، و كان بيسمعني صوتها وهي بتضحك وهي معاه، ومن بعدها أثارة الجدل بين الجماهير وكان نصيب الشك خاص بحورية فرغلي.

وبعدها خرج حسن شاكوش، وقال أنا ساكت لان ده أحترام مني لوحدها كنت عايش معاها، لكن الفنانه حوريه فرغلي زميلة وصديقة فقط وماليش أي علاقة بيها وبعد كل الجدل حول حورية فرغلي خرجت عن صمتها وردت:"أنا عمري في حياتي ما شوفته خالص عمري ما قابلته".

وأضافت: "ولو هي قالت تالت حرف من اسمها (ر) مش حورية بس ما فيه شيرين وده أنا أصلًا حتى ما بصاحبش هعرف حد متجوز! أنا مش كده خالص وقالت أيضًا أنا بس سمعت بنت الجيران وبنت الجيران دي مش مطلعة صورته، فأنا ماليش علاقة بيه خالص لا من قريب ولا من بعيد ولو الموضوع هيبقى كده أنا هرفع قضية تشهير وأعمل مصيبة يعني".

وحتي الأن لم تتنهي الأزمة ولم يتعرف الجمهور على هذه الفنانة محور الجدل حاليا.