ريم طارق: "أنا ضد فكرة الطلاق لأن الموضوع صعب.. ولسه مخدتش حقي"

شاركت ريم طارق، طليقة مطرب المهرجانات حسن شاكوش، فيديو لايف عبر حسابها بموقع إنستجرام، ردت من خلاله على أسئلة جمهورها.


تصريحات ريم طارق

وقالت ريم طارق: "أنا ضد فكرة الطلاق لإن الموضوع صعب ووحش وخراب البيوت مش سهل ولسه ما خدتش حقي، أنا قاعدة في بيت بابا وما خدتش فيلا ولا حاجة ولسه ما خدتش حقوقي، أنا ضد إن حد يقول حاجة من غير دليل ولكن كان عنده مشكلة فكان لازم ما يحصلش نصيب بينا والموضوع التاني زي ما أنتم عارفين، كله سلف ودين وبدعي وبقول يا رب تديني على قد نيتي وبس والدنيا تلف وتدور ونشوف هي كده كده بتلف دلوقتي واللي مركز هيشوف كده".

حسن شاكوش يرد على الإهانات التي تعرض لها

ومن جانبه، خرج حسن شاكوش في فيديو أمس عبر حسابه بموقع فيس بوك، رد من خلاله على الإهانات التي تعرض لها مؤخرًا على إثر أزمته مع طليقته ريم طارق، مؤكدًا أنه رفض الظهور في برامج رغم العروض الكثيرة التي عرضت عليه.

حسن شاكوش: شغلنا معتمد على سمعتنا

وقال حسن شاكوش: أنا كنت ساكت جدًا والفترة اللي فاتت وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت، وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة، مضيفًا: شغلنا معتمد على سمعتنا واتجاهي واتجاه شغلي للبنات وللمجتمع بتاعي واللي بيحبني وكل اللي بيسمعني ناس محترمة، وليهم كل التحية والتقدير.

حسن شاكوش يطالب بالكف عن إيذائه وشتمه وسبه

وأختتم مطرب المهرجانات: أنا ما اتكلمتش الفترة اللي فاتت مش خوف ولا ضعف ولكن علشان الإنسانة دي كانت مراتي ما بينفعش اتكلم في حاجة تمسني أو تمسها لأني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الألفاظ اللي سمعتها، وأهلي اللي اتشتموا على السوشيال ميديا وكنت بقول لهم محدش يتكلم، وكنت طول الفترة اللي فاتت في ضغط عصبي وفي عز المشاكل ما اتكلمتش، زي ما الست المصرية عندها شرف وكرامة لازم نحترمها والراجل كمان عنده شرف وكرامة وكفاية كده لازم لما تسمعوا من الطرفين وللأسف وصل بينا المرحلة إننا نتكلم في شرف الراجل وشرف الست واللي سمعته في حقي ما يرضيش ربنا.

من الفنانة علي علاقة ب حسن شاكوش؟

ويذكر ان ريم طارق طليقة حسن شاكوش، تفاصيل مثيرة بشأن طلاقها منه غيابيًا، وقالت خلال لقائها مع الإعلامية بسمة وهبة في برنامجها 90 دقيقة،: كنا في نهار رمضان، كان فيه ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي وبينهم علاقة، قعدت 30 يوم في شهر رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك حلال عليها، والحرف الثالث من اسمها هو الراء.
تعليق من حورية فرغلي على علاقتها ب حسن شاكوش

وبدا الجمهور يخمن اسم الفنانة التي علي علاقة بحسن شاكوش، واتهمت الفنانة حوريه فرغلي بذلك، لترد الفنانه، قائله: والله عمري ما شفت حسن شاكوش ولا أعرفه شخصيًا، تابعت تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص، ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هرفع قضية تشهير.