نشر مؤدي المهرجانات الشعبية حسن شاكوش، مقطع فيديو جديد عبر حسابه بموقع التواصل فيس بوك، للرد على طليقته ريم طارق وما وجته اليه من اتهامات مؤخرا. وقال شاكوش في الفيديو:'عمري في حياتي ما جبت سيرة بنت ولا غلط في حق بنت لأني عارف يعني ايه المراة المصرية وشرفها، و زي ما الست المصرية ليها شرف وكرامة الراجل المصري ليه شرف وكرامة، وأنتوا عارفين يا جماعة شغلنا كله بنشتغل على سمعتنا وأنا اتجاهي واتجاه شغلي أن أنا بعمل أغاني للبنات والمجتمع بتاعى، والناس اللي بتحبني وبتسمعني ناس محترمة وناس ليهم كل التحية والتقدير'. حسن شاكوش وريم طارق وتابع حسن شاكوش:'مينفعش أجيب سيرة اي واحدة في اي وحش، ده اللي أتربيت عيه وأهلي ربوني عليه، أنا من منطقة شعبية وراجل صعيدي ومتكلمتش طول الفترة اللي فاتت دي مش عشان خوف ولا ضعف، لا عشان كانت الإنسانة دي في يوم من الأيام مراتي وأنا مكنش ينفع أطلع واتكلم في حاجة تمسني أو تمسها لأن في الأول والآخر عارفين أن أنا لو اتكلمت وجبت سيرتها بأي حاجة هتعيب عليا أنا، لأني كنت في يوم من الأيام الراجل بتاعها وجوزها، في اللي اتعودنا عليه مينفعش راجل يجيب سيرة مراته في اي حاجة، ورغم كل ده وابشع الالفاظ والكومنتات والحاجات اللي كانت بتتبعت لي وأهلي اللي اتشتمو على السوشيال ميديا كلها، متكلمناش في حاجة وكنت بقولهم محدش يتكلم'. أزمة حسن شاكوش وطليقته ريم طارق واضاف حسن شاكوش:' لدرجة طول الفترة اللي فاتت وأنا في ضغط عصبي ومطلعتش اتكلمت، وطالع عشان أوضح المعلومة أن أنا خلاص ليا حق الرد، والست المصرية عندها شرف وكرامة ولأزم نحترمها لغاية آخر لحظة وزي ما بنحترمهم هما برضه لأزم يحترمونا، لأن الراجل عنده شرف وكرامة وأنا طلعت اتكلمت يا جماعة عشان خلاص كفاية كده، ولازم تسمعوا لم تسمعوا حد تسمعوا من الطرفين، ومنعت برامج مصر كلها اللي كانت عايزاني اطلع اتكلم ومرضتش اتكلم في عرضي وإنسانة كانت في يوم من الأيام مراتي، مستحيل دي لا تربيتي ولا بيئتي ولا أسلوبي، والكلام في شرف الراجل زي الست، الراجل المصري عنده كرامة وشرف فيستحيل الكلام اللي الواحد سمعه ميرضيش ربنا'. وأكمل:'حسن شاكوش اتجوز 55 يوم ومتكملش ولغاية دلوقتي متكلمتش، عشان كانت مراتي في يوم من الأيام واللي كنت عايز اتكلم فيه طليقها طلع اتكلم فيه، فأنا هطلع اتكلم في ايه متشكرين وربنا يخليكوا ليا وياريت محدش يسمع اي حاجة من حد غير الطرفين، بشكركم وحقكوا عليا اذا كنت الفترة اللي فاتت عملتلكوا مشاكل، وبتأسف لكل ست مصرية على راسي من فوق'. وكانت ريم طارق طليقة مؤدي المهرجانات حسن شاكوش السابقة، كشفت مؤخرا في برنامج 90 دقيقة، تفاصيل انفصالها عن شاكوش، مشيرة إلى أن الطلاق تم بالفعل من مؤدي المهرجانات حسن شاكوش. تابعت باكية: 'اتحملت اللي محدش يتحمله من رابع يوم زواج، وبشوف قصص وحاجات وحشة، وشوفت أبشع حاجة ممكن حد يشوفها بعيدًا عن الخيانة'. وأكدت زوجة مؤدي المهرجانات حسن شاكوش السابقة، أن الموضوع أكبر من الخيانة والموضوع بقى أخلاقينا ودينيا، رأيت أشياء بشعة من حسن شاكوش لا يمكن أن يتخيلها أحد. وتحدثت ريم طارق، طليقة مغني المهرجانات الشعبية حسن شاكوش، عن أسباب طلاقها، قائلة: 'كنا في نهار رمضان، وكان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي، وكان بينهم علاقة'. وأضافت: 'فضلت 30 يوم في رمضان أشوف حاجات زي كده، والفنانة دي حبت تسمعني صوتها، فكانوا مع بعض وقعدت تضحك، والحرف الثالث من اسمها هو الراء'، وردت عليها بسمة وهبة قائلة: 'مترجعيش لحسن'. وتابعت: 'وفي رمضان بردة كان يبث لايفات وقال لي سأحصل على هدايا عبارة عن مبالغ مالية، وفال لي يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قال كدا، ولما اللايفات خلصت الموضوع اتنسى وأخذ الفلوس، وأطلب منكِ مواجهة حسن شاكوش بهذا الفعل'.
