تسريب أول صورة مع زواج ريهام حجاج الأول

نشر رواد مواقع التواصل الاجتماعي، صورة لزواج الفنانة ريهام حجاج، الأول من مصور لبناني.
جاء ذلك بعد زواج محمد حلاوة، طليق الفنانة ياسمين عبدالعزيز، من الفنانة ريهام حجاج والتي علقت على تسريب نشطاء على مواقع التواصل الاجتماعي، صورة من حفل زفافها مع زوجها الأول وهو مصور لبناني.
ونشرت حجاج الصورة بنفسها عبر حسابها بموقع إنستجرام، وأرفقتها بتعليق، قالت فيه: "الناس التافهة اللي اجتهدت عشان تطلع صورة قديمة، لكتب كتابي من مجلة وتنشرها على أنها شيء ممكن يضايقني أحب أقولهم إطلاقًا".
وأضافت حجاج: "كل محاولات التشويه اللي عماله تحصل لواحدة أتجوزت على سنة الله ورسوله من راجل مطلق أصلا إن دلت على شيء، فتدل على مرض النفوس (ونصيحة للستات الفاضية.. مافيش راجل بيتسرق)، الناس بتتجوز وتطلق عادي وكل شيء قسمة ونصيب وربنا اللي بيبقي كاتب ومقدر".
وردت حجاج على الانتقادات التي طالت شكلها في الصورة المسربة، بقولها: "بلاش تفاهة ولو كل واحد طلع صورته من خمستاشر سنة حايلاقي شكله اختلف عادي!! (خاصة صور الأفراح اللي فيها 3 كيلو ماكياچ) دي رسمة الحواجب بتفرق، المهم الجوهر وأنا مافيش حاجة في حياتي ممكن أتكسف منها واللي حاصل ده ما شيء غير تفاهة وحقد عشان ده جواز.. اللي الناس بتباركلي عليه.. لا خبر بقضية قتل ولا فضيحة مخلة للآداب!!".
واختتم حجاج تعليقها، قائلة: "كفاية هري وصحافة صفرا.. طبعا الكلام ده للمرضي النفسيين، أما كل الناس الطبيعية اللي باركتلي وفرحتلي وماعرفتش أرد عليهم من كترهم.. بشكرهم وبقولهم يا رب مسلسل كارمن يعجبكم يوم 10 فبراير على "سي بي سي" إن شاء الله".