صورة| رد ناري من ريهام حجاج على انتشار صور زواجها الأول

عقب زواج ريهام حجاج، من رجل الأعمال محمد حلاوة، انتشرت على مواقع التواصل الاجتماعي، صورة من عقد قران ريهام حجاج على زوجها الأول، والذي يعود لحوالي 10 سنوات.

واختارت ريهام حجاج أن ترد بشكل واضح وصريح عبر حسابها على إنستجرام، حيث نشرت الصورة والتي كانت محل سخرية من البعض لزواجها الأول، وعلقت قائلة: "الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على أنها شيء ممكن يضايقني أحب أقولهم إطلاقا".
وتابعت: "كل محاولات التشويه اللي عمالة تحصل لواحدة أتجوزت على سنة الله ورسوله من راجل مطلق إن دلت على شيء تدل على مرض النفوس ونصيحة للستات الفاضية.. مافيش راجل بيتسرق".
وأضافت "الناس بتتجوز و تطلق عادي وكل شيء قسمة ونصيب وربنا اللي بيبقى كاتب ومقدر .. بلاش تفاهة ولو كل واحد طلع صورته من 15 سنة هيلاقى شكله اختلف عادي.. خاصة صور الأفراح اللي فيها ٣ كيلو ماكياچ.. دا رسمة الحواجب بتفرق .. المهم الجوهر وأنا مافيش حاجة في حياتي ممكن أتكسف منها واللي حاصل دا تفاهة وحقد عشان دا جواز .. اللي الناس بتباركلي عليه.. لا خبر بقضية قتل ولا فضيحة مخلة للآداب.. كفاية هري.. طبعا الكلام دا للمرضى النفسيين أما كل الناس الطبيعية اللي باركتلي وفرحتلي و ماعرفتش أرد عليهم من كترهم ..بشكرهم و بقولهم يا رب مسلسل كارمن يعجبكم يوم 10 فبراير على الCBC إن شاء الله"

يذكر أن ريهام حجاج تنتظر عرض مسلسلها الجديد "كارمن" على قناة cbc الذي تخوض به أولى بطولاتها المطلقة في عالم الدراما التليفزيونية، وهو من تأليف خالد حمام، وإخراج حسين شوكت، ويشارك في بطولته بجانب ريهام حجاج كل من، محمد كيلاني، ولاء الشريف، شيرين، نور محمود، عمر الشناوي، عبير منير، وأحمد حلاوة، وليلى عز العرب.






View this post on Instagram









الناس التافهة اللي اجتهدت عشان تطلع صورة قديمة لكتب كتابي من مجلة و تنشرها علي انها شئ ممكن يضايقني احب اقولهم اطلاقا !! كل محاولات التشويه اللي عمالة تحصل لواحدة اتجوزت علي سنة الله و رسوله من راجل مطلق اصلا ان دلت علي شئ فتدل علي مرض النفوس (و نصيحة للستات الفاضية..مافيش راجل بيتسرق) الناس بتتجوز و تطلق عادي و كل شئ قسمة و نصيب و ربنا اللي بيبقي كاتب و مقدر .. بلاش تفاهة و لو كل واحد طلع صورته من خمستاشر سنة حايلاقي شكله اختلف عادي!! (خاصة صور الافراح اللي فيها ٣ كيلو ماكيلچ ????)دا رسمة الحواجب بتفرق..المهم الجوهر و انا مافيش حاجة في حياتي ممكن اتكسف منها و اللي حاصل دا ما شئ غير تفاهة و حقد عشان دا جواز.. اللي الناس بتباركلي عليه.. لا خبر بقضية قتل و لا فضيحة مخلة للآداب!! كفاية هري و صحافة صفرا طبعا الكلام دا للمرضي النفسيين اما كل الناس الطبيعية اللي باركتلي و فرحتلي و ماعرفتش ارد عليهم من كترهم ..بشكرهم و بقولهم يا رب مسلسل كارمن يعجبكم ✌️ يوم ١٠ فبراير علي ال سي بي سي ان شاء الله ????????
A post shared by Riham Hagag (@rihamhagag) on Jan 23, 2019 at 8:17am PST