أحمد العوضي يكشف حقيقة صور خطوبته التي انتشرت عبر مواقع التواصل الاجتماعي

انتشرت صور للفنان أحمد العوضي على مواقع التواصل الاجتماعى تؤكد خطوبته، الأمر الذى جاء بمثابة الصدمة لمعجباته، إلا أن العوضى أوضح حقيقه هذه الصورة قائلا "طيب مبدأيا كده صور الخطوبة اللي غرفت فيس بوك امبارح دي من سنه ونص .. تاني حاجه انا كنت خاطب وزي أى علاقة فى الدنيا قسمه ونصيب".
وتابع "تالت حاجة أنا كنت خاطب واحدة لو قعدت اقول عملت ايه عشانى من هنا لسنين قدام مش هيكفى فهي وأهلها يفضلوا دايما علي راسى ... رابع حاجة كل الرجاله اللي اتكلموا فى حقى كلمة حلوة أو حتى انتقدوني لشخصى على راسى ... الناس اللى احلوت بقي واتكلموا في فستان خطوبه مقفول من فوق (وكانو متخيلين اني هلبسها عباية) ونظروا علي بنت محترمه عشان يضربوا فييا انا .. فأنت لو كان ابوك تعب شويه علي انه يعلمك ان الحريم خط احمر وانك لما تحب تضرب في راجل بيبقى منك ليه .. لو كان علمك كده كان زمانك فاهم في الاصول .. فانسى بقي اني ممثل والكلام ده لا انا في الاول والآخر منكم يعنى وارد تقابلنى فى أى مكان انا مش عايش فى النمسا، فاعمل حساب انك خضت في سيرة ناس مني .. واسترجل كده وسيبك من جو حرفين هتكتبهم وقلبك ميت عشان ساعة الجد الموضوع بيختلف .. محروق من حاجه اسأل انا بروح فين وتعالي قولي انت وانت وانت وانت عاادي بس هتعمل فيها جلنديزر علي فيس بوك.
واستطرد "لما تخطب يا حلو ابقي لبسها عبايه في الخطوبه او خبيها اقولك ابقي لبسها بدله عشان انت ارجل منى يا جامد .. اخر حاجه انا سنجل فياريت بلاش كلام في حاجات غلط .. كل الشكر للناس اللي انتقدت كلامي ككلام انه شرقي زيادة وكل الشكر للناس اللي شايفه اني صح ... صباح الفل عليكم وكل الاحترام لبنت انا مشفتش منها غير كل خير واحترام .. وانا اسف ليكى".
يُذكر أن الفنان أحمد العوضي، بدأ تصوير أولى مشاهده في مسلسل "كلبش 3" مع النجم أمير كرارة والمخرج بيتر ميمي وذلك لا ستديو مصر.
ويعيش الفنان أحمد العوضي، حالة من الانتعاش الفني وخاصة بعد نجاح دوره في مسلسل نصيبي وقسمتك لموسمه الثاني حيث يشارك في أكثر من عمل لموسم دراما رمضان المقبل.
ويضم مسلسل كلبش 3 عدد من النجوم الجديدة من بينهم الفنان أحمد عبد العزيز وأحمد العوضي، وهشام سليم، بجانب الأبطال الرئيسية أمير كرارة، روجينا وبسنت شوقي، وعمر الشناوي، وهو من تأليف باهر دويدار وإخراج بيتر ميمي.
ويشهد الجزء الثالث تطورًا جديدًا في الأحداث حول شخصية ضابط الشرطة سليم الانصارى وما يتعرض له من صعوبات في عمله خاصة بعد مواجهة الإرهاب.