شاهد.. أحمد العوضي يعتذر لخطيبته السابقة بعد انتشار صورها

استنكر الفنان أحمد العوضي ما حدث، أمس الأحد، عندما انتشرت صور من حفل خطوبته السابقة بطريقة كبيرة على جميع مواقع التواصل الاجتماعي.
قال العوضي عبر صفحته الشخصية على موقع "فيسبوك": "طيب مبدأيا كده صور الخطوبة اللي غرقت الفيسبوك امبارح دي من سنة ونص.. تاني حاجة أنا كنت خاطب وزي أي علاقة في الدنيا قسمة ونصيب.. تالت حاجة أنا كنت خاطب واحدة لو قعدت أقول عملت إيه عشاني من هنا لسنين قدام مش هيكفي، فهي وأهلها يفضلو دايمًا على راسي... رابع حاجة كل الرجالة اللي اتكلمو
في حقي كلمة حلوة أو حتى انتقدوني لشخصي على راسي".
وتابع: "الناس اللي احلوت بقى واتكلمو في فستان خطوبة مقفول من فوق وكانو متخيلين إني هلبسها عباية ونظرو على بنت محترمة عشان يضربو فيا أنا.. فأنت لو كان أبوك تعب شوية على أنه يعلمك إن الحريم خط أحمر وإنك لما تحب تضرب في راجل بيبقي منك ليه.. لو كان علمك كده كان زمانك فاهم في الأصول... فانسى بقي أني ممثل والكلام
ده لا أنا في الأول والأخر منكم يعني وارد تقابلني في أي مكان أنا مش عايش في النمسا فاعمل حساب أنك خضت في سيرة ناس مني".
وأضاف: "استرجل كده وسيبك من جو حرفين هتكتبهم وقلبك ميت عشان ساعة الجد الموضوع بيختلف.. محروق من حاجة أسأل أنا بروح فين وتعالى في الخطوبة أو خبيها أقولك ابقي لبسها بدلة عشان أنت أرجل مني ياجامد".
وأخيرًا قال أحمد العوض: "آخر حاجة أنا سنجل فياريت بلاش كلام في حاجات غلط.. كل الشكر للناس اللي انتقدت كلامي ككلام أنه شرقي زيادة، وكل الشكر للناس اللي شايفة إني صح.. صباح الفل عليكم وكل الاحترام لبنت أنا مشفتش منها غير كل خير واحترام.. وأنا آسف ليكي".