بسمة وهبة ل"رجل مهم": "توترك أثبت زواجك من سما المصري"

وجهت الاعلامية بسمة وهبة، رسالة للرجل المهم الذى يرتبط بعلاقة مع الراقصة سما المصري، قائلة له: "أنا مش بتهدد يا أستاذ انت قديم وتهديدك قديم، وانا مش بتهدد ولو افترضت انك راجل واصل أوى وانا أشك، ومعنديش مشكلة ان تبقى آخر حلقة لى فى حياتى لكن ابقى مشيت بكرامتى، وعلى فكرة يا سما لو انا مزودة كلمه على كلامى تليفونى اهو مفتوح".
وأضافت بسمه خلال برنامج "هتكلم" على قناة القاهرة والناس قائلة: "التهديدات دى بتدل على ان زواج سما المصرى من رجل مهم ليست اشاعة، ومستر اكس اللى متجوز سما اثبت بتسرعة وتوتره من برومو الحلقة اللى اتعرض إن الجمله دى مش اشاعة، والتهديدات دى يا مستر اكس مع سما مش معايا انا هخاف منك لية، سما معرفتك او مراتك تشغلها مذيعة، ممكن تعملها برامج دينية لكن انا هخاف من حضرتك لية، وعلى فكرة انا لغايت اللحظة دى معرفش إنت مين لكن انا ممكن اعرف لو دورت شوية لان انهاردة مفيش حاجة بتستخبى الدنيا دلوقتى صغيرة، فى ظل وجود الميديا، وسما مش نكرة هى مشهورة على مواقع التواصل الاجتماعى".
وتابعت قائلة: "انا متلهفه اعرفك ومين الراجل اللى يقبل مراته تطلع علينا بالفيديوهات المثيرة دى انا مقدرش اعرضها بس انت براحتك يا مستر اكس، ومش متخيلة ان 66 ثانية برومو حلقة تعمل فيك كدة وتخليك بتوترك تثبت الاشاعة دى، وانا عذرت سما على عدم حضورها الحلقة لكن بلومها على حاجة واحدة أنها هتفضل لغايت امتى تبيع كرامتها وان اى بنى ادم فى الدنيا تخاف منه كدة".