رد قاسى من أيمن بهجت قمر على منتقدى الجزء الجديد من "ليالى الحلمية"

أكد المؤلف والشاعر الغنائى أيمن بهجت قمر، أنه لن يلتفت للذين ينتقدوه بسبب كتابة الجزء السادس من مسلسل "ليالى الحليمة" مؤكداً أنه بالنسبة له "نكرة" ولا يوجد لهم تاريخ.
وكتب أيمن، فى تدوينة عبر حسابه الخاص بموقع التواصل الاجتماعى "فيس بوك": "الحمد لله مافيش أجمل من ولا أعدل من ربنا، وبيدى كل واحد على أد نيته وعمله وأخلاقه، واللى بيبص على حد وبيركز معاه بيفضل وراه وعشان كده مابيعرفش يسبقه فى أفكاره".
وأضاف: "ياريت اللى عمالين يسيئوا ليا من ساعة خبر الحلمية ومن قبلها الفيلم، يبصوا على تاريخهم ويشوفوا حجم تأثيرهم على الناس بكتاباتهم النقدية أو يقيسوا وزنهم وسعرهم.. مجرد فقاعات هوائية احتارنا فى مصدرها".
وختم كلامه قائلا: "يارب دايمًا كده يا رب تلهمنى بأفكار تحرق دم الحاقدين كده وتكشفهم وتكشف خفة أوزانهم.. اللهم رد كيدهم فى نحورهم.. وأخيرًا بقول للى قلوبهم حلوة صباحكوا فل.. واللى قلوبهم سودة.. ليلتكوا قذرة إن شاء الله".