يعاني فلاحو الغربية من عدم توافر الاسمدة في الجمعيات الزراعية مما ترك اثرا سلبيا علي محصول الذرة هذ العام حيث يحتاج المحصول الي كميات كثيرة من الاسمدة مما جعل الفلاحين يشعرون ان مهنة الزراعة اصبحت عب ثقيل عليهم بسبب سلبية المسئولين .ويقول عبد الستار ابراهيم فلاح محصونا بيموت امام عيونا والادارة الزراعية ودن من طين والتانية من عجين اكتر من 75 / من الفلاحين لم ياخذوا حصتهم في الاسمدة وانا منهم الاسمدة بتاعنا راحت فين ؟تعبنا بيضيع اما م عيوناوالاسمدة بتنباع في السوق السوداء .ويقول مجدي عليوة سعر الشيكارة الاسمدة وصل في السوق السوداء 175 جنية ومش موجود والمحصول بيموت نعمل الية نروح التحرير ولا نشتغل بلطجية ولا نفتح بيوتنا ازاي.؟وتقول سعدية رمضان انا فلاحة ومعنديش فلوس علشان اشتري شيكارة واحدة 175 جنية لان لومعايا انا كنت بطلت فلاحة وقعدت في البيت ويقول احمد اسماعيل روحنا الجمعية الزراعية ومحدش سئل فينا روحنا ادارة التعاون المسئولة عن توزيع الاسمدة ومحدش سئل فينا والمحصول بيدمر ومحدش سئل فينا من الاخر انتم بتعتبرونا من فلول الحزب الوطني ولا ايه ارجوا من المسئولين انهم ينظروا الي الفلاحين نظرة عطف لان احنا مش من شباب النت احنا ناس غلابة عايزين نعيش .