والد التلميذ المقتول منفعلاً: إدارة المدرسة والمستشفى "طبخوها".. ومش هاسيب حقه

قال شريف جمال، والد الطالب إسلام ضحية، مدرسة السيدة زينب، إن ابنه في مستشفى التأمين بالمقطم من يوم الثلاثاء حتي وفاته اليوم، لافتا إلى أن المدرس قام بضرب ابنه على راسه بالعصاه اثناء الطابور المدرسي بعدما قاله له انه يشعر بالارهاق.
وأضاف "جمال"، خلال مداخلة هاتفية ببرنامج "مانشيت"، المذاع على فضائية "اون تي في"، أن المدرس هو إخواني ومن اسرة اخوانية لانه يسكن في منطقته، مشيرًا أن المدرس مازال يؤدي عمله وأن إدارة المدرسة والمستشفى "طبخوها" مع بعض.
وتابع قائلًا: "وزارة التربية والتعليم طلعوا المدرس بكفالة 20 الف جنيه وانا مش هدخل عيل من عيالي تاني المدارس بلاها مدارس وولادي وولاد اخواتي هيطلعوا من المدرسة خلاص انتهى ".
واستطرد منفعلًا: "أنا صرفت على ابني وهو ميت اكلينيكيا والمستشفى عارفة وخلوني اصرف بالرغم من اني دخلته في مستشفى استثماري، وجايين يقولوا اني اخدت 10 الاف جنيه بتوع ايه انا مش محتاج انا راجل مرتاح بس عاوز حق ابني وبلاش تطلعوا عليا اشاعة اني اخدت 10 الاف جنيه ".
وأشار قائلًا: "انا مش هسيب حق ابني ومش هخلي ولا مدرسة في المنطقة تفتح وهاخده بدراعي لو المدرس متعاقبش، حتي لو جبتلولي وزير الداخلية وان شاء الله اخد تأبيدة ".