ما تلوميش يا حكومة لو مسكنا سلاح !

صباح الخير
فيه سؤال بس يا جماعة هوة احنا هنقضيها رابعة والنهضة ودمتم ولا إيه ؟؟؟ حد يساعدني في الفهم لان بجد انا اتخرب بيتي لا عارف أروح شغلي ولا انزل دكتور ولا حتى أودي مراتي اي مصلحة انا صحيح مش ساكن هناك لكن من سكان مصر الجديدة وقريب من منطقة الأحداث والمتظاهرين بنلاقيهم فجأة في الشارع في الميادين واحيانا في الشوارع الجانبية وبصراحة أخاف أتحرك بحرية البس في تظاهرة مسلحة ولا حاجة تبقى مصيبة وبعدين لو فضلنا بالمنظر ده يبقى الحكومة ماتجيش تلوم علينا بقى لما الواحد يفكر يمسك سلاح هوة كمان من باب الدفاع عن النفس .. ولا ايه ؟! بس دي تبقى غابة بقى .. انا عايش ما بعملش حاجة في العيشة غيل اصحى أنام على الأخبار ما هو خلاص بقيت عاطل وقاعدلهم .. ده غير الكآبة اللي هبت على البلد كآبة وحالة كدة غريبة تانية ،، يعني لو حتى اتهورت وفكرت انزل القهوة اللي على اول الشارع أقابل قرايبي أو أصحابي بنبقى قاعدين يا أما ساكتين ومرسوم على وأنا القرف يا أما بنتكلم في الموال ده من غير اي فايدة طبعا !!!! خلاااااص البلد بقت مولد وصاحبه غايب .. الله يخليكم لو حد فعلا عنده طريقة للخروج من الحالة دي ولو مؤقته عشان اقدر أكمل العيشة يكتب الله يخليكم وشكرا جزيلا والسلام عليكم ورحمة الله .
محمد شكري
[email protected]