على محمد الهورينى يكتب .. اللى بنى مصر كان فى الأصل إخوانى مش حلاونى

الشعب المصري شعب يهوي التمثيل ومحب للمظاهر وفي يعض الاحيان يكدب الكدبه ويصدقها وتتعجب جدا عندما تتحدث الي احدهم وتقول علي سبيل المثال انا عيني بتوجعني اوي النهارده يقولك اه اكيد من كتر النوم وعندما يعرف انك لم تنم جيدا ولكي يثبت انه بيفهم يعني يقولك
اه يبقي اكيد اكيد من قلت النوم وفجاءة يزيد الموضوع ويتحدث معك بصفته طبيبك المعالج وانه دارس طب ومهندس معماري وفي بعض الاحيان عالم فلك وممكن كمان يقول الدنيا هتمطر النهارده ولا لا .

وتقيس علي كده مواقف كثيرة تحدث اليومين دول مثلا موقف الاخوان المسلمين من الثورة ونجاحهم الباهر في البرلمان ولكن عندما ترجع الي الوراء سنه وفي مثل هذه الايام رفض الاخوان المسلمين النزول يوم 25 يناير مع انهم بردوه كانوا في السجون وكانوا يتجرعون العذاب ولا رائ ولا سمع اي واحد في الشعب المصري ما راؤه وسمعوه ولا مصري اتعذب زيهم ومفيش معارضين اتسجنوا زي الاخوان ومفيش مصري معارض او عامل بسيط شاف الي هما شافوه من ضرب وسحل وما الي ذلك ومع ذلك.
قالوا احنا مش هننزل وبعد ذلك يوم 28 يناير يوم جمعة غضب الشعب المصري لم
نري الاخوان نزلوا في الشوارع يحموا المصرين زي ما بيحموا البرلمان او البرطمان
الي هما ملينه دلوقتي ويتحدثون لك بصفة انهم هما الي حموا الثورة .

وفي احداث مسبيرو لم نري احد من الاخوان المسلمين حامين حماة الوطن ومنقذي
العشوائيات ومدمري الظلم والعدوان والواقفين الجالسين المتصديين للطغاه وحسبي الله
ونعم الوكيل وهذا وبالله التوفيق .

وفي احداث محمد محمود التي جاءت بالمطالب المتنماه بتغير حكومة الدكتور عصام شرف والتي اتت بميعاد لتسليم السلطة من المجلس العسكري لم نري الاخوان المسلمين واكتفوا بإصدار بيان ملوش اي تلاتين لازمة بانهم خايفين علي ارواح الشباب الي بيتسحلوا ويفقع عنيهم في التحرير ولكن لم نري حماة الوطن والعرض وما الي ذلك من الهري الي ملوش لازمة موجودين يتصدون ويدافعون عن هولاء الشباب .

وفي نهاية الاحداث يقولك الاخوان المسلمين احنا الي حمينا الثورة واحنا الي شلنا مبارك وطبخناها واحنا الي عملنا الدعوة وكل الشهداء الي ماتوا اصلا من الاخوان المسلمين ومن الاخوات المسلمات وهنحمي البرلمان زي ما حمينا الثورة .

ويقوم الاخوان المسلمين الان بدور الامن المركزي في حماية نواب مجلس الشعب
وممكن قدام شوية يبقوا هما الجيش وهما الي حربوا لوحدهم في حرب 73 بس اكيد
مشركوش في النكسة واحتمال الكدبة تزيد عن كده انهم هما الي عملوا وكاله الفضاء ناسا وهما بردوه الي طلعوا القمر وان الي بني الاهرامات كان في الاصل من سلاسة الاخوان المسلمين وهنغير الاغنية بتاعت الي بني بني مصر كان في الاصل اخواني بدل حلاوني .