اتجاهات

27/5/2011
محمد موافى : سلام من الله عليكم ورحمة منه وبركاته الكل يعشق ليلى اوالكل يعشق الديمقراطية ويغنى لها لكن ليلى تنكر كثيرا من شعرائها من ميثاق يحيى الجمل الوفاق عبد العزيز حجازى تستمر الجلسات الباحثة عن ورقات تحدد شكل مصر ومستقبل الديمقراطية بها ويستمرمعها الاتهامات والمكلمة ومحاولات القفز والاستيلاء فى مقابل اتهامات اخرى ومحاولات الاقصاء هذا الاسبوع نشرت مجلة الفورينال ثارد الامريكية ان مصرتشهد مخاضا ديمقراطيا بالغ الصعوبة وان الموقف فى مصريوحى بالقلق العميق لضوء ما يبدومن صعوبات تواجهها عملية التحول والديمقراطية وان الظروف تكره الناس فى الديمقراطية وتجعل المصريون يسعون الى قبضة حديدية على البلاد لمواجهة حالة الفوضى فهل هذا صحيح هل الاوضاع الحالية وتضخيم واكرر تضخيم وسائل الاعالام لها تجعلنا نكفر بالديمقراطية وكل ديمقراطية من اجل استعاد ة الامن وان ممارسة الحرية والديمقراطية قواعد واليات نفتقد اكثرها وهل الفوضى تعنى ديمقراطية وهل مجرد الاعتراض على اعتصامات فئوية طائفية يعد تعديا على مبدأ اصيل من مبادئ الديمقراطية وهل احدثت الثورة مفاجأة لم نتوقعها وجعلتنا نصطدم بما يراه البعض حقيقة افتقدنا ثقافة الديمقراطية وهل لو وصل الاسلاميون مثلا للسلطة اوكانوا هم الاقرب لجمع كراسى البرلمان اننا سنكون حاهزين لمناقضة انفسنا والانقلاب على الديمقراطية هل الخوف من ذلك هو سبب دعوات الديمقراطيين الى تاجيل الديمقراطية بما يتثمل فى بقاء المجلس العسكرى وتاجيل الانتخابات البرلمانية الرئاسية ايها المشاهدون الكرام المصريون وثقافة الديمقراطية بعد الفاصل
فاصل
مواطن: احنا مؤهلين للديمقراطية لانى لو عرفت الديمقراطية انها حكم الشعب لصالح الشعب فان اختيارالديمقراطية لمصرشعب مصراختار الديمقراطية بدليل انه قام بثورة 25 يناير
مواطن:مش مأهلين الناس للديمقراطية بدليل ان ظهرت فئة بعد 25يناير حتى اللى ملوش اى مطالب عمل زى هنقول زى اللبلاب كدة ملوش اساس وحاول ان هو يطلع على جدورالاخرين يعنى على اكتافهم
مواطن:تم التفاؤل الى حد كبيران احنا ممكن نكون على اول طريق الديمقراطية ان شاء الله
مواطن:سلوك الناس يخوف من الديمقراطية ولكن احنامع تطبيق القانون على الصغير والكبير والحسم ممكن نطبق الديمقراطية بطريقة كويسة هى عايزفترة من الزمن لان احنا معشناش الديمقراطية الحقة والديمقراطية اللى هى ديمقراطية الشعوب
مواطن:ابتداء من يوم 25 يناير اصبحت فيهم ديمقراطية مصركلها لان مصراتولدت من جديد فيها شباب واعى فاهم يعنى ايه بلد فاهم يعنى ايه مسئولية الديمقراطية ان يبقى ايه راى الاغلبية ومحدش عايزراى الاغلبية فى ديكتاتورية الاقلية ديكتاتورية الاغلبية
مواطن:احناغيرمؤهلين للديمقراطية لان الديمقراطية دى تيجى عن طريق التدرج الناس لاتفهم معنى الديمقراطية الكل يفهم معنى الديمقراطية ان انا اشتم رئيس الجمهورية اشتم المسئول اشتم كذا اللى هوحكم الفرد مينفعش
مواطن: ما تقلش عن اى شعب متحضراوشعب يفهم معنى الديمقراطية لان احنا اصحاب حضارة والحضارة بتاعتنا ضربة فى التاريخ من الوف السنين
محمد موافى : اهلا بكم من جديد وبرحب بضيوفى فى اتجاهات النهارده الدكتورعبد المنعم المشاط مدير مركزالقاهرة لثقافة الديمقراطية والكاتب الصحفى الاستاذ يحيى قلاش واتوقع ان ينضم الينا اخرون على الهاتف اهلا بكم وبهم استاذ يحيى هبدأ بالفوضى الفوضى فى ناس شايفة ان هى اكبر مما نتخيل شايف ان احنا بنبالغ فى تضخيمها جدا هل مزيد من الديمقراطية مصر الان بعد الثورة مزيدا من التوضيح
د/عبد المنعم المشاط: لأ انا اخشى يعنى ان احنا نربط بين ما هو حادث فى مصرمن فوضى انا بتصور ان اغلبها يعنى مصطنع ومتعمد وبين ديمقراطية لتكفيرنا بالديمقراطية لايمكن بعد ثورة عظيمة زى ثورة 25 ينايران نكفربالديمقراطية اوان نستكثير الديمقراطية على الشعب المصرى بكل حضارتة وبكل تاريخة الربط بين بعض الاحداث اللى ممكن ان نطلق عليها الفوضى وبين الديمقراطية انا باتصور انه ده ضارجدا بفكرة الديمقراطية لان الحقيقة مفيش ربط بين الاثنين او ان الديمقراطية نفسها لديمقراطية الصحيحة اللى احنا بنتجة ليها اوبنحرص عليها او من اجلها قامت الثورة هى للقضاء على الفوضى وليست صانعة للفوضى
محمد موافى : دكتورعبد المنعم لكن هناك من يربط بين لواتحنا مزيدا من الديمقراطية لو رحل المجلس العسكرى لو تعجلنا فى الانتخابات اوحدثت فى مواعيدها فان ذلك يعنى مزيدا من الفوضى وبالتالى فالديمقراطية تعنى الفوضى فى عرفهم مش فى عرفى انا
د/عبد المنعم المشاط : طبعا يعنى اولا نحن لن نمارس الديمقراطية منذ عام 1954 حينما الغيت الاحزاب السياسية حتى يومنا هذا بالعكس ال 30 سنة الماضية عشنا فى ثقافة شمولية تسلطية وبالتالى نوع من الحساسية ازاء كلمة او مصطلح الديمقراطية والتى تعنى ببساطة الحرية من ناحية وسيادة الشعب على مقدراته من ناحية اخرى لكن ما يحدث فى الشارع المصرى انا يؤسفنى ان احنا بنسمية فوضى يحدث فى الشارع المصرى الان وعدم الانضباط للشارع المصرى ولكنها ليست فوضى على الاطلاق ان ما يحدث سواء طبعا فى غياب الجانب الامنى ولانه الناس لن تتعلم احترام الاملاك العامة وزن الديمقراطية وثقافتها احترام الاملاك العامة واحترام حقوق الاخرين
محمد موافى :عدم التعدى على حرياتهم ما يحدث فى الشارع الان هو عدم احترام الملكيات العامة فعلا عدم احترام حقوق وحريات الاخرين لكنه لم يصل القول لم يصل الشارع المصرى يعانى من عدم الانتظام او الانضباط لكن ليس هناك دور
محمد موافى : لكن دكتورهناك سؤال لاستاذ يحيى انا هنا ما باخرجش عن الصياغة صياغة الديمقراطية لكن لما باتكلم فى الفوضى او عدم الانضباط زى ما بنقول ودكتورعبد المنعم قال عليها احنا انا غيرى فى وسائل الاعلام حضرتك كصحفى هل ضخمنا الفوضى اللى موجوده هل المسألة ابسط من كده
أ/يحيى قلاش : هو يعنى طبعا احنا عايزين نسمى الاشياء بمسمياتها بانضم الى الدكتور عبد المنعم فعلا فى انها يعنى عدم انضباط اوحالة السيولة لاسباب كثيرة ممكن نتفق عليها لكن لابد ان نعترف انه هناك من لقوا مصلحة فى حويل حالة عدم الانضباط للسيولة دى الى حالة فوضىوده بيستخدم بالفعل
محمد موافى : انا هنا باسأل بالفعل النقطة الاولانية هؤلاء لابد ان يوصولوا الينا ان مزيدا من الديمقراطية تعنى مزيدا من الفوضى وبالتالى هم يضخمون الفوضى
د/عبد المنعم المشاط: من لهم مصلحة فى اعادة العدالة للوراء ومن له مصلحة فى ان الثورة تأتى بمصالح وحقوق وتهدد مصالح وحقوق من عاش من عمل على صناعة الاستبداد لعقود لمن بدد ثروات الشعب المصرى وحولها للخارج واو كده المصريون كلهم اجتماعيا وسياسيا واقتصاديا باتصور ان ده صاحب مصلحة فى انه لا تدفع الثورة مستقبل مصر الى الامام
محمد موافى : طب دكتوريعنى انا لوحطيت فى هذا السياق اللى قال عليه الاستاذ يحيى اسماء ضخمة جدا على سبيل المثال الاستاذ حسنين هيكل لما يتكلم ان السيد المشير محمد حسين طنطاوى يجب ان يتولى رياسة الجمهورية اوهو الانسب غير الرؤساء تحريرسابقين لازالون يكتبون وينادون ببقاء المجلس العسكرى يعنى ازاى نحط ده فى سياق كلام الاستاذ يحيى
د/عبد المنعم المشاط: هو بص اولا اللذين يحاربون الثورة ولا يردون نجاحها لن يريدون مستقبل باهرا لهذه الدولة المحترمة والعظيمة واحد اثنين ان هؤلاء اللذين ضربوا على الخضوع لضغوط اجنبية وضغوط محلية لا يريدون للثورة ان تستقبل بهذا البلد الى افاق المستقبل اثنين ثلاثة ان المؤسسة العسكرية المصرية بقيادة المجلس العسكرى لديها مسئوليات اهم بكثير جدا جدا من الادارة اليومية لشئون البلاد واذا كان الجيش اوالمجالس العسكرية يريد ان يحكم فقد حول الثورة منذ يومها الاول لان هو طبعا اخذ جانب الثورة لا جدال فى هذا وحمى الثوار لا جدال فى هذا وشفنا الكلام ده فى الدبابات فى ميدان التحرير وفى كل مكان يعنى وبالتالى لو كان لهم الرغبة فى الحكم كانوا همشوا الاطراف المختلفة وحكموا لكن هناك توزيع مهم للادوار لكن المؤسسة العسكرية همها الاول والاساسى حماية الدولة من التهديدات الخارجية ودى مسالة بقاء مسالة حياة او موت بالنسبة للدولة المصرية والشعب المصرى
محمد موافى : طب ده يخلينى اسال يعنى هل من الصورة المضحكة فى مصر دلوقتى ان العسكركما درج التعبير ضد الديمقراطية ان العسكر هم اكثر الناس حرصا على الديمقراطية الان والمدنيين هما الابعد دلوقتى
د/عبد المنعم المشاط: يعنى من الامور المهمة جدا جدا فى هذه المرحلة الانتقالية ان الشعب المصرى الان يناير وفبراير اعطى ثقتة فى المؤسسة العسكرية المصرية وانا رحت مؤتمرين برة فى المانيا ورحت برشلونة فى اسبانيا عايزاقولك هناك انبهاربدورالمؤسسة العسكرية المصرية وتميزها مش بالانحياد فقط
محمد موافى : طيب ما ده يخلنيى اؤكد على سؤالى هل المشهد المضحك دلوقتى المؤسسة العسكرية يعنى المعروف عنها الانطباط مفيش وجهات نظر مختلفة المسالة حاسمة جدا يا استاذ يحيى
أ/ يحيى قلاش : بس انا لألأ اصل انت منطلق من فكرة محتاجة لمراجعة انت منطلق من فكرة انه من يدعو الى التمهل فى السيناريو الموجود للانتقال فى فترة الانتقال هو يعنى راجل ديمقراطى بيناقد الديمقراطية لما تتناقد مع مصلحته اوتاتى بمصالح اخرين منافس له ولكن ده غير صحيح بالمرة
محمد موافى : للمتريثين
أ/ يحيى قلاش : اه ده خلاف على سيناريو المرحلة الانتقالية لكن مش معناه ان انا مع الديمقراطية او ضد الديمقراطية لكن هو الى اين سنذهب يعنى مش فكرة البرنامج الزمنى لابد ان يحقق انتقال يبقى فى نقلة حقيقة تؤدى الى استقرار هذا الوطن اذا تحقق فا احنا مش البرنامج الزمنى بنسعى الى وضع انتقالى امن يؤدى بنا الى اهداف حقيقية والمد بنا الى استقرار حقيقى لكن مش معناه انه
محمد موافى : طب بارجع بحضرتك بسؤال ما باقدمش اتهامات
أ/ يحيى قلاش :يعنى مش نوع يعنى لافت للنظر ان كثيرحتى من المسئولين داخل الدولة بما فيهم يعنى رئيس الوزراء والمح الى ذلك ان هولوبيخيران هو يبقى مع الدكتوراولا ثم الانتخابات البرلمانية ثم الرئاسية كثيرمن الاصوات بتنادى بهذا الموضوع مفيش نقوص او معناها عدم الديمقراطية اوتراجع بالديمقراطية
محمد موافى :لان يعنى خلونا نناقش ليه التريث ليه التمهل ونواصل اتجاهات وانا بانتظار حضراتكم لموعد اذان العشاء حسب التوقيت المحلى لمدينة القاهرة
فاصل
محمد موافى : اهلا بحضرتكم مرة ثانية فى اتجاهات احنا بنناقش المصريون وثقافة الديمقراطية طرحنا سؤال هل مزيد من الديمقراطية فى هذا التوقيت ومزيد من الفوضى كنا طرحنا انتقادات البعض للبعض الاخر للتمهل فى استحقاقات الديمقراطية من الانتخابات المطالبة بتاجيلها كل ده انقلاب على الديمقراطية وجهة نظر البعض دكتورعبد المنعم اسال حضرتك لماذا التمهل يعنى وجهة نظر المتمهلين المطالبين بمجلس انتقالى
د/عبد المنعم المشاط: لأ التمهل سواء بمجلس انتقالى او اختارالمجلس الاعلى للقوات المسلحة يعود الى مجموعه من الناس هناك خوف على ان الاحزاب احزاب الثورة نشأت بعد الثورة لم يتم الترويج لها بعد والاحزاب القديمة ضعيفة احنا كنا نعيش ثانى فى ثقافة شمولية اضعف كافة الاحزاب وبالتالى هناك تيارات سياسية من الممكن ان تقصو على اغلبية دون ان نعطى حق المنافسة الحقيقية للاحزاب الجديدة ده جانب الجانب الثانى انه نبقى واقعيين انه بعد 30 سنة شمولية اجى بعد 3 تشهر 4 تشهر اجى اعمل انتخابات عملنا استفتاء على مواد وعملنا طلعنا اعلان دستورى بيان دستورى ثم انتخابات مجلس الشعب والشورى ثم انتخابات رئاسية فى عام واحد لاتوجد دولة واحده فى العالم فى مرحلة انتقالية مرت بهذه التجربة القاصية جدا مش هطلع 45 مليون يصوتوا لكل هذه المراحل يبقى نحن نحتاج فى هذه المرحلة اننا نثقف وندرب الناس على حرية الاختيار اولا الناس لم تتعود
محمد موافى :هل احنا محتاجين حضرتك طرحت نقطتين مهمين جدا هرجع بيهم للاستاذ يحيى لكن استأذن حضرتك احنا بينضم الينا دلوقتى عبر الهاتف الكاتب الصحفى الاستاذ وائل الابراشى ازيك يا استاذ وائل
وائل الابراشى : اهلا بيك واهلا بضيوفك وبكل المشاهدين
محمد موافى :استاذ وائل كنا بنتكلم الدكتور عبد المنعم دلوقتى طرح ان الداعين فى التمهل الى الاحقاقات الديمقراطية فى المجلس الانتقالى الى تاجيل الانتخابات يرون ان الاحزاب او القوى الاساسية التى قامت بالثورة ليست مستعدة لان يتم الترويج لها بعد وان ربما نقطة اكثر خطورة ان مصر بعد 30 عاما الماضية لايمكن ان تنتقل هذه النقلة السريعة انتظر تعليقك
وائل الابراشى : اهلا لأ هو الحقيقة الدكتور بعد المنعم المشاط انا سمعت جزء من كلامة واكن له كل تقدير واحترام بس انا باختلف شوية فى قضية انه الشعب المصرى لا يستحق الديمقراطية الكاملة والشاملة الان كان النظام السابق دايما يرفع شعار انه ليس هذا وقتة والحقيقة مكناش عارفين الاستاذ وقتة او مستر وقتة هيجى امتى وقعدوا 30 سنة انه مش وقتة انه الناس يعنى تمارس الديمقراطية الشاملة والكاملة 25 يناير عملت صدمة الصدمة ايه الحكومة دايما بتقول الناس لا يمكن تنزل للشارع الناس لا يمكن تحتج الناس لايمكن تغضب حتى ان النظام السابق كان يعتمد على هذا السلاح احنا اكتشفنا انه النظام كان هشا والدولة كانت ضعيفة جدا اللى كانت عمله لنا بعبع اكتشفنا انها هاشة جدا مجرد نزول الناس الى الشارع فده اللى عايز اقولة كان يصلح ان احنا الكلام قبل 25 يناير بعد 25 يناير اللى صدمتنا بحاجات كثيراكتشفنا ان الناس فاهمة كمان ان الفارق بين الحكومة والنظام قبل كدة عشان نقول للناس اية الفارق بين الحكومة والنظام نتعب قوى عشان تقول لهم ان الاصلاح السياسى له علاقة بلقمة العيش يقول لك لأ ادينى لقمة عيش دلوقتى ومتكلمنيش عن الديمقراطية اوالحرية انا باقول لأ الشعب
محمد موافى : دلوقتى بيقول ادينى امن وما تكلمنيش عن الديمقراطية
وائل الابراشى :اهلا اه قضية الامن انا معاك بقى ان هومش عاوز البعض يوصلنى الى هذا الاختيارانه اما الامن واما الديمقراطية وتحت شعارانه الامن ليس مكتملا انا ما اكملش التجربة الديمقراطية لأ الوضع الحالى فى مصر بيوصلنى الى ان انا اقول نحن فى حاجة الى حكم مدنى لابد ان ننتقل من الحكم العسكرى للحكم المدنى باقصى سرعة مهما كانت السلبيات لان السلبيات والاخطاء الان اكبر والخطر اشد
محمد موافى :استاذ وائل حضرتك رضيت على الجزء الثانى من كلام الدكتور عبد المنعم وفتحت باب اما الامن واما الديمقراطية منطلق البعض يعنى خلينى ارجع لاما اخرى يعنى الرئيس المخلوع مبارك فى اخر كلماته قال اما انا او الاخوان اما انا او الفوضى دكتورعبد المنعم بيقول ان اكثر الجهات المستعده الان الاسلاميون ان شباب الثورة او قوى الثورة ليست على استعداد لخوض انتخابات
وائل الابراشى : اهلا طيب انا هرد على ده بسؤال هل تعتقد يا دكتورعبد المنعم هل يعتقد كل من يطالبون بتاجيل الانتخابات لان الاخوان هيقصدوا الى الحكم هل تعتقد ان بعد سنة الاخوان سيصبحون اضعف والاحزاب والمجموعات الجديدة تصبح اقوى اعتقد انه اى مجموعات جديدة هى تستمد شرعيتها الان من 25 يناير ومن ثقافة الميدان وبالتالى عندها القوة اللى يمكن تؤهلها انها تخوض اى انتخابات والوضع لن يتغير بعد سنة بعد سنة الاخوان سيزدادون قوة بعد سنة التيار الاسلامى سيزداد قوة لان هو الاكثرتنظيما والاكثر التحاما بالشارع بالعكس انا واثق زيك كده انه هيبقى ضعيف بعد سنة او انه يطلع لى تيارات ليبرالية ومثقفة وتيارات منفتحة تعمل توازن خلال سنة هرتبط بده معاك لكن انا واثق ان الاخوان سيزدادون قوة بعد سنة انا كنت فى افتتاح المقر العام لجماعة اخوان المسلمين لم يكن احد يتخيل فى يوم من الايام ان الاخوان المسلمين يفتتحوا مقرهم بهذا الشكل العلنى ده كان عيد للحرية وانه قضية تهميش او اقصاءالاخوان لم تعد ممكن قضية الاعتقالات او البطش انا قاصد انه بعد سنة الاخوان ستكون هى القوة الاساسية طب يبقى انا عملت اية ابقى على هذا الوضع فى مصر اناعاوزانتقل يا جماعة الى الوضع المدنى لانه مصر تدارالان ولا تحكم احنا عاوزين مصر تحكم
محمد موافى :استاذ وائل اسمح لى نسمع تعليق من الدكتورعبد المنعم ثم تعليق من الاستاذ يحيى
د/عبد المنعم المشاط: استاذ وائل طبعا انا باحترام رايك كما تعلم يعنى باعتز برايك جدا لكن انا الحقيقة حدث انه فى الشهرين الاخرين انا بالف الاقاليم تقريبا فى دورات لتدريب على ثقافة الديمقراطية وانا يمكن ده بيقربنى كثير جدا من مدى الفهم العام للتحدى القادم واهمية التصويت الناس هتوت مفيش اى مشكلة فى هذا المجال نسبة المشاركة هتبقى عالية جدا لكن فى حقيقة الامر انه التيارات المنظمة والاحزاب المنظمة والاكثر تنظيماوسوف تحصل على اغلبية كبيرة وهذاهومنطق الديمقراطية راى الاغلبية نحترمة لانه من الممكن ان يتحول الى اقلية فى انتخابات اخرى مشكلة الاتجاه وهو بيقول نهدى شوية وناجل شوية هو لم يحدث حتى الان لاتثقيف سياسى ولا برامج تنعش الذاكرة وتوضح معنى التحول الديمقراطى اللى احنا فيه الاحزاب الجديده ضعيفة كما تعلم جدا وانا اتصور فى خلال سنة ستقوى هذه الاحزاب وتروج لنفسها بالبرامج الجديده وبطبيعة حالها هى برامج الشباب والشباب هم اغلبية المجتمع فدى فكرتى انما بطبيعة الحال لا يمكن ان انا اقول الشعب المصرى لا يستحق الديمقراطية طبعا
محمد موافى : دكتور عبد المنعم استاذ وائل ارجوك حضرتك خليك معانا هسال بس استاذ يحيى انا ليا بس كلمة صغيرة على كلام الدكتور عبد المنعم يعنى الاحزاب هى ليه ما قامتتش اساسا بدورها للعمل السياسى ان هى تربى ان هى تدرب شبابها يعنى هى ولدت ضعيفة ولدت ميتة
أ/ يحيى قلاش :لأ انا عايز اقول لحضرتك على حاجة مش عايزين نبدو يعنى ان احنا بنتكلم عن اقصاءقوى سياسية اساسية فى المجتمع هذا ليس مقصد مفهمتوش انا من كلام الدكتورعبد المنعم وانا اتصوران ده مطروح لانه لا يمكن ان نفكربعد 25 ينايربمنطق الاقصاء اللى كان بيمارسة النظام السابق اللى احنا ثرنا من اجل اسقاطة لايمكن ان احنا نفكر اذا كنا بنقول انها تخص بالتحديد الاخوان المسلمين هما جماعة موجودة بقالها اكثر من 80 سنة ولم يستطع اى نظام ان يسقطها او يسقط حقها فى ان هى تتواجد بالطريقة المناسبة والامر لا يمكن ان يفهم بهذا النحو على الاطلاق لما نتكلم عن ترتيب مرحلة انتقالية مع او ضد احنا مابنتكلمش عن الاخوان يجوا والا نكعبلهم يعنى نفرملهم او كده ده يبقى كلام نوع كلام ساذج وعبط يعنى
محمد موافى : طب ايه حب المتمهلين ؟
أ/ يحيى قلاش : لألأ حب ان انت لابد ان انت انا يعنى انا ما باتكلمش انا مش متبنى وجة نظر متعلقة ب ان انا امد او أاقصر او كده لكن انا مع ترتيب حقيقى ومنطقى يترجم يستوعب اللى حصل فى ثورة يعنى ما اقلش بعد ثورة واجى تانى يوم اعيد انتاج الحزب الوطنى واعيد انتاج اللى كان بيخوفنى به الحزب الوطنى لكن انا عايز ادى اتاحة فرص انت عندك وراك سينا احنا عندنا مشكلة اساسية الثورة قامت وكانوا صدورهم عارية واستشهد منهم خيرة ابناءنا فى مصابين منهم فقدوا نور عينهم وبتر دول غير ممثلين فى حتى الان فى صناعة القرار
محمد موافى :نقطة ههمة جدا
أ/ يحيى قلاش : مش موجودين
محمد موافى : استاذ وائل يعنى الواقع بيقول لو حصلت انتخابات اكثر الناس جاهزية الاخوان وهم يستحقون ذلك لتغيبهم سنوات وابتعدهم سنوات لكن ايضا من اكثر الجهات استعدادا هو الحزب الوطنى المنحل اوبقاياه اوفلولة
وائل الابراشى : اهلا يعنى بس انا عاوز اقولك حاجة مفاجئة اواصدمك بمفاجئة الاخوان هم اكثر الفئات هروبا من الوصول الى السلطة والى الاغلبية البرلمانية الان احنا بنقعد معاهم هما مش عاوزين لا سلطة ولا اغلبية برلمانية الان هم يخططون لها بعد عدة سنوات لان لا يريدون صدمة المجتمع نمرة واحد اثنين انا مش عاوزاقع فى نفس الخطيئة اللى وقع فيها النظام السابق حين رفع شعار اما جمال واما الاخوان مكنش بيقول اما مبارك واما الاخوان لأ اما جمال واما الاخوان استخدم الاخوان فزاعة لو احناعاوزين ديمقراطية هيبقى الاخوان هيوصلوا وبالتالى كان بيقنع الناس انه الديمقراطية ما تنفعش للمص يين لانها تجيب الاخوان للسلطة وعشان كده كان يقولك والله ده تزوير الانتخابات وتقفيل الصناديق افضل لان البديل انه ياتى الاخوان انا مش عايز اقع فى نفس الفخ واقول للناس ياجماعة لو عملت انتخابات دلوقتى الاخوان سياتون الى السلطة وبالتالى امارس ما مارسة النظام السابق حكاية فلول الحزب الوطنى الحزب الوطنى لا يمكن ان يعود فى الانتخابات لوجود العصبيات العائلية لكن انا ممكن هنا بقى ابتدى اشتغل ما هو انا مش هقعد فى مكاتب مكيفة بعض المثقفين للاسف المستنيرين وانا اختلف سياسيا وفكريا مع جماعة الاخوان المسلمين لكن للاسف مازال التيار يا دكتور نخبوى يجلس فى مكاتب مكيفة ولا يلتحم بالناس فى الشارع لما احتجوا على يوم منصة الشهيد كان اعلانا لسطو الاخوان على السلطة فا الحقيقة انا قلت لهم طب انتوا كنتوا فين ما بتنزلوش للشارع لية فى الميدان يعنى اين التيار الليبرالى اللى نازل الى الميدان لماذا تركتم الاخوان يستولون على المنصة الحقيقة انا كنت موجود ولم يستولى الاخوان على المنصة ووقفنا اتكلما على المنصة واتكلم الاستاذ حمدين صباح والاستاذ جمال ظهران وانا وكلنا ننتمى الى التيار اللبرالى اللى انا عايز اقولة ان فكرة تاجيل الديمقراطية لحين انه ننضج او انه الاخوان هيسيطروا لان شباب الثورة هو نفس اللى كان بيعملة النظام السابق تالوا نأجل الديمقراطية لانه هتجيب الاخوان
محمد موافى : استاذ يحيى عنده تعليق مهم شكرا جزيلا لك استاذ وائل وارجو يعنى ما تحولش القناة وتباعنا يعنى
وائل الابراشى : لأ ان شاء الله
محمد موافى : ينوبك فينا ثواب
وائل الابراشى : الله يخليك
أ/ىحيى قلاش: لأ اصل الحقيقة يعنى مع احترامى للى قاله الاستاذ وائل وهو يكرس فكرة الناس فى مواجهة الاخوان وحاطت الاخوان فى جملة مفيدة لن يذكرها احد ولا اتصور ان ده ممكن يبقى مقصد اى منا انا والدكتور عبد المنعم لكن هو بعدين كمان اصلا وائل يتحدث عن النخبة اللى قاعدة فى مكاتب مكيفة واللبيراليين وكلام من ده الكلام ده كان ممكن نقولة قبل 25 خمسة وعشرن انا مش هدورعلى النخبة اللى موجوده اللى كانت نزلت ميدان التحرير منزلتش ميدان التحرير لكن وائل الابراشى وبلال فضل وكل شباب مصرالصغيرين هما اللى كانوا شافوا مشهد المزيف المصرى فى ميدان التحريركل ميادين مصرهما دول اللى موجودين لحد دلوقتى ما مشيوش فا مش هرجع ارتد تانى للخطاب بتاع نخبة بين الاخوان والليبراليين اللى هما
محمد موافى : عايزين نقول النخبة نزلت الشارع كده دول نخب حقيقية غير المزيفة اللى نزلت لأ ان الاوان ان الكل ياخد حجمة الحقيقى ولان الشباب اللى بيلفوا على كل وسائل الاعلام وبيحاربوا عشان ينتزعوا حقهم فى الحوار يعنى بيخشوا يتخانقوا عشان يتساوا برموز هما قالوا ان دى رموز الحزب الوطنى هل اتصورده ما بينزلش الشارع ده هل ده يعنى فرصتة فى تنظيم نفسة يعنى المشهد بتاع ميدان التحرير لابد ان نسعى ان احنا ننظمة فى حركة سياسية ده اللى بنتكلم فيه مش بنتكلم على اقصاء حد ولا بنتكلم على اللبيراليين فى مواجهة كل دول انا رايى وتاريخ يعنى مش الجغرافيا حاجة ثانية خالص
محمد موافى : طيب يا استاذ يحيى يعنى ما هى حركة كفاية او 6 ابريل ما كانت كلها من النخبة الليبرالية وهى اللى نزلت واتضربت واتبهدلت
أ/ىحيى قلاش: ok ماشى الموجودين دول ماناموش مش موجودين فى دول ما انعزلوش يعنى ماراحوش لا جم من مكاتب مكيفة ولا ذهبوا الى المكاتب المكيفة انا لازلت اراهم حتى الان فى الشارع
محمد موافى : دكتورعبد المنعم يعنى الاستاذ يحيى وصلنا لجلسات الحوار حوار الدكتور عبد العزيز حجازى محاولات البعض للاستيلاء على الكراسى الاولى كما صور لنا الاعلام ومحاولات البعض الاخر طرد هؤلاء المحسوبين على النظام السابق على الحزب الوطنى 00 هنا سؤال ان الثوار مارسوا الاقصاء الذى كان يمارسة النظام السابق
د/عبد المنعم المشاط : يعنى بص اولا موضوع الحوار واهدافة والاجندة والكلام ده كلة هو كبير جدا
محمد موافى :انا ما باتكلمش على الاوراق انا باتكلم على المشهد
د/عبد المنعم المشاط : لانه يبقى نتدخل فية لكن هو المشهد كالاتى اولا لا يجوز الاقصاء لاى حد بما فيها العناصر الوطنية المحترمة من اى نظام حزبى سابق لكن اذا كان هناك رموز ساهمت فى افساد الحياة السياسية لا يجوز ان تشارك يعنى من نفسها انا يعنى عجبنى احد اعضاء المجلس العسكرى لما سالوه مرة رؤساء تحرير الصحف هتعملوا فيهم ايه ؟ قال ياسلام لو يستقيلوا يعنى غير طبيعى وغير مقبول يعنى الحقيقة انا لا ادرى من وجه لهم والدكتور طبعا حجازى اتكلم عن الحكاية دى لكن اذا فى ناس معروف انهم افسدوا الحياةالسياسية بس هل .........
محمد موافى : انا هسال سؤال يا استاذ يحيى يعنى هل جلسات حوار بمثل هذه الاهمية الدعوة مثلا مفتوحة وعامة انا امبارح كان معانا احد شباب ائتلاف الثورة واحد المشاركين والمنسقين للحوار بيقولى ان هؤلاء الاشخاص من اعلاميين ومن صحفيين ومن سياسيين لم تتم دعوتهم وانهم اتوا بهدف التخريب دون توجيه دعوه لهم
د/عبد المنعم المشاط : انا هقول لحضرتك حاجة انا برضه انا بصراحة عندى علامة استفهام كبيرة حوالين الحوارات بتاعت الحضارات دى لانه انا يعنى يعنى شايف انه هى مفتقده للهدف اللى المفروض ان تعلن عنها وبعدين انتوا مش مختلفين عليها عارف هى مهمتها ايه بالضبط وهتطلع لايه لكن انا باعمل حوا روبلاقى مشروعات قوانين بتبقى قوانين وبتطلع احنا شغالين فى الحواروفى منتج شغال ملوش علاقة بالحوارده الحوار ده اذن الحوار ده مكلمة اواستنزاف للطاقة وللوقت دى نمره واحد نمرة اثنين انا يعنى فى خلل جسيم موجود انه حدثت ثورة ولم تترجم يعنى اصحابها مش ممثلين فى اى حاجة على الارض يعنى لايمكن ان انا اتكلم عن ثورة وبعدين اعمل حوار فيرأسة الدكتور يحيى الجمل او الدكتورعبد العزيز حجازى مع احترامى دى قامات كبيرة جدا لكن انا يعنى جلسات الحوار دى لا تبدا يعنى هى مش مجرد سوق اعلامى بيتم الاعداد ليها هناك لجنة تحضيرية هل استدعى شباب للمشاركة فى اللجنة التحضيرية
محمد موافى : طب بص ياستاذ يحيى خلينى اسالك بالعكس خلينى اسال بالعكس اهاجم الشباب
أ/ىحيى قلاش: اللى دفع حياتة ثمن اويعنى قدت ساقة والا اتعمى مش ممكن يجى جلسة حوار يلاقى اللى كان بيطلع فى التليفزيون عشان يطالب يخش علية مصدى الحوار فدى حاجة فوق فوق يعنى يعنى دى تعمل صدمة تبين فعلا ان احنا بنهزر
محمد موافى : استاذ يحيى خلينى انا لسؤال الدكتور عبد المنعم خلينى اهاجم الشباب طب ماهو فى قناة لهؤلاء الشباب ان انقسموا نحو 70 ائتلاف للثورة 70 مجموعة بتتحدث هما فى النهاية هما خدوا حق البلد كلها بايديهم مش عارفين يخدوا حقهم هما بالحوار مش عارفين يعنى يجبروا الجميع ان يكون لهم راى مسموع بعد ان اجبروا رئيس دولة ان هو يتنحى
د/عبد المنعم المشاط : يعنى اولا نحن الحقيقة ندين لهؤلاء الشباب انهم ملكونا مصر
محمد موافى : ما انا باعتب عتاب المحبة بعنى
د/ عبد المنعم المشاط : ما انا عارف
محمد موافى : اه
د/عبد المنعم المشاط : هما ملكونا مصر لاول مرة فى التاريخ الشعب المصرى يمتلك هذه الدولة ويفخر بيها واحد اثنين انه ممكن جدا الشباب يتحرك لوحده لكن يعنى هل معقولة حينما يتفاعلون مع الاخرين حينما يبحثون عن مخارج لبناء دولة حديثة اقوم اجيب لهم رموزكانت يعنى مش عايزاقول متورطة فى حاجة نسيب الماضى ده انما هل معقول ان هذا الحوار مليش دعوه بقى يقولوا اصلهم جم لوحدهم اصل ماحدش دعاهم قصة غريبة الشكل حقيقى يعنى فا اما موضوع الاختلافات بين الشباب والائتلافات هذا شئ طبيعى جدا فى اى مرحلة انتقالية نمرة واحد اثنين هرجع تانى هقول ادربنا احنا ادربنا على الحوار فى ال 30 سنة اللى فاتوا اضربنا على اداب الحوار ادربنا على قبول الراى الاخر ادربنا على يعنى ايه معنى ائتلاف يعنى انا باشوف ان فى التليفزيون ان معنى ائتلاف كلام لا علاقة له بالواقع
محمد موافى : يعنى انا شايف حضرتك بطالب بكل من قام بالثورة ان هو يخش كلية سياسة واقتصاد
د/عبد المنعم المشاط : لأ لألأ اطلاقا بالعكس ما الناس ناس عندهم معلومات قيمة ودقيقة ومحترمة اللى باقوله ان فى قضية الحوار واخلاف الاجيال والتباين فى المصالح مؤكد يؤدى الى اختلاف الطبيعى جدا يؤدى الى اختلاف يمكن نفترض احنا بنفترض كلمة يعنى عارضة انه لم تكن هذه الرموز موجوده فى الحوار صباح اليومين اللى فاتوا هل كان اللى بيحصل خلاف بين الشباب وبين باقية لأ انت جبت مفجر لاحداث خلاف كبير جدا مؤكد انه فى اجنده للناس اللى حضرت دى لافساد الحوار ثم نلوم شباب الثورة ان هما بيميلوا الى الاقصاء هذا غير طبيعى وغير مقبول
محمد موافى : ما هما
د/عبد المنعم المشاط :شباب الثورة لا يقصى احدا الثورة نفسها تقوم على دمج inclosing
محمد موافى :ايوا بس يعنى فى حد بيقول اذا لم تستحى فاصنع ما شئت فى ناس لا تستحى فا بالتالى يعنى الشباب معذور لما يبدى اعتراض بهذه الضجة ايه راى حضرتك ؟
د/عبد المنعم المشاط : طبعا طبعا معذور عنده حق انه الشباب عندهم احساس وانا معاهم انهم فى تعمد يعنى عن اقصائهم عن المشارة وفى صنع المستقبل هما اصلا انتفضوا عشان يقولوا احنا مفيش افق للمستقبل وبعدين فى تجارب اخرى فى المؤتمرالوطنى اللى دعى فيه اللى جه 5 الالاف حضروا كان نصهم شباب واداروا المؤتمر بطريقة فى منتهى الاحترام والنهارده اعلن قائمة المجلس الوطنى عدد كبير من الشبان بدو اى
محمد موافى :باختصار شديد فى اقل من دقيقة هل الشعب المصرى جاهز لاستحقاق الديمقراطية استاذ يحيى
أ/ىحيى قلاش: الشعب المصرى يستحق الديمقراطية من سنوات طويلة وهو استحقاق للشعب المصرى مش من احد لكن الديمقراطية بعد ثورة مثل ثورة 25 يناير تحتاج الى اشياء كثيرة جدا تحتاج الى منظومة التعليم وتحتاج الى منظومة الاعلام وتحتاج الى استقلال القضاء تحتاج الى اشياء لازم يتم ترتيبها ونسعى ليها لكنها تستحق وتستحق طبعا
محمد موافى : دكتورعبد المنعم
د/عبد المنعم المشاط : الشعب المصرى عاش فى ديمقراطية رائعة فى العشرينات والثلاثينات من القرن الماضى ديمقراطية ليبرالية ديمقراطية برلمانية وهو عاشها واستحقها انذاك والكذبة الكبرى التى عشناها فى الثلاثين سنة الماضية ان الشعب غيرجاهز للديمقراطية وان الشعب لا يستحق الديمقراطية ونحن نعترض على هذا تماما الشعب المصرى ابهر العالم بثورتة
محمد موافى : الحمد لله
د/عبد المنعم المشاط : والشعب الذى اسقط نظاما شموليا فى 18يوم يستحق بناء الديمقراطية سريعا
محمد موافى : دكتورعبد المنعم المشاط رئيس او مديرمركز القاهرة الثقافة الدمقراطية والكاتب الصحفى يحيى قلاش شكرا جزيلا لكما وشكرا للكاتب الصحفى الاستاذ وائل الابراشى كان معنا عبر الهاتف شكرا لحضراتكم اللى عايز اقوله لحضارتكوا لاول مرة فى تاريخ التليفزيون المصرى هيبقى معانا يوم الاحد لقاء حصرى لاول مرة فى تاريخ التليفزيون منذ نشأة التليفزيون منذ نشأة جماعة الاخوان التليفزيون هيبقى معانا المرشد العام لجماعة الاخوان المسلمين يوم الاحد انشاء الله دكتور محمدبديع فى اتجاهات انتظروا منها الكثير بعد ثورة 25 يناير لكم التحية ودمت فى رعاية الله آمنة