هيجيلنا أوفر دوز رؤساء

مساء الخير يا بشر انا شايف اننا ناخد هدنة بقى من قصة الريس وخطابه وتحركاته ماقصدش نمتنع عن المتابعة لكن نشوف شغلنا كويس وبضمير وفي آخر اليوم نتكلم على خفيف في الحواديت دي , احنا بالمنظر ده هيجيلنا أوفر دوز رؤساء الرحمة بنفسنا شوية أكل عيشنا اهم من اي حاجة وبأكد تاني ان المتابعة بتاعتنا هية اللي هتكشفلنا اي تجاوز هيصدر من مرسي لكن مش معنى كدة اننا نموت في الخط والجماعة اللي فقدوا شغلهم بعد بداية الثورة أرجوهم يبدأوا بشكل جدي في البحث مرة تانية محدش هينفع حد ده غير انهم يدوروا فين المكتب المتخصص في قبول الشكاوى أو الطلبات ويروح بقى يشوف الرئيس الجديد ممكن يعمل له ايه ده واجبه تجاه الكل , وكلمة للكل .. احنا شفنا سنين سودة كفاية كدة ونشتغل لكن خلينا واعيين لحقوقنا حبتين عشان ما ناكلش على قفانا تاني .. شكرا