تفاصيل أخطر محادثة كشفت الشبكة الدولية لتجارة الأعضاء البشرية

حصل موقع "صدى البلد" الإخباري على النص الكامل لاخطر محادثات هاتفية فى القضايا التى وقعت آخر عام 2016، والمعروفة إعلامياَ ب« الشبكة الدولية لتجارة الأعضاء البشرية».
المحادثة الأولى التي تمت بين المتهم و. ق والمتهم ه. ح يوم 7/11/2016 عن دور المتهم الأخير واشتراكه في تجهيز المريض المزمع اجراء عملية زرع الكلى له بالمخالفة للقانون وعبر عن ذلك قائلا ( الراجل خلص غسيل هو راجل غريب قاللي مش عاوز تركبولي حاجه فى رقبتي وكلها ساعه ويطلع تطابق الانسجه في م ا هكلمهم وأنا خليت الراجل هايصوم على الساعه ثلاثه".
فأجابه المتهم الأول ( هو مريض نفسي أنا بحاول أهديه وافهمه أن دي عملية ممكن يحصل فيها مضاعفات بس الموضوع سهل نسبة كبيرة بتعدي من غير مشاكل ومفهم أخوه كده وليد).
وبالفعل ثبت قيام ذلك المريض باجراء تحاليل تفاعل المناعه للانسجه (كروس ماتش) مع متبرع مصري بمعمل تحاليل م ا فرع المهندسين.
كما ثبت اشتراك المتهم م. ص في تلك العملية بإقرار المتهم و. ق. في المحادثة سالفة البيان ( محمد .ح هيشتغل. النهارده )واشتراك المتهم أ. ر في تلك العملية بصفته طبيب تخدير.
كما ثبت دور المتهم م. ال في تجهيز الدم اللازم للعملية من خلال محادثته مع و.ق والتي تم استعراض الترتيبات الخاصة بالعملية التي ستجري ذات اليوم قائلا ( بلغ م. ال عاوزين نشتغل الساعه 10) فرد المتهم ه. ح قائلا ( إنا اديت م.ال 4000 جنيه بتوع الدم النهارده وهو راح سحب العينه عشان يحجز دم ويفلتره ويجهزه لحد ما الكروس ماتش يطلع).
كما ثبت دور المتهم و.ق في توزيع أجور عملية نقل الكلي التي يشرف عليها والتي ظهرت في مكالمته مع ه.ح وعبر قائلا:( اضطريت اروح افك وديعه كامله النهارده عشان انهارده افك فلوس العمليه وباقي الدكاتره ياخدوا فلوسهم بالدولار وانت ليك فلوس عشان خاطر الحاله اللي انت صرفت دم قلبك عليها ).
كما ثبت دور المتهمين و.ق و ه.ح ووساطتهما في جلب المرضي الأجانب لزراعة الكلي واضطلاعهما في الاتفاق المالي المتعلق بشراء الكلي وزراعتها للمريض والسلوك المتبع في العمليات واتضح ذلك من خلال عبارة شقيق المريض:( أنا ها الحين يجيني هاني ياخد اخويا واسلمه الفلوس وشفتوا حاجة المتبرع متطابقة ولا لا ) فرد عليه المتهم الأول :( طبعا متطابقة دي حاجه مفيهاش فصال وتتعهد الورق ده اللي بيحمينا وانا هطمنك أول ما يدخل اخوك وقبل ما نقفل الجرح أنا بنفسي هبعتلك فيديو ليه واسمعك صوته على الواتس آب السعودي بتاعك وبعد الافاقه تتواصل معاه بعد 5 ساعات من العمليه).
ثبت علم المتهم و. ق. بعدم مشروعية تلك العمليات في تلك المحادثة حيث حذر من التوجه لأي نقابة أطباء في القاهرة مستخدما عبارة (الشغل بتاعنا ده مينفعش نقابة الأطباء).
كما ثبت أن الطبيب بالسفارة السعودية الهارب س.م هو من كان يخلص تلك الاوراق لتلك الحالات مستخدما عبارة :( أنا قايلكم سمير هيخلص الأمور متعاون معانا وبيخلص امورنا روح لسمير وتوكل على الله ).
وثبت في المكالمه الاخيرة بين و.ق. و س.م ان الاوراق تم اعتمادها حيث قرر الاخير في مكالمة: ( كله تمام الراجل جه النهارده وعملنا كل حاجه) فرد عليه الاول :(قاللي محدش هيخلص ورقي قلتله روح للدكتور س وهيخلص كل حاجه".