محمد صلاح: يا مساء الخير..هي مهنة الطب بقت الحيطة المايلة ولا هي ميلت بختها بنفسها كان الدكتور بنقول عليه زمان الحكيم وكان الشعرا بينادوه فينك ياطبيب كانت مهنة الصفوة واصحاب الاحلام العريضة وطالب الطب هو اللي متفوق دايما في دراسته ابتدائي واعدادي وثانوي وكان بيجري وراه خمس عيون عيادة وعربية وعروسة وعمارة وعزبة دلوقت بقى بيحلم بالستر ماهو الوضع الطبي غريب عجيب مناقشات حواليه كان المهنة دي جديدة وكلام ان العد بقى كبير والكليات كترت دا بقى غير مستوى الاطباء والفوط اللي بتتنسي في بطون الناس والعيادات اللي بيتعمل فيها عمليات نقل اعضاء وهي اصلا ما تصلحش تكون محلات جزارة كل يوم الطب والاطباء استجوابات في البرلمان وتحقيقات في النيابة استحوذت قرارات العلاج اخيرا على نفقة الدولة على اهتمام الناس فالفاتورة عليت كل الناس عايزة تتعالج وطبيعي بقى العيانين يزيدوا مع التلوث وري زراعات الصرف الصحي والبحيرات اللي بتسيب عليها الصرف غير المعالج في كل حتة وعالجي يادولة شفنا جدل حول مشروع التامين الصحي واللي لازم الناس تاخد الخدمة الطبية على احسن ما يكون دا المفروض طبعا لكن التطبيق ربنا يسترمايكونش حاجة تانية كمان جدل حوالين قانون زرع ونقل الاعضاء اللي اتوافق عليه بعد سنتين من الجدل والخناق والمعارك فيه منه مخاوف ..اه..في محلها ..اه منه سوء استخدام المجتمع كتير بيفكروا بعقلية اكسب واجري حتى لو كان في مهنة الطب عن الطب واحوال الطب هيكون لينا النهاردة مع الدكتورحمدي السيد نقيب الاطباء كلام مسئول فاصل محمد صلاح: عشنا فترة بنتكلم عن أطباءنا وجراحينا العظام اللي بيعملوا احسن عمليات في الدنيا كان الاهمال وقتها بيتوجه للتمريض، للادارة، للتجهيزات..عموما لسه الامل موجود لكن السيل جارف والمسئولية كبيرة على الحائط الاخير من الامل في انقاذ صحة المصريين الاطباء ليهم مواجهاتهم وفيه معارك ضدهم ومعارك معاهم نقيب الاطباء الدكتور حمدي السيد هيكون لينا معاه كلام مسئول ومن كلام الدكتور حمدي السيد " الثقافة السائدة في مصرالان هي ان كل مواطن حرامي ومرتشي الى ان يثبت العكس وهذه مصيبة على المجتمع ".."المبالغ المستحقة للعلاج على نفقة الدولة قفزت قفزة كبيرة حتى اول فبراير" وقال دكتور حمدي السيد "قانون زراعة ونقل الاعضاء يعيد الامل للعديد من المرضى وعمليات النقل والزرع لن تكون بمثابة شراء لاعضاء بين غير الاقارب وفي ظل القانون الجديد هناك عقوبات رادعة تصل الى حبس مشدد ".."لابد من زيادة وجود اطباء حتى يستطيع تنمية نفسه مهاريا وبالتالي تطوير الخدمات الصحية المقدمة للمواطنين وقال الدكتور حمدي السيد "..ولا الصحة ولا التعليم على اولويات الحكومة والحكومة هي السبب فيما وصل اليه حال الاطباء لما التعليم والصحة مش على الاولويات امال ايه بقى اللي ممكن يبقى على الاولويات ..الطب مهنة عظيمة جدا الثقة فيه لابد تكون كبيرة اذا كنا بنساند الطبيب عشان يرفع اجره عشان ما يرجعش يقول جعلوني طبيبا احنا كمان لينا ملاحظات كتيرة قوي على الاداء على المستوى على الاسعار على الاخطاء اذا كانت صحتنا متدهورة فالاطباء مسئولين عنها ..دكتور حمدي السيد نقيب الاطباء هيكون لينا معاه كلام مسئول فاصل محمد صلاح: ارحب بنقيب الاطباء الدكتور حمدي السيد منورنا يا دكتور.. دكتور حمدي لسه بنعيش ازمة اطلق عليها ازمة قانون العلاج على نفقة الدولة او اتهامات لبعض المسئولين وبعض الناس والنواب مين اللي انزعج اكتر الحكومة ولا الشعب في القصة دي ؟ د/حمدي السيد- نقيب الاطباء:لاما هو يستحسن ان احنا نفهم تسلسل الامور ازاي ..الامور بدات انه تقدم الينا في لجنة الصحة ومجلس الشعب عدد من طلبيت الاحاطة من النواب موجهة للسيد وزير الصحة وللسيد وزير المالية انه المواطنين بياخدوا طلبات العلاج على نفقة الدولة ويروحوا المستشفى ..المستشفى ترفض القرار تقولهم الدولة مدينة لنا وعليها فلوس كتير وما بتدفعش واحنا ما نقبلش الورق محمد صلاح:دي مستشفيات خاصة ؟ د/حمدي السيد : لا بالعكس محمد صلاح:ماهي المستشفيات الحكومية المفروض انها تعالج الناس مجانا ؟ د/حمدي السيد :المستشفيات اللي بدات بهذا كانت مستشفيات الجمعية خصوصا مستشفيات الجمعية الاستثمارية الراقية شوية زي القصر العيني الجديد وزي عين شمس التخصصي اللي فيها الخدمة بفلوس والخدمة فيها عالية شوية بس الحاجة المزعجة انه ايضا مستشفيات وزارة الصحة الدولة عليها فلوس لها ومش عاوز والمستشفيات تقريبا توقفت عن العمل لانه لما اكون انا مستشفى والدولة مدينة لي ب50 مليون جنيه وانا مستشفى حكومة مش مستشفى استثمارية هجيب فلوس من هنا لا دا يمكن تكون هي كل الفلوس اللي حيلتي هاشتري بيها ادوية وهشتري بيها مستلزمات توقفت .. القصر العيني 55 مليون المنيل الجامعي اللي هي الناحية التانية اللي هي اصلا القصر العيني القديم 50 مليون عين شمس التخصصي حوالي 55 مليون ديون على وزارة الصحة مش بس كده وزارة الصحة نفسها من جواها مستشفياتها زي مثلا هيئة المستشفيات التعليمة هما 11 مستشفى 85 مليون ايضا معهد ناصر ايضا ملايين فاحنا فتحنا الموضوع عشان نمرة واحد نبلغ وزارة المالية ان هذا الامر لا ينمكن السكوت عليه وخصوصا ان احنا في الموازنة عملنا معركة كبيرة مع المالية وكانوا مطلعين للعلاج على نفقة الدولة مليار وواحد من عشرة والصحة كانت بتقول انا عليا 900 مليون يعني عاوزة المليار وواحد من عشرة دول فوقيهم 900 مليون اتفقنا مع المالية بعد المداولة انها تدي 1.4 وانها متعهدةبدفع الديون اللي عليها فكانت مناسبة ان احنا نذكر المالية لما المشكلة اتقلبت ان المشكلة مش كده .. دا المشكلة ان اعضاء مجلس الشعب والصحفيين وغيرهم وبعض الاعضاء وصل حجم استخداماتهم 30 مليون او 40 مليون محمد صلاح:يعني بياخدوا قرارات علاج تساوي 30 مليون ؟ د/حمدي السيد :على نفقة الدولة.. وفيه مشكلة تانية ان الطب كل مدى بيتقدم وبيخش فيه تقنيات جديدة التقنيات دي غالية جدا ومكلفة جدا واصبح الامراض اللي زمان مكانتش بتعالج بتتعالج واصبحت بتتكلف مصاريف جديدة دا فيه عندنا حقنة لعلاج السرطان ب15 الف جنيه تاخد مرة كل اسبوع ولا مرة كل اسبوعين ولا مرة كل شهر ..جهاز بيعمل اسشعة الاختبار لوحده ب5 الاف جنيه ب10 الاف جنيه ب15 الف جنيه ماعادش فيه علاج مجاني زمان مستشفيات الحكومة أي واحد ببيدخل كان بخمسين قرش وبعدين جنيه ويدولك الدوا مع التذكرة وبعدين فضلت الامور تتصاعد وتتصاعد دلوقت مابقاش فيه علاج مجاني والفلوس اللي كانت بتخصص للعلاج المجاني اتاكلت الموازنة بتاعة المستشفيات ماعاد فيها فلوس فاعتمدوا على انه انتوا هتقدموا خدمات على حساب الحكومة وتاخدوا من الحكومة فلوس تانية من بند تاني يغطي التكلفة دي فأي مستشفى ما تزعهلوش ياناس لانه هيجيلكم فلوس من المالية عن طريق الخدمات اللي انتوا بتقدموها بدل ما كنتوا بتقدموا خدمات مجانا مدفوعة الاجر والدولة دافعاها ومدياكم فلوس عشانها دلوقت هتقدموا خدمات مدفوعة الاجر من حساب العلاج على نفقة الدولة فدي بقى مشكلة نمرة واحد زادت العملية لانه مابقاش فيه علاج على نفقة الدولة مفيش فيه علاج مجاني زي زمان حت العمليات الصغيرة بواسير لوز معرفش ايه على نفقة الدولة اشعة على نفقة الدولة ادوية بقى تتصرف عندنا مرضى مزمنين المريض بتاع السكر دا محتاج قزازة انسولين ولا قزازتين انسولين ، قزازة الانسولين حوالي 31 جنيه محتاج ازازتين تلاتة الراجل بتاع المعاش دا اللي معاشه 200 جنيه ولا 300 جنيه ولا 500 جنيه عنده سكر وعنده ضغط وعنده يمكن بروستاتا حدوتة كده ادية بتاعة 300 او 400جنيه يعمل ايه يطلع قرار عشان ياخد ادوية يروح المستشفيات باخد علاج يصرفوا له الدوا ولما يخلص القرار يطلب التجديد علشان يصرف نسبة كبيرة عندنا بتبلغ حوالي مليار جنيه صرف ادوية وبعدين عندنا برضه حاجات مزمنة تانية عندنا الغسيل الكلوي 30 الف مريض بيتعملهم غسيل كلوي 3 مرات في الاسبوع المريض الواحد بيتكلف من 18 ل20 الف جنيه سنويا .. الجماعة بتوع السرطان الجماعة بتوع عمليات القلب المفتوح بيعمل قسطرة وبيعمل عملية قلب مفتوح بتتكلف ..بياخد جواب يروح بيه المستشفى يعملوا له القسطرة ويحاسبوا العلاج على نفقة الدولة الامور زمان كنت ماشية المسفى كل ما تلمها 3 مليون جنيه تعت العلاج على نفقة الدولة بيجي مبلغ يوزعوه انا ليا 10 مليون اطله ب6 مليون 7 مليون على امل ان انا هحقق الباقي في دفعة تانية وانا بالفلوس دي انا هجيب بيها ادوية وهجيب بيها مستلزمات هدفع بيها حوافز مفيش فلوس للحوافز كتير من الاحيان المالية ما بتطلعش فلوس للحوافز فاصبح العلاج على نفقة الدولة بيلعب دور هام جدا جدا في تقديم الخدمة الصحية لغير القادرين ودخل فيهم دلوقت القادرين ايضا محمد صلاح:ايوه قولي بقى القادرين دول . د/حمدي السيد :يعنى انا زمان انا كنت راجل مبسوط شوية عندي دخل 3 او 4 او 5 الاف جنيه في الشهر اقدر اصرف منهم 500 او 600 جنيه دوا وييجي واتحد يقولك طب ليه بتصرف هات طلعلك قرار..الحالة التانية مشكلة كبيرة جدا انا رجل مبسوط ومستريح جدا لاقدر الله ابني سايق عربيته الجديدة الحلوة الظريفة وراح عامكل حادثة الولد اتكسرت دماغه واغمى عليه واتكسر له ضلوع ويمكن اتكسر عضم الحوض دخل المستشفى اقرب مستشفى له كانت مستشفى "س" اللي هي مثلا عين شمس التخصصي واهله داخلين 5 الاف جنيه سهلة يابوي هات يابا ويخش ..يخش من هنا ودخل المصيدة يلاقي الواد دا محتاج يتحط على جهاز تنفس صناعي يتحط على اوضة عناية مركزة بيتعمله غسيل كلى بيتعمل له يلاقي نفسه في اسبوع واحد الفاتورة قفزت ل30 الف جنيه انا اللي كنت مبسوط اتمسحت فيه ناس بتبيع الي وراها واللي قدامها يجري على الدولة الحقيني ساعديني .. من حقه.. محمد صلاح:مين في الدولة اللي بيدي الحكاية دي وزارة الصحة ؟ د/حمدي السيد : هيتنقل لمدينة نصر ساحة كبيرة عشان الناس تيجي محمد صلاح: قولي ايه حكاية اعضاء مجلس الشعب ؟ د/حمدي السيد :عضو مجلس الشعب يجي كل اسبوعين عشان يحضر جلسات مجلس الشعب ..وزير الصحة عشان يكرم الاعضاء عملهم اوض يقعدوا فيها حد ياخد منهم الورق يخلصوا ويرجعوا لهم تاني فاختلف الاعضاء ما بين واحد وواحد عضو نشيط جدا يلف على البلد على البيوت اللي فيكم عيان الي فيكم عنده مرض هاتولي الورق ييجي من الصعيد ييجي من بحري ييجي من أي حتة شنطة فيها 300 او 400 او 500 او 600 طلب يسلمهم ويستلمهم اخر النهار في نفس اليوم فيها القرارات قالك فيه ناس وصلوا كذا مليون اه اعتقد انه فيه ناس عندهم نشاط شديد .زليه عندهم نشاط شديد عضو مجلس الشعب النهاردة بالنسبة لدايرته كان زمان يقدر يخدم الدايرة يردم لها مصرف يجيب لها قرشين عشان يعمل مش عارف ايه ينشئ لها وحدة صحية يعمل يوظف لها شوية عيال ..ماعادش فيه وظايف ولا بتاع خلاص ، فالحاجة الوحيدة اللي فاضلة لاعضاء مجلس الشعب العلاج على نفقة الدولة ودا شئء قريب للناس جدا اولا بيفوت على الناس بيسال عليهم وهات الجواب وانا اجيب لك قرار وانا كنت باشوف مرضى من مستويات مختلفة جدا بيقولك انا باخد انسولين تقوله من ابو كامن يقولك من ابو 31 كانوا زمان بيدوهم انسولين من ابو 7 جنيه بتجيبوه منين ..؟ على نفقة الدولة محمد صلاح: لحد دلوقت دا كويس هل فيه انحراف في الموضوع ؟ د/حمدي السيد :أي حاجة من غير رقابة ....انا النهاردة اكتشفت واحد بيقولي دا انا لقيت لك ورق موقع عليه باسمك مرمي فجبت الورق لقيته 3 او 4 ورقات لمرضى من الشرقية طبعا ماليش علاقة بيهم بيتعالجوا بالانترفيرون الغالي دا ومكتوب عليهم فوق دكتور حمدي السيد رقم 13 لانه أي واحد مزنوق في الدنيا في حاجة يروح ساحب نمرة التليفون بتاعي ويروح يكلمني وانا بعتبر نفسي مسئول اخلاقي ومسئول ادبي فطول النارانا مش لاقي اتعالج هات يابني الورق الموظفين اللي برة يتفقوا مع الناس هات لي ورق واضربلك الامضا انما نسيب القضية دي ونقول الوزير قال نحط حد اقصى انت تحط حد اقصى لمين للنائب والمريض طب النايب دا اللي انت بتحط له حد اقصى العيانين اللي عنده في نطقته لان بلده فقيرة يزيد عن ذلك يهمل فيهم ايه .. انا اقترحت نظام من 14 مادة فحواها انا ما اخلبيش المواطن دا يحصل على حقه عن طريق الوسيط مهما كان هذا الوسيط دا عضو مجلس شعب اللي بيديله الحق هي المستشفى ومدير المستشفى له الحق في اه يطلع له قرار فوري وبدون ما يسافر ولا يروح نكمرة اتنين القرارات دي تطلع محلية ما تطلعش مركزية تكدس الناس عنا في مصر نمرة تلاتة يعود العلاج المجانب لكل الحاجات الصغيرة البسيطة نمرة اربعة يقتصر العلاج على نفقة الدولة على الحاجات الكبيرة عيان عنده سرطان عيان عنده فشل كلوي عيان عنده قلب عيان عنده جراحة كبرى الحاجة المهمة اللي احنا اقترحناها علاج الحوادث الراجل بتاع الطوارئ دا لما يجيله نوبة قلب الساعة 3 بالليل يروح مستشفى الحكومة معندهاش سرير تقوله روح دور على مستشفى يدور على مستشفى يقولوله ادفع 5 الاف جنيه عشان ادخلك تقوله في عرضك في طولك هجيبلك قرار يقولك ماليش دعوة ..لازم يبقى عندك قرار لعلاج الطوارئ والحوادث بحيث انه المريض يدخل المستشفى والمستشفى هي اللي تطلع له القرار وينك ذلك بدون ما نبهدل المريض الناس دول ممكن يقعد يلف عشان علاج مجاني ما يلاقيش وممكن تضيع عليه فرصة شفاء وتضيع عليه فرصة تحسن لحالته هذا الكلام غير مقبول ..الكلام دا قلناه لوزير الصحة .. تلاتة الرقابة انتوا بتقولوا المستشفيات بتبالغ في العلاج اقعد مع المستشفيات اعمل اتفاق معاه انا بعالج المرض الفلاني بالشئ الفلاني ومفيش حاجة اسمها فلوس المريض دا عايز العملية الفلانية اعملها له وانا اتحاسب معاك في اطار معين اتفق فيه معاك محمد صلاح: خليك معايا يادكتور لسه الكلام مخلصش. فاصل محمد صلاح: اتكلم الدكتور حمدي السيد عن موضوع اثار اهتمام الاعلام وهو العلاج على نفقة الدولة لكن نرجع نقول موضوع العلاج ما احنا عندنا مشكلة برضع في العلاج طالما على نفقة الدولة على نفقة المواطن على مستوى العلاج وعلى مستوى المستشفيات ومستوى الاطباء ..عندنا تقرير كده دكتور حمدي بعض المرضى في المستشفيات نشوفه وحضرتك تعلق عليه ..نشوف الناس المرضى اخبارهم ايه فاصل مواطن1 : العيادات الخاصة والدكاترة في العيادات الخاصة الفيزيتة بتاعتهم عاملة ازاي وكان فيه موقف كان ليا قريب عنده ورم والدكتور قاله انا هاخد منك 50 الف جنيه ودول تدفعهم كاش ومش انا اللي هعملك العكلية العملية هعملهالك الساعة 8 الصبح هعملها لك مش انا اللي هكمل العملية وعلى ما ارجع الاقيك موجود عايش ولا مش موجود مواطن2: المستشفيات دي بصراحة اخر اهمال العيان قبل ما ينقذوه هيكون اتوفى عقبال ما ينقذوه هيكون اتوفى ايه اخرتها والناس هتعمل ايه مواطن3: دخلت جوه في المستشفى عشان اخويا جاتله جلطة مش مهتمين بينا وجيت بعد ساعة بسال قالولي تعالى بعد ساعة تاني مواطن4: التروللات على الارض وعندنا الدكاترة يقعدوا يشربوا الشاي ويقعدوا يقولوا اصبر اصبر لما الحالة تموت في ايدينا محدش بيدور على حاجة وال حد بيقول انتوا فين تيجي الحواد والناس مرمية بالساعة والاتنين تيجي تدور على دكتور يقولك فوق في ادور الخامس في الدور الرابع في الدور التالت تروح عند دكتور امتياز يديك حاجة غلط ماهو عارف يبقى عندك سكر يقولك دا ضغط ويلففونا الكرة الارضية .. فاصل محمد صلاح: سمعت الكلام يادكتور حمدي رد لنا بقى على الناس دي . د/حمدي السيد : احنا سمعنا الكلام دا وسمعنا كلام اكثر منه بكثير .. يجب ان نعترف بهذا احنا نعترف بان مصر بتنفق حوالي 36 مليار جنيه على المواطنين في مصر ودا انفاق غير كافي والدولة بتنفق من جيبها حوالي 15 مليار وفيه 21 مليار او 22 مليار المواطنين بينفقوا من جيوبهم ودا نسبة سيئة جدا وفيها ظلم كبير جدا على المواطن.. الانفاق على الصحة لا يتجاوز 3.8 من حجم موازنة الدولة واحنا نصف اقل بلد بتنفق على الصحة ..لو ناخد أي بلد تعبانة من البلاد اللي حوالينا دي مفيش دولة بتنفق الا ما بين 7 و9% واحنا كل سنة بنثير ضجة رهيبة جدا في المجلس عشان وزارة الصحة تاخد حقها من الانفاق السنوي بننجح في زيادة المبالغ بس مبالغ خفيفة وان زي ما قلت لحضرتك ان الانفاق على الصحة بيزيد خصوصا في بيلد المعوقات الصحية فيها كثيرة واهم حاجة مثلا البيئة المصرية سيئة للغاية ما بين تلوث هوا ما بن تلوث مية ما بين تلوث تربة ما بين تلوث اكل ما بين تلوث زراعة 75 مليون طن قمامة سنويا الدولة لا تتعامل الا مع نسبة قليلة جدا والباقي متكوم في الشوارع الزبالة دي عار قومي انه يظل يستمر .. لو ناخد مثلا حوادث السيارات مصر منن اعلى حوادث السيارات في المنطقة اللي حواليها عندنا حوالي 8 الاف قتيل سنويا و30 معوق مصاب ولا الحروب اكتر مما فقدنا في حرب 73 كل دا بنفقد من فوضى المرور اللي انت شايفها من زحام العربيات اللي انت شايفها غيرنا قانون المرور وزودنا العقوبات والامور لم تتحسن كثيرا والاسوا من ذلك الانفاق على البشر تعال شوف مرتب الطبيب ايه ومرتب الممرضة ايه لما الممرضة تسهر بالليل 24 ساعة عشان تاخد 1.5 لما حضرتك تجيب شغالة تسهر طول الليل في مقابل جنيه ونص وتيجي دي صاحية دي نايمة دي مش واقفة طبعا محمد صلاح: قصدك على قد الجنيه ونص؟ د/حمدي السيد : مش حكاية على قد ..احنا بنتكلم عن الوضع الانساني تجري تروح مستشفى تانية يعني جايالك الصبح وهي سهرانة طول الليل هتصحصح مبلمة ومش فايقة ادي ابسط الامور .... الحاجة الاخيرة انه ماعادش فيه حاجة في الدنيا اسمها خدمة صحية بدون مقابل انما من اجل ان العالم كله توصل الى حكاية كده زي مقابل من غير ما يرهق الناس اكتشف واخترع نظام التامين الصحي ..التامين الصحي انه حضرتك تشارك بنسبة محدودة من دخلك وتامن الساعة 2 الصبح اذا احتجت خدمة هيجيلك اسعاف هيجيلك ناس محترمين هياخدوك مستشفى محترمة هتاخد علاج محترم ومتا تدفعش حاجة ودا اللي احنا منتظرينه ودا اللي وعد بيه رئيس الجمهورية في برنامجه الانتخابي وهو مشروع قانون صحي جيد مش زي القانون الحالي اللي الناس بتشتكي منه ..مبني على الخدمة الجيدة محمد صلاح: نرجع يا دكتور حمدي لمستوى الخدمة اللي بتتقدم سواء ابنية او تجهيزات الاطباء والتمريض المستوى دا هيستمر ؟ د/حمدي السيد : فيه جهود بتبذل..الدولة خصصت 2 مليار جنيه من الفلوس اللي باعت بيها اراضي الدولة فيه مناطق ارتفعت لمستوى 2500 وحدة صحية معمولة بشكل راقي معمول فيها مكان لخدمة المرضى تجهيزات راقية وفيه مكان اقامة للمرضة هو دا الطبيعي اذن انا بوفر المناخ الانساني محمد صلاح:ايوه بدي للحد الادنى من العلاج العمليات البسيطة قوي . د/حمدي السيد : احنا هنعمل وحدات طب اسرة ان كل وحدة من دول هتبقى ملتزمة ب500 اسرة ترعاهم من الطفولة لغاية الشيوخ وفي نفس الوقت بتعالج ما تستطيع وبتحيل اللي المطلوب يشوفعه اخصائي الى المستويات الاعلى بحيث ان الخدمة بتعتمد اول حاجة على الجودة والجودة دي منظومة متكاملة يعني زي نما انا بعمل سلعة جيدة وبقول جودة الصناعة انا بعمل ايضا جودة الخدمة الطبية اللي بتبدا من مبنى جيد تجهيز جيد وبعدين ناس على مستوى جيد من التدريب ومن الاعداد ، مفيش واحد تجيبه وتشغله 18 ساعة في اليوم وتديله ملاليم ما يلاقيش ياكل دا النظام الجديد للتامين الصحي اللي احنا منتظرينه بفارغ الصبر انما في جميع الاحوال لابد ان تنتهي من القانون قبل سنة 2011 لانه هكذا وعد الرئيس في برنامجه انه قبل 2011 اللي هي نهاية هذه الدورة لابد ان يكزن مشروع التامين الصحي الجيد يكون قد تم انجازه محمد صلاح:مكلمتنيش عن مستوى الاطباء ..كلمتني عن انه الدكتور هياخد كذا والخدمة ازاي وهو غلبان ونايم طول الليل وصاحي طول النهار والست اللي بتشتغل في كذا مستشفى بس اخطاء الاطباء بتحصل حتى في المستشفيات الاستثمارية اللي بيتسلخ فيها المواطن انت مقتنع بسمعة الطب في مصر يا دكتور حمدي ؟ د/حمدي السيد :ما نلخبطش الامور في بعض انما انا اقول الاتي الطبيب لازم يظل يتعلم ويتدرب مدى حياته بمعنى انه بيخلص تعليم 7 سنين دا المرحلة الاولى ثم تاتي مرحلة انه يتدرب ما بين 5 ل7 سنوات عشان يحصل على التخصص مفيش طبيب يترك بدون تخصص لانه العلم الطبي تضخم وتشعب لدرجة انه ما اصبحش في الامكان انه أي طبيب يقدر يلملم طبيب الكشكول دا خلص اللي بيكتب على اليافطة بتاعته طبيب وجراح مولد واطفال وامراض نسا ..بعد ما يخلص شهادته وياخد الزمالة بتاعته يبدا يتقدم لمرحلة جددة احنا بنعد لها مشروع قانون الان كل 5 سنينم يتقدم امام لجنة ويثبت انه ظل يتعلم ويتدرب ويحصل على ساعات منى التدريب على الاقل الخمس سنين دول 50 ساعة كل سنة والطبيب الي ما يحصلش على ذلك يوقف عن ممارسة تخصصه فيظل يتدرب مدى حياته دا احنا اللي طالبينه واحنا اللي عاملينه كل دا عشان نحسن اداء الطبيب ونقلل اخطاء الطبيب ونخليه يقدر يداوم ويمارس ممارسة جيدة ونقدر نستفيد من كل ممارسات العلم كل دا لابد له شئ احنا النهاردة واقفين على مشكلة الطبيب اللي بياخد ملاليم دا هقوله تعالى احضر مؤتمر في اسوان وتدفع 250 جنيه .. من اجل ذلك يمنح الطبيب بدل يسمة بدل تنمية مهنية عليه ان يخصص هذا الحكومة ما رضيتش بكادر لان الحكومة دي ما رضيتش بس الحكومة مش هتفضل مفلسة طول عمرها الحكومة المفروض انها تحسن ادارة مواردنا وحياتنا مصر دي من اغنى بلاد الدنيا كل اللي بيجوا بيراجعوا مقدراتها وبيراجعوا امكانياتها سواء الجو الارض البشر من اذكى اذكياء البشر يجب ان البلد دي تنطلق وتبقى من اغنى اغنياء الدنيا لازمة يبقى عندنا هذه الثقة نحن سنكون من اغنى اغنياء الدنيا محمد صلاح: امتى هنرتب احوال الدكاترة ؟ د/حمدي السيد :وزير المالية تحرك اخيرا وبدا يوفر مبالغ املنا كبير في ذلك وانا اعتقد ان وزير المالية فاهم مشكلتنا وزير الصحة متعاطف معانا جدا واكتر واحد فاهم قضيتنا هو رئيس الوزراء الحالي فاهم محمد صلاح:معايا تقريرفيه الدكاترة بيتكلموا ايه رايك يادكتور ؟ د/حمدي السيد : اتفضل محمد صلاح: نشوف الدكاترة والاطباء بيقولوا ايه ؟ فاصل طبيب1: راقصين على السلم لما عملوا كادر الاطباء فيه ناس اللي هما في الجامعة واللي هما تابعين للتامين الصحي والناس اللي تابعين للبحث العلمي الناس دي مخدتش حقوقها فيه ناس بتنتدب من وزارة الصحة للجامعة او للبحث العلمي بياخد يدوبك الراتب الاساسي بيبقى حاجة لا تذكر 300 جنيه والمكان اللي انت بتنتدب ليه وطبعا ما بتاخدهوش بييقولك على طول مفيش ميزانية طبعا نواب الجامعة اللي هما يعتبروا صفوة الدفعة واكتر نتاس متفوقين دول احسن حاجة بالرغم من كدهة ما بيفرقوش كتير عن وزارة الصحة بل بالعكس احيانا فيه اماكن في وزارة الصحة مرتباتها بتبقى اعلى مع الوضع في الاعتبار ان النمرتبات العالية دجي ما تكفيش اقل حدود الحياة الكريمة طبيب 2: بالنسبة للمشكلة المثارة حاليا اللي هي مشكلة الطب الطبيعي او اخصائيين العلاج الطبيعي دي بقت مشكلة مؤرقة والمشكلة ان الناس العاديين مش فاهم ان اللي قادمه دا هل هو فعلا حد مؤهل لخدمة طبية انه يحدد له جلسات العلاج الطبيعي المناسبة طب والتخصص دا موجود في الطب ليه من اساسه وفي وزارة الصحة وفيه اطباء وفيه شهادات وفيه درجات علمية فاصل محمد صلاح: كتيرالاعلام بيقسوعلى الاطباء بيتكلموا عن الفوط اللي بتتنسي والمشارط والاخطاء والاسعار بس الناس اللي اتكلمت عايزين الواحد يتعاطف معاهم دا وضعهم صعب قوي يا دكتورمستشفيات الحكومة والمستشفيات الجامعية هتتحل؟ د/حمدي السيد :هتتحسن بس بعد مشوار طويل . محمد صلاح:انت كنت ضد انشاء كليات طب في الجامعات الخاصة دا نتيجة ان العدد فعلا بقى زايد ولا لانه الجامعات الخاصة لن توفر دراسة وعلم وتدريب جيد د/حمدي السيد : هو الحقيقة احنا بدانا بالهوجة بتاعة الدكتور الجنزوري بتاعة لما انشأ مرة واحدة 3 جامعة خاصة لان كان فيه الدكتوربهاء الدين عمل الجامعات الخاصة لانه بيعتبر ان الجامعات عاوزة امكانيات معينة وهو كمان كان رافض ان الجامعات دي تعمل كليات طب لان مفيش كلية طب كويسة من غيرمستشفى لان الطالب دا بيتعلم علوم اساسية ومشرحة ومعامل عشان يطبق دا على مرضى في المستشفى ..الجامعتين اللي خبوا يعملوا كليات طب فكروا كده بفهلوة ان انا عندي شوية معامل وواحد فيهم كان عاوز ياخد شوية سراير في مستشفى مصر للطيران والتاني في مستشفى المقاولين العرب شوية سراير نعلم فيها وكده كده نخرج الولاد انا اضطريت اترافع في المحاكم واترافع في مجلس الدولة وكنت ضد الموضوع دا وارغمناهم على انهم ينشئوا المستشفيات ..لا زالت مستشفياتهم متواضعة انما احنا بنقول لاننا ان احنا نجحنا ان احنا نعمل حالة رعب او رادع لكل الكليات الاخرى مفيش مستشفى اخرى فكرت انها تعمل تاني .. الكليتين دول فلتوا في عهد تسيب معين فلتوا انما احنا جرجرناهم على المحاكم وعملنا فيهم عمايل كبيرة جدا وارغمناهم انهم يدربوا الولاد في جامع القاهر وجامعة عين شمس قبل ما نسمح هلم في التسجيل في النقابة انا قعدت مانعهم من تسجيل انقابة سنتين لغاية ما ارغمناهم وبعد طده الحكومة كانت عايزة ترميهم في الشارع وارغمنا الحكومة على تعينهم لان احنما بنعتبر ان مرحلة التكليف دي مرحلة لاستكمال التدريب لازم الحكومة توفر اماكن للتدريب عشان كده بنقول للحكومة وللجامعة الدكتور هاني هلال ما دخلش طالب مكان في الطب الا لما وفر له مكان برة لما يتخرج طبيب بلا تدريب بعد التخرج لا يساوي شئ وعبء على الصحة وليست اضافة الطبيب اللي نص لبّة دات اللي ما استاواش يعمل مشاكل ويعمل كوارث .. محمد صلاح:حكاية تقليل عدد الطلبة واستمرارالتكليف ومن الموضوعات اللي ناضلت فيها 15 او 20 سنة موضوع قانون نقل وزراعة الاعضاء اقر القانون بس برضه يا سيادة النقيب الناس قلقانة تطمن الناس ازاي ان الوضع كان مهترئ جدا وان مصر كانت تنتقد من منظمات دولية والان بعد القانون يفترض انه الاوضاع مستقرة وفي نفس الوقت ما يتمش المتاجرة باعضاء الناس د/حمدي السيد : هو قبل دا الحقيقة فيه قضية مهمة وبيسمعني كل من ابتلي بحالة من هذا النوع في بلدنا هنا عندنا حوالي 10 الاف مريض زرعت الكلى لهم وعمدنا حوالي 1500 مريض زرت كبد لهم ..اهالي الناس دول يقولونا قد ايه حياتهم اتغيرت واد ايه حياتهم اتنقلت من ناس محكوم عليهم بالموت وبالعدم الى ناس منتجين قادرين ساعين على رزقهم مساهمين في التقدم هذه الدولة .زهناك حاجة ماسة لنقل الاعضاء وربنا لا يبتلي اسرة ان يكون احد افرادها على وشك الهلاك ..اذا لم يكن هناك قانون يوفر هذه الاعضاء بشكل انساني وبشكل محترم وبشكل خالي من التدني الناس دي مصيرها ايه..؟ الامل في ان يحدث ذلك من ان احنا ناخد اعضاء من الاحياء لا ناخد اعضاء من الاموات بناخد كلية من حي او فص كلية من حي انما الاساس في العالم كله ان 90 % من الاعضاء بتاخذ من الاموات الذين اذا تركتهم اعضائهم بتتحلل في يومين للدود هل الدود اولى من هذه الاعضاء تحيي بشر على وشك الهلاك انا اتبهدلت واتخربشت وواحد صحفي كبير كان بيطلعني ماسك جزارة والدم بيسيل في ايديا على انني بقتل الناس وبدبحهم وباخد منهم اعضاء واتقال لي هروح النار تصور واحد يقعد ف مجلس يقولي اللهم فاشهد ..يشهد على ايه على ان كلنا هنروح النار وسعادته الوحيد اللي هيروح الجنة انا قلت له احنا اللي هنروح الجة وانت هتنزل في اسفل السافلين لان انت بتقف في وش الخير وبتقف في وش انك انت ناس على وشك الهلاك ايه الكلام دا ايه الامزجة السوداوية اللي بتحط للبلد دي مستقبل اسود كده واذا كان مستقبل بلدنا ده اسود ولادنا دول اعمل فيهم ايه الولاد اللي بتهج وتروح تاخد قوارب وتجري كله من الهم اللي بنحطه قدامهم ..قالولنا انه لا تعلوا صدقة جارية على صدقة انه انا بعد ما اتوفى اتبرع بقلب يعيش انسان وبيدين يعيش انسان وبكليتاي يعيش انسان او انسانين يسعوا ويرتزقوا ويؤدوا ماعليهم من فروض وكل لحظة وكلب دقيقة بيدعوا لصاحب العضو ...صدقة جارية هذه فكرة الايثار نريد للشعب المصري الكلام اللي بيتقال هيقتلوا الناس وياخدوا كلاويهم ..الموضوع نظام مؤسسي في هيئة قومية يراسها شخصية عامة ويمثل في هذه الهيئة رجال دين ورجال تشريع واطباء على اعلى مستوى ..... محمد صلاح:نشيع بيننا ثقافة التبرع دا بالنسبة لقانون زرع ونقل الاعضاء .. اتحمس الدكتور نقيب الاطباء وقال كلامه معانا كان كلام جميل كلام معقول اكيد الدكتور حمدي السيد قال كلام مسئول خلص الكلام سلام نلتقي في الحلقة المقبلة
