سيد دويدار يكتب :انتهى الدرس يا غبى

سألوا سطوحى ,,ماذا تعنى لك هذه الكلمات فى رايك واليكم التفاصيل الذكاء .. يجعلونا نفقد الاصدقاء ,, الغباء .. هو ان نظن بانفسنا الذكاء الشرف .. ان تكون صادقا مع نفسك ,, الكذب .. اربع اخماس هواء الكورة الارضيه الفقر .. لو كان رجل لقتلته ,, المال .. يكسبه الانسان ليخسر نفسه الحياة .. صنعت بمهارة شديدة حيث لا يمكن ان نحب بقوة الا اذا كرهنا بقوة الحب .. ذكاء حنان شهوة ,, المعرفة .. ان تتاكد من جهلك الجهل .. ارخص متعة فى الوجود ,, الحكمة .. ان لا نسأل هذا السؤال الكتاب الذى اعجبك .. دليل التليفونات , ولماذا ؟ لانه يقول الصدق العمل الذى تحلم به .. تغير الكون , والعمل الذى لا تجيده .. تغير الكون كان سطوحى رجل لا يفقه شياء فى الحياة وكما نقول على هؤلاء الناس متخلفين , عبط , دماغه ضربه , اهبل وهكذا يعنى كلا حسب مسميته ثم جاء دكتور وقال انه سيعالجه وسيجعل مه انسان جديد , تم دخوله الى المشفى , وبعد بضعة ايام نجحت العملية , واصبح سطوحى كما ترون ... هل اعجبكم كلام سطوحى ؟ نعم كثير منا سيعجب بكلام سطوحى ولكن الم تلاحظو شياء مشابه لكلام سطوحى او طريقة تغير عقله من شخص لا شياء الى شخص يتحدث بطلاقة ؟ اقولكم انا بقا سطوحى هو احنا جيل الشباب الجيل الذى اراد ان يتحدى الكون كله الجيل الذى اراد ان يرى بلده كبيرة , جيل الشباب الذى نزل الى ساحة الميدان لكى ياخذ حقه من الظالمين , الجيل الى شاف ظلم وقهر وعدم اهتمام ومفيش شغل ومفيش ومفيش ومفيش ومفيش الخ الخ ,,, هو دا جيلنا الاهبل العبيط ... طب انتا ليه حطتنا مكان سطوحى , سطوحى عمل عملية ونجحت وخليته طلايق اللسان , اتعرفون ماذا حدث لسطوحى بعد ذالك ؟ سطوحى رجع اهبل وعبيط ومتخلف زى ما كان نعم لا تتعبون انها الحقيقة .... وما وجه المقارنة بيننا وبين سطوحى ؟ كل دا ومش فاهمين , بقولكم سطوحى رجع اهبل ومتغيرش فيه حاجه , ظهر بس قدام الاعلام والعالم انه بقا طلايق اللسان ولكن اذ فجاة رجع كما كان سطوحى اهبل وعبيط .... جيلنا عمل ثورة , ومازلت اؤمن انها ثورة رغم انف الحاقدين , عمل ثورة وبعدين عشان كنا عبط وهبل ومتخلفين عفوا ليكو كلكم ولكن كثيرون بل الجميع وان كنا غير ذالك لما حدث لنا كل هذا , جه الدكتور عملنا عملية لذيذة كده , الى راح اشتغل فى الاعلام , والى طلع واشتهر على قفاء الثوار , والى نسى دم الشهداء وشاف مصلحته , والى نسى المعتقلين وقال عليهم زى ما اتقال عليه قبل كده بس الظاهر انه بقا زيهم , نعم الفساد مننا فينا , حبة هنا وحبة هنا ونفرقهم ونخليهم يتشتتو وكل يوم نعملهم قضية يتلهو فيها , نسجن حبة نموت حبة نصيب حبة وكله عشان مصر تستقر وعشان العيال دى تهمد بقا ...طب وبعدين يا فليسوف الغبرة اقوالك وبعدين رجع الجيل اهبل تانى ههههههه اه متستغربوش اهبل رجعنا هبل متخلفين , نسينا حقنا ونسينا ثورتنا ونسينا ونسينا ونسيا عارفين ليه لان كل واحد حب الى بيعملو . عايز بقا لما تعلقو تقولولى لا احنا مكملين لا احنا مش مكملين .. تقدرو تقولو لى كام واحد من الثورة الى حب يشوف بلده احسن شغال شغلانة محترمه وبيحبها عشان يقدم بلده ؟تقدرو تقولو لى كام واحد من المعتقلين عرفنه بجيب حقه اوعى حد يقولى 14 ههههتقدرو بقا تقولو لى كام واحد مات عرفنه نجيب حقه تقدرو تقولو لى فين الى كنا ماشين ورائهم مكملين اية بس ؟ مكملين ذل وقهر وسحل وقلة قيمة , خلصنا من حزب وطنى جلنا حرية وعدالة ايه الفرق الفرق اخرس يا ولد دول يعرفو ربنا , يا عم وربنا وربنا فيه ناس فى الحزب الوطنى يعرفو ربنا وكانو حرية وعدالة بردو مكملين ؟ مكملين عشان نموت ومحدش يجيب حقنا زى الى راحو . مكملين عشان نعتقل ومحدش يسئل عننا زى الى معتقلين , الا طبعا مش عايز ابخس الناس حقها الا شوية مسيرات على وقفات ويجى ناس ملهاش فى اليله وتركب وتعمل الشو وهى متبقاش موجوده اصلا معانا من الاول .. والله العظيم مش بحبط حد وكلامى انا عارف رايح فين ومين هيعجبو كلامى ومين لا عارف ومش بحبط حد وعايز كل الناس تتفائل الخير ديما بالى جاى بس عايز خطوات .. عايز امشى على خطة , هنتحرك كذا ,, كلنا مع بعض ومحدش يجى يركب على حد وكلنا بنحب بعض وبلاها تصرفات الاطفال الصغيرين خلينا نكبر شوية بقالنا سنه ونص بنضرب ,,, هنروح نعمل كذا كلنا ننزل ونساعد بعض مش نقول وراءنا اشغلنا ما كنا طول عمرنا وراءنا اشغلنا اية الى جد والى فالحين بس نعقد نقول انجزتنا الى حصلت وجت ناس وركبت عليها ياريتك ركبت انتا يا صاحب الانجاز ,,تعالو بقا نفكر بقا ارجوكم تجمعو عشان خاطر الى بينا , يا جماعه يا جماعة اتقو الله فى الى مات والله العظيم ان لم نات بحق من مات فسياتى الله علينا بغضب لم نره مثله قد والغضب مش لازم يكون زى عذاب قوم اى نبى من الانبايء صلوات ربى وتسلماته عليهم اجميعا , ولكن الغضب ياتى فى اى شىء , فقر , جوع , مرض , ابتلاء شديد وهكذا ... ايها الساده لا احب ان انهى حديثى وانا غير متفائل , لانى كلما نظرت فى اعين اصدقائى الثوار اره فيها نور وصدق واخلاص لله ثم للقضية نعم نحن قليلون ولكننا متميزون ولا نريد ان يذهب تعبنا هباء استقيمو يرحمنا ويرحمكم الله , وحد صفك , كتفى فى كتفك نعم ساقولها وساظل اقولها ستنتصر ثورتنا فى النهاية حتما ستنتصر لان معنا الحق , والله ناصرنا وهو حسبنا ونعم الوكيل لاتقولون انى اهاجم من غير حجة انى اريد ان اذكركم بما نحن فيه من الضياع ولكن باذن الله سننتصر ياريت منبقاش زى سطوحى ونتعلم الدرس كويس ومنرجعش هبل وعبط تانى اعذرونى ان كنت قاسى فى الحديث ولكن هذه طريقة التذاكير المهذبة وفقنا الله جميعا لما فيه الخير , وعلى فكرة المقصود من الغبى ان منبقاش احنا بالعكس انا عايزكم تخلو التانين هما الاغبياء بتجمعنا مع بعض من تانى واعدائنا معروفين كويس اوى لينا ولا اية ؟ يسقط العسكر والاخوان والمنافقين والفاسدين وقتلة الثوار والمطبلتيه جميعا وعلى رائسهم الى مش عاجبو معلش هقول كلمه عيب شوية الى مش عجبو يشد فى حوجبو ^_^ ستعرفون سطوحى من عنوان المقالة ^_^ اصدقائى الاعزاء دمتم ثوار احرار مكملين المشوار.