رسالة من الشرطة للشعب

يا شعب مصر العزيز أنا ياما سهرت أفديك
أنا الأمان مهنتي
وأطمنك أحميك
والعيب إزاي يكون فيا وانا جرحك بيبان عليا
فينا الخسيس وفينا الطيب وخوفي كله عليك
يوم ما تحتاج الحماية من عندي تبقى البداية
ولو بصيت ف المراية ح تلاقي صورتي فيك
وإزاي بتظلم فيا ماتقولش الحق عليا
ده انا روحي ليكوا هدية وعمري كله ليك
تعالي نتحدى الصعب ويلا نخاف على بعض
باحلفلك وخد ده وعد بكره اللي جاي ده ليك
انا منك وليك يا شعب تعالي ندق الكعب
ونعدي ظروف الصعب أنا ضد مين يعاديك