ميسرة صلاح الدين : لما الدنيا بتقسى عليه

قد ضاق صدرى والكلام مطلعش
دخان سجاير لفها الشياطين
والقلب طعم لمخلوقات الليل
دلوقتى بس عنيه جت فى عنيه
يا شعر عايز منى ايه تانى
فتوى
لمّا الدنيا بتقسى عليه
كان بيروح
يستفتى شيطانه
كان دايماً
يلاقي له حلول
وامّا اتحلت
كل خرايط النور
من إيده
كل خطوط الدفا
من روحه
ما بقاش عارف
يفتح قلبه لفتوة مين !!!
تمثيل
بعد ما صرَّخ اوى م الخوف
خاف ليكون الناس شايفينه
غمى مشاعره
وكرمش عينه
مثِّل أنه ما بيصَّرخش
لكن الدنيا
عشان بتخوِّف
كل الناس ..حبُّوا التمثيل
مواضيع ذات صلة
1. محمد صلاح العزب :ليسانس حقوق
2. د.محمد السيد سعيد..الدين فى الضمير
3. أميمة عز الدين: حقيبة السفر
4. مروة أبو ضيف تكتب: عن ولد
5. لا جديد في الدوري: 4 تعادلات تبقي الوضع كما هو عليه