* تعليق : أكفل ضابط أمن دولة في بيتك .. وأخر : أمن دولة يقول لكم هي الديمقراطية يا شعب * أمن الدولة ... كانوا بيهرجوا معاكم, بس هزار تقيل شوية, الواحد مايعرفش يهرج مع الشعب ده؟ * مواطن : أول قرار تغيير أسم أمن الدولة .. ل أم الدولة .. يا حنان الأم .. أحضن كتبت – نفيسة الصباغ : في محاولة لتقصير الطريق على من يتقدمون كل مرة باعتذارات لكل من يخرج من موقعه بداية بالرئيس مبارك والشرطة ورئيس الوزراء السابق أحمد شفيق، بدأ نشطاء صفحة على موقع التواصل الاجتماعي الفيس بوك بعنوان “إحنا آسفين يا أمن الدولة”، لكن على العكس من الاسم الصفحة تهتم بجرائم جهاز أمن الدولة والسخرية مما حدث لمقره أمس بالإسكندرية، ومن التعليقات المحتمل خروجها للحديث عن “وطنية” أو “أهمية” الجهاز. وكان أول “بوست” على الصفحة هو صورة الأوراق المفرومة في مقر الجهاز بالإسكندرية. وفي توضيح من مؤسس الصفحة قال: “المصيبة إن فيه ناس فاكرة إن الصفحة اعتذار بجد.. إحنا بس سبقنا بتوع بقايا الحزب الواطى وبتوع أسفين يا ريس وحقك علينا يا أبو نسمة”، وفي هذا الإطار تنوعت العبارات الساخرة التي تعيد صياغة ما قيل في السابق عن مبارك والشرطة وأحمد شفيق، مثل الحديث عن مطالبات بجمعة رد الجميل، و”أمن الدولة راجل محترم”، وأمن الدولة وراها تاريخ”. ومن بين الجمل الساخرة التي نشرتها الصفحة: - إنتم حريين .. دوروا على حد يعذبكم، - اللي مش هيقول أنا أسف ... هطلع ملفاته - أمن الدولة ... بدل ما تتشطروا عليها, روحوا شوفوا ملفاتكم عند مرتضى منصور - أمن الدولة ... موجودين جوه كل بيت في مصر - أمن الدولة ... ظلمتوهم, كانوا لازم ياخدوا فرصتهم - أمن الدولة ... بقى هي دي الديمقراطية يا شعب؟ - كفايه بقى خربتوا البلد أمن الدوله دول مشغلين نص البلد علشان يتجسسوا ع النص التانى يعنى يقفلوها والناس تاكل عيش منين.. حرام عليكوا وبلاش تقطعوا رزق الناس ههههههههههههه - أمن الدولة ... كانوا بيهرجوا معاكم, بس هزار تقيل شوية, الواحد مايعرفش يهرج مع الشعب ده؟ - أمن الدولة ... كانوا معاكم في الثورة من أول يوم - طبعا طبعا هما ال كانو الامن والامان كمان وال حمو الشهداء بالمره كان ليهم دوووور كبير جدا تصدق يستحقو كل الاحترام والتقديرعلي جهوده بالمره لبابا مبارك شكر مهو شارك هوه كمان مش كان معاكو بردو ولا ايه - أمن الدولة و الشعب إيد واحدة - أمن الدولة ... تعبوا في فرم وحرق الورق, لو تعرفوا تعبوا أد إيه ماكنتوش عملتوا فيهم كده - أمن الدولة ... إبقوا خلوا اللجان الشعبية تنفعكم - اكفل ضابط امن دولة فى بيتك - أمن الدولة ... الملايين هتزحف من ليبيا وأمريكا الاتينية في جمعة رد الجميل - أول قرار تغير اسم امن الدولة ل أم الدولة...يا حنان الام....أحضن - أمن الدولة ... من أجلك إنت - أمن الدولة ... هيسامحوكم, هم عارفين إن اللي حصل ده من قلة مندسة مهلوسة - عاجل: طلب عدد كبير من ضباط امن الدولة اللجوء السياسى لاسرائيل - ونظرا لغياب جهاز امن الدولة قرر الاهالى بتكوين لجان شعبية لتعذيب انفسهم - عاااااجل : اتضح ان الورق المفروم ده ورق الاجندات الاجنبية - مرة ضابط امن دولة مراته رجعت البيت متأخر كهربها - أمن الدولة ده رمز من رموز مصر.. ازاي تعملوا فيه كده!!... ازاي تخلوا منظرهم كده ... الله يسامحكوا بجد! مين هيضربنا ويعذبنا ويبهدلنا ويعملنا ملفات بعد كده.. عمري ما هسامحكم - عاجل .... امن الدولة سيلقي خطاب بعد قليل - التليفزيون المصرى: لا وجود لمقرات أمن دولة في مصر - شاب من ميدان مصطفى محمود: امن الدولة رمز ولازم يتكرم ومش من اخلاق المصريين انهم يهينو اللي يخزوقهم - كفاية ظلم لينا بقى...حد فيكوا يعرف كنا بندفع اد ايه كهربا كل شهر!!! - حرام عليكم تعملوا فينا كده.. إحنا حاربنا وقاتلنا وإتقتلنا - أمن الدولة ... لو الضباط اللي الجيش إعتقلهم ماخرجوش, مش هنرجع تاني - و على رأى المثل...حلاوتك يا عنبة و انتى قاعدة عالكنبة - يا أمن الدولة خد دواك.. إلهى ربنا ياخدك - ايطاليا ترسل سفن لاجلاء رعاياها من امن الدولة - أمن الدولة هو المكان الوحيد الكهرباء متتقطعش فيه .. ياريت مصر كلها أمن دولة - دلوقتى مبقاش فيه أمن دولة.. أومال مين إللى هيودينا ورا الشمس!! - اللى حرقوا أمن الدوله بيتكلموا انجليش لانجويج وبيملوا معانا فلايرز ..ارجوك أرجوك الحقونا - عاجل: مجموعات من جماعة آسف يا ريس ماكنش قصدي وبنحبك يا شفشق وعاشقيي بوكسرات العادلي تعلن الجمعة القادمة جمعة لفافات البانجو وفاء لأمن الدولة - أنباء عن هروب أمن الدولة و أسرته إلى السعودية..... و أنباء أخرى تؤكد ؤجوده فى شرم الشيخ - يا جماعة هو الكلام إن فى تعذيب و قتل و إهانة فى أمن الدولة ده إنتو جبتوه من مين؟! هو كان فى حد أساسا بيطلع..... سؤال يطرح نفسه - ”أنباء عن تظاهر ضباط أمن الدولة....و سماعهم يهتفون “الشعب و أمن الدولة إيد واحدة قذافى الدم أمن الدولة....يدافع عن والده و يهدد الشعب قائلا : “أنا أحذركم من الإستمرار فى الثورة لأن بعد ذلك دمار..... ما فى بترول, ما فى غاز, معاكم نار معانا نار.....و هو يجرى و أنا أجرى “