” بلوفر شفيق” صفحة ساخرة على الفيس بوك شعارها : ” الشعب يريد إسقاط البلوفر “

* تعليق : من النهاردة مفيش بلوفر .. أنا البلوفر ” .. وأخر: المصري اللي على حق يقول للبلوفر لأ
* مواطن : لن أعيش في بلوفر شفيق .. وآخر : يا لابسة البلوفرات .. يا شايلة الهم للممات
* مجلس الأمن يدرس حظر الطيران فوق ليبيا وحظر تصدير البلوفرات الي مصر .. وشفيق : معكم حتى أخر بلوفر
كتبت – نفيسة الصباغ :
استمرارا لحالة خفة الدم والسخرية اللاذعة التي عادت بقوة بعد ثورة 25 يناير، كسلاح قوي يتمتع به الشعب المصري دون غيره، أطلق مجموعة من الشباب صفحة جديدة على الفيسبوك تحت عنوان “بلوفر شفيق”، ترفض بطريقة مميزة استمرار رئيس الوزراء الحالي الفريق أحمد شفيق في منصبه، فبعد مجموعة من التعليقات اللاذعة عبر موقع “تويتر”، قام أحد الشباب بإنشاء صفحة الفيسبوك. والتي امتلئت بالتعليقات الساخرة :
- الشعب..يريد..إسقاط البلوفر
- الشعب يريد إسقاط الراجل اللي جوه البلوفر
- من النهاردة مافيش بلوفر .. انا البلوفر
- إنضمام بلوفر شفيق للمعتصمين بالتحرير رافعا شعار: بلوفر ليك وبلوفر ليه أما نشوف مين هيلبس الجلابية
وكان من بين التعليقات على صفحة “بلوفر شفيق”:
- لازم نعرف مين الترزي اللي ورا بلوفر شفيق؟
- المصرى اللى على حق ...... يقول للبلوفر لا
- مظاهرات في مصطفي محمود تطالب برد الجميل لبلوفر شفيق ..واحد المظاهرين يقول والدموع في عينيه ان البلوفر ابوه
- لن أعيش في بلوفر شفيق
- هو ممكن الواحد يكره شفيق ويحب بلوفره .. من هنا كانت الحكاية .. حكاية شعب وبلوفر .. انتظرونا
- مجلس الأمن يدرس حظر الطيران فوق ليبيا وحظر تصدير البلوفرات الي مصر
- كلنا بلوفر شفيق
- يا لابسة البلوفرات .. يا شايلة الهم للممات
- عاجل: بلوفر شفيق يخوض الانتخابات الرئاسية القادمة
- أحمد شفيق: سأستمر رئيسا للوزراء حتي أخر بلوفر
- للناس اللي مش بتلبس بلوفرات.ستلبسونه حين لا ينفع الجاكت.من أنتم؟ .من أنتم ؟. دقت ساعة البلوفر.الله أكبر. لا رجوع إلي الجواكت
- عاجل : بلوفر شفيق حاليا يخضع للتحقيق
- جروب ع الفايس بوك : احنا اسفين يا بلوفر شفيق
- يعني ايه كوك زيرو : يعني مبارك يلبس بدلة يمشي وشفيق يلبس بلوفر بردو هيمشي
- الرجالة دى مش لابسة بلوفراتها ليه يا شفييييييييق
- مصرخرجت من جلباب مبارك لتعيش في بلوفرشفيق
- – سيخرج أحد الأشخاص على التويتر ليعلن إنه إبن الراجل اللي جوة البلوفر وإن أسرته في حالة نفسية سيئة بسبب الهاشتاج
- انتوا بالفعل حطيتوا ضغوط نفسية شديدة على البلوفر.. ده هيوبر منكو
- احب اقول للبلوفر جيم اوفر
- رجاء اللي عنده بلوفر يهشتجه
- بلوفر شفيق لاكوست ماركة التمساحة يعيش في البرك والمستنقعات والأنهار الراكدة
- بلوفر شفيق حراك سياسي .. معا سنغير
- بلوفر شفيق امر حتمي .. كفانا خداعا للشعب