رئيس مدينة منيا القمح يطرد نائبًا إخوانيًا وأعضاء بالجماعة لتطاولهم عليه بالسب والتهديد

طرد اللواء محمد سلطان، رئيس مدينة منيا القمح بالشرقية، مؤمن زعرور النائب البرلماني عن الحرية والعدالة وعددا من أعضاء جماعة الاخوان المسلمين من مكتبه أثناء زيارتهم له مساء أمس.
وذلك بعدما طلبوا منه دعمهم ماديا من أجل الانتهاء من حملة التشجير بالمدينة، فرد عليهم سلطان قائلا " أنا معاكوا بكل العمال والمعدات بس أنا معنديش فلوس فى صندوق الخدمات عشان أجيب شجر ، أنا يادوب بجيب مرتبات العاملين بالمجلس من المحافظ بعد ما نسمع ما لا يرضينا ".
وأكد "سلطان" أن النائب مؤمن زعرور تطاول عليه بالسب والقذف هو وشخص آخر يدعى "مصطفى " أحد أعضاء حزب الحرية والعدالة، وقالوا لى " إن شاء الله مش هتقعد فى المكتب ده لو ما سمعتش الكلام "، فرد عليهم سلطان " انتوا لو ما احترمتوش المكتب اللى انتوا فيه هطردكوا كلكم انتوا ما لكوش صفة فى العمل أنا عارف اللى عليا وملتزماتى كلها وبعملها ... فاستمروا فى سبهم حتى ارتفع الصوت مما استدعانى إلى طردهم جميعا من المكتب ".. ورد عليه أحدهم قائلا "انت اللى تطلع بره "، ورد عليه سلطان " اللى ييجى من وشكوا يغور والله ما انا قاعد فيها ".
وفى نفس السياق، امتنع رئيس المدينة اليوم عن دخول مكتبه إلا بعد وضع حل لتلك الازمة.
وقام المهندس محمد عزت، نائب المحافظ، بزيارة مجلس مدينة منيا القمح للتدخل لحل الأزمة، إلا أن رئيس المدينة اعتذر عن دخول مجلس المدينة إلا بعد رد كرامته .
Comment *