رئيس مدينة منيا القمح يطرد نائب إخوانى وأعضاء بالجماعة من مكتبه ويتهمهم بتهديده بالإقالة من منصبه

قام اللواء محمد سلطان رئيس مدينة منيا القمح بمحافظة الشرقية بطرد نائب الحرية والعدالة ” مؤمن زعرور ” وعدد من اعضاء جماعة الاخوان المسلمين اثناء زيارتهم له مساء امس بمكتبه لمطالبته بدعمهم ماديا من اجل الانتهاء من حملة التشجير بالمدينة فرد عليهم سلطان قائلا ” انا معاكوا بكل العمال والمعدات بس انا معنديش فلوس فى صندوق الخدمات علشان اجيب شجر ” انا يا دوب بجيب مرتبات العاملين بالمجلس من المحافظ بعد ما نسمع ما لايرضينا ” .واكد سلطان ان النائب مؤمن زعرور قام بالتطاول عليه بالسب والقذف هو وشخص اخر يدعى “مصطفى “احد اعضاء الحزب وقالوا لى ” انشاء الله مش هتقعد فى المكتب ده لو ما سمعتش الكلام ” فرد سلطان انتوا لو ما احترمتوش المكتب اللى انتوا فيه هطردكوا كلكم انتوا ما لكوش صفه فى العمل انا عارف اللى عليه واعلم التزاماتى كلها وبعملها .
فأستمروا فى التطاول بالسب والقذف وارتفاع الصوت مما استدعانى الى طردهم جميعا من المكتب ورد عليه احدهم قائلا “انت اللى تطلع بره ” ورد عليه سلطان ” اللى ييجى من وشكوا يغور والله ما انا قاعد فيها .
وفى نفس السياق امتنع رئيس المدينة اليوم عن دخول مكتبه الا بعد وضع حل لتلك الازمة .
وقام المهندس محمد عزت نائب المحافظ بزيارة مجلس مدينة منيا القمح للتدخل لحل الازمة الا ان رئيس المدينة اعتذر عن دخول مجلس المدينة الا بعد رد كرامته .