كلنا خالد سعيد بعد انتخاب مرسي: الطريق طويل وإحنا مكملين ومش هنعتمد إن فى "حد بيسوق وخلاص"

قالت صفحة كلنا خالد سعيد أن الطريق لا زال طويلا بعد إختيار مرسى رئيسا للجمهورية" لازم نبقى شايفين كويس إحنا عايزين نروح على فين ومنعتمدش إن فيه حد "بيسوق وخلاص".
وأشارت الصفحة إل وجود عدد من التحديات أهمها الموقف من حل مجلس الشعب" هل من حق المشير إنه يحله؟ وهل التلاتين المليون مصري اللي صوتوا في انتخابات مجلس الشعب مالهمش حق في إنهم يقرروا هل يتم إعادة انتخابات مجلس الشعب؟ خاصة وإن ده نفس اللي حصل في 1987؟".
كما تحدثت الصحفة عن اللجنة التأسيسية للدستور، مشيرة لأهمية أن يكون دستور متوازن يحترم الحقوق والحريات الشخصية ويؤصل للعدالة الاجتماعية ويحارب كل صور الدكتاتورية والفساد، ولا ينفرد بكتابته فصيل واحد، والموقف إذا قرر القضاء الإداري حل الجمعية التأسيسية وترك للمجلس العسكرى تأسيسها.
وقالت " كلنا خالد سعيد" أنه يجب النقاش الان حول صلاحيات الرئيس، و"هل هنقبل إن رئيسنا اللي جاي تكون منقوصة صلاحياته؟ والمجلس العسكري يستمر كسلطة تشريعية في مصر؟ هل هنقبل إن الرئيس ميبقاش القائد الأعلى للقوات المسلحة".
كما أشارت الصفحة إلى أهمية تنفيذ وعود محمد مرسي الذى تعهد قبل توليه الحكم بتنفيذ كل بنود وثيقة الاتفاق الوطني، تصحيح مسار الثورة الإعلامي والاستعداد للانتخابات القادمة، مضيفين " لسه الطريق طويل يا شباب .. بس إحنا لسه مكمّلين".
Comment *