عيش حلمك !

تخرج في الكلية، لم يقعد ينتظر الحكومة، فكر ونفذ، وها هو يستفيد ويفيد غيره من الباحثين عن وظيفة، هو حسام فيصل، كتب علي صفحته بالفيس بوك يقول : »احم احم.... تست تست تست.... يا رب بس الناس تقرا و كمان يا ريت يعني لو تعملوا شير للبوست بحالو كده مش اللينك بس، انا اسمي حسام فيصل، انا معيد في كلية طب الأسنان في جامعة المستقبل اللي هي في التجمع الخامس، من فترة كنت بدور علي مكان اشتغل فيه بعد الظهر، اشتغل فيه برده كطبيب أسنان عشان اكتسب خبرات، و الحمد لله وبعد ما قعدت ادور علي عيادات كتير و مقابلات كتير، مكنش ليا نصيب في أي مكان والحمد لله.
ويتابع : »‬ اللي لفت نظري وانا قاعد بدور، أن دايما الطبيب، والعامل عامة، هو اللي بيدور علي مكان عشان يشتغل فيه، طب روحت سألت نفسي كده، ليه منقلبش الآية؟ ليه منخليش في مكان كده نجمع فيها كل الناس اللي بتشتغل كده أعمال حرة؟ مثلا الطبيب تتفق معاه يشتغلك حالة في السريع كده، المصور يجيلك يصورلك الإيفنت اللي انت عامله، make up artist، نجار، سباك، جنايني، مصمم جرافيك، مهندس ديكور، سواق....... الخ، بعد التفكير ده، جاتلي فكرة اني اعمل أول موقع من نوعه في الوطن العربي، وأصلا اللي شبهه مش كتير في العالم، و الموقع ده اسمه www.scouteer.com، فكرة الموقع ببساطة أن كل واحد بيعمل بروفايل بالموقع، زي فيسبوك كده، وبعد كده تنزل لنفسك إعلان، مهما كانت مهنتك، وبعد كده الناس تدخل عالموقع وتدور علي الشغل اللي هي عايزاه، وتتواصل معاك وربنا يكرم إن شاء الله.
الموقع حاليا في مرحلة open beta، يعني شغال كله بس في حاجات صغيرة اوي اوي لسه محتاجة تتظبت، بس ده مش هيقصر اطلاقا علي انك تعمل إعلان وأن الناس تشوفك، أتمني أن أشوفكم عندي في الموقع وكمان علي الصفحة اللي علي الفيسبوك www.facebook.com/scouteers إن شاء الله
وبالمناسبة، أول عشرة يعملوا إعلانات الموقع و يبعتولي لينك للإعلان ده، هخليلهم الإعلان عالصفحة الرئيسية، أي حد يدخل بعد كده، يشوف إعلانك أول حاجة و الخاصية دي هتبقي بعد كده بفلوس، بس ليكم انتم ببلاش #شير_في_الخير#سكاوتير#اعمال_حرة# عيش_حلمك.»‬ ونحن معكم نعيش حلمنا وندعمكم.