مكرونه بشاميل بدون دهون

1كيس مكرونه قلم
1/2كيلو لحمه مفرومه
2بصله كبيره مفرومه ناعم
6ملاعق دقيق
1/2لتر شوربه
1/2لتر لبن
3ملاعق صلصه طماطم
رشه سكر
ملح فلفل اسود مطحون رشه جوزه الطيب رشه بهارات
الطريقه
تسلق المكرونه في ماء مغلي وملح
تعصج اللحمه بان توضع في الحله وتقلب بدون اي دهون حتى يتغير لونها وتدخل في السوا ثم يضاف اليها البصل المفروم ناعم والملح والفلفل والبهارات ورشه خفيفه من جوزه الطيب و3ملاعق الصلصه 1كوب ماء ونهدي النار عليها لحد ما تستوي
بعد السوا نضيف رشه السكر ودي على فكره بتبقى حلوه لاى اكل فيه طماطم علشان بتعادل الاملاح اللي في الطماطم
البشاميل
نحمص الدقيق على نار هاديه ونقلبه باستمرار لحد ما نوصل للون الدهبي
وبرضوا من غير اي زيت او سمن
نضيف للدقيق الشوربه واللبن على مراحل مع التقليب لحد ما نوصل للقوام اللي نحبه (لو كتلت نخفقها في الخلاط)
بعد كده نضع في قاعده الصينيه جزء من البشاميل ثم نضيف 1/2 كميه المكرونه ونقلبها في البشاميل ونضيف اللحمه المعصجه و بعدين نضيف باقي المكرونه ثم باقي البشاميل
للوجه لو عايزينها تستوي بسرعه يبقى رشه جبن مبشوره(شيدر او موزريلا)
لو مش مستعجلين يبقى ناخد 2ملعقه بشاميل ونضيف لهم بيضه و رشه فلفل اسود ونقلبهم كويس ونفردهم على الوجه وندخلها الفرن على حراره 220حتى يحمر الوجه
اللي بيحبها بالدهون عادي يبقى يحمر كميه الدقيق في 1/2 كميته سمن بمعنى 6ملاعق دقيق تتحمر في 3ملاعق سمن ثم يضاف اللبن والشوربه و1ملعقه طعام قشطه ويعصج اللحمه بان يحمر البصل في سمن وتستكمل باقي الخطوات
تابعونى على صفحه طبخات ووصفات وبالف مليون هنا وشفا ومنتظراكم تجربوا وتقولولى رايكم